Hoxeya 7:16 - Emakhuwa Bible

¹⁶ Awosa khaanghokoleela wa Muluku Musulusulu; ari ntoko muura woohilokaloka. Ahoolelaaya animwiiviwa ni ekatana niwoko na maswaaya ooveiha. Tivawo atthu a wExipitu anaatthebwaaya.”

Hoxeya 7:16 Iomraidhean Croise

Icipo 12:3

Yave athikile iyano sootheene soonyeenga ni nlumi noowiixoona

Icipo 12:4

na yaawo aneera: “Nnoowina ni iyanosahu; ti sawihu – hiyo awani?”

Icipo 12:5

Yave oneera: “Kinoovenya vaanaanova niwoko na ohasuliwa wa oohilipa ni okhuwela wa oohaawa. Kinimwaapakela ekhaviheroweene yeeyo antthunaxaaya.”

Icipo 17:10

Awosa ti a murima woowuumaxa ni eyanowaaya enuuluma moota woowiixoona.

Icipo 52:2

Nluminanyu nimvaanela ophwata, nri ntoko navaya oowiitha noosareya olokottha.

Icipo 57:4

Miyo kooriciwa ni amwatto; kiniixaatalela vamoha ni axinama ooluma – mainowaaya ari mavaka ni nyuupa ni malumaaya ari ikatana soowiittha.

Icipo 73:9

Awosa anuulumela wiirimu moota woowiixoona ni malumaaya aniivahano elapo.

Icipo 78:37

Mirimasaya khasaamukhalela ekhaikhai ni khayaaroromeleiye ni wiiraanawawe.

Icipo 78:57

Yaari oohiroromeleya ni ohiiwelela ntoko makholowaaya, yaapirituwa ntoko muupa woohimuteko.

Yesaya 3:8

oYerusaleemu onooveveleya; oYuda ohanle vakhaani omora; maswaaya ni mitekosaya nsiniiwanana ni Yave, siramusaka okhalawawe woovuwa.

Yeremiya 18:18

Awosa yaaheera: “Nrowe, nimvaanelele Yeremiya; niwoko khanimala nihusiho na Nlamulo na musaserdoti*, hata olaka wa namiruku, naari masu a maprofeeti. Vano, nrowe namoothere weera nihiiwe onghimaawe.”

Yeremiya 3:10

Orookhalaru hiiho, axunnaya aYuda anamavariha, khaahokoleenle wa Miyo ni murima wootheene, mene ni woothereriha,” onghima Yave.

Yeremiya 42:18

Yave a ikuru sootheene, Muluku a oYixrayeli oneera ha: ‘Mooteene yoowo onyoonyiwawaka oyeeheriwaaya oYerusaleemu, isarasakatho munooyeeheriwa nyuwosa, mwaarowaka wExipitu. Nyuwosa munookhala eneneero ya nlapho ni moopopihero, woonyooserano ni otthebwiwa. Nyuwosa khamoonatho nipuro nna.’

Ezekiyeli 23:32

Yave onlamula sootheene oneera ha: Nyuwo mmwiwure ekoomixi ya munninyu, ekoomixi etokotoko ni yoowiixa; eyo enootannyera otheiwa ni otthebwiwa moota woohilikanxereya.

Ezekiyeli 36:20

Vano, weiwo yaarowaayaru eriyari ya miloko, awosa yaahiiriha Nsinanaka Nootteela, niwoko yeerelasiwa: ‘Ola muloko wa Yave, mene waarookhalaru hiiho, waatthuneya okhuma mulaponi yaavahiwaaya ni Yave.’

Daniyeli 7:25

Owo onimuuluma soomvirikanyihela Muluku a Musulusulu, aahasulaka ootteelaawe, eereraka oceendya ihuhu ni malamulo. Ootteela animwinnyereriwa mmatatanimwawe wa ehuhu, ihuhu ni eriyari ya ehuhu.

Hoxeya 11:5

Awosa anoohokoleela wExipitu ni awAsiriya animwaalamula niwoko na okhoottawaya orukunxa murima.

Hoxeya 11:7

Mulokwaaka woolakelaxa okihiya Miyo. Anoomwiitthanaru Bahali*, owo khanaavuwiha.

Hoxeya 6:4

“Nkoopakele eheeni Efrayimi? Nkoopakele eheeni Yuda? Osivelawanyu ori ntoko ekasikasi ya oxeexelo, ntoko nikame nimpeherera wiima nnamora woowaakuveya.

Hoxeya 7:13

Ii! Wa yaawosa, niwoko aakirakamela! Waarweelase ophwatiwa, niwoko aakivaanya! Miyo kinghaawela owoopola, vaheera awosa ankuulumela soowootha.

Hoxeya 9:3

Awosa kheepwaherera okhala mulaponi mwa Yave; wEfrayimi onoohokoleela wExipitu, ni wAsiriya onimooca yooca yoohitteela.

Hoxeya 9:4

Awosa kheempakela Yave yooveleela ya eviinyu, hata sooveleelasaya khasimusiveliha. Sooveleela iyo nsaakhalele ntoko yooca ya anamalalamika – eniimutatuxe oohitteela yoowo anaace. Yooca eyo eniikhale yawayeene paahi; kheevolowa Mpaani mwa Yave.

Hoxeya 9:6

Munootthawaru ophwatiwa, wExipitu onimoothukumanyihani ni oMemfesi onimoovithani. Mihakhusanyu sa eparatha* sinoomeleliwa oyele ni miraambela sinoovitikelela woomalela iheemasanyu.

Malekiya 3:13

“Nyuwosa munnakuulumela masu oolipaxa,” oneera Yave. “Orookhalaru hiiho, munkoha: ‘Yoonanara heeni niwuulumenlaahuni?’

Malekiya 3:14

Nyuwosa mweenre: ‘Khoomvareleya muteko omurumeela Muluku. Ningwinani niiwelelaka ikanosawe ni olalamika ohoolo wa Yave a ikuru sootheene?

Matheyo 12:36

Miyo kinooleelani weera nihuku na othorihiwa, atthu eniithalihe masu ootheene a siiyo yuulumalaaya.

Luuka 8:13

Mmiso waamorenle vamalukuni ti yaawo yiiwaka masu anaakhelela ni ohakalala, mene khaanono mikwankhwaari. Anroromela ehuhu ya vakhaani, mene yaaphiyaka ehuhu yooweereriwa, anoohiya.

Yakobe 3:5

Hiihotho nlumi nri mpatta mukhaanene wa erutthu, mene niniivuwiha ni itthu sitokotoko. Moone moota mooro wa maaceeso mukhaaneene ongweraaya ohisa ntuphi ntokotoko.

2 Pedru 2:8

Vano, akhalaka variyariwaya nihuku ti nihuku, mulopwana owo oororomeleya aathananihiwa mmunepanimwawe niwoko na soonanara oonaawe ni iiwaawe.

Ethupululo 13:5

Enama ele yaavahiwa eyano weera elaleiye masu oowiixoona ni ooveiha, ni ikuru weera elamule nyeeri miloko mixexe ni miili.