Hoxeya 6:5 - Emakhuwa Bible

⁵ Tivawo koonyaanyasiyaakani mwa maprofeetaaka, Miyo koowiivasani ni masu a mmwaanomwaka; nthorihelonaka nohooceremelelani ntoko overinya.

Hoxeya 6:5 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

1 Mamwene 14:6

Tivawo, Ahiya iiwalaawe mikhitto vamulako, aamweerela: “Mvoloweke, mwaara a Yerobowami. Heeni muniitikinsihaanyu? Koovahiwa mutthenga woonanara wa nyuwo.

1 Mamwene 17:1

Vano Eliya, muTixebi arowaka oTixebi, elapo ya oGiliyadi, aamweerela Ahabi: “Kinlipela mwa Nsina na Yave, Muluku a aYixrayeli mwa Yoowo kinimurumeelaaka weera khaniimaru nikame hata kheeruparu epula iyaakha sinrwa mpaka ehuhu kineeraaka kihime.”

1 Mamwene 18:17

Amoonakaru Eliya, aamweerela: “Ti weyo ongwuungurimiha aYixrayeli?”

1 Mamwene 19:17

Yehu anaawiive ootheene eniyoopowe ekatana ya Hazayeli ni Elixa anaawiive ootheene eniyoopowe ekatana ya Yehu.

2 Mamwene 1:16

Aphiyakaru aamweerela mwene: “Apaale khoowowo muluku oYixrayeli nyuwosa murowaka omukoherera Bahali-Zebubi, muluku a wEkeroni? Tivawo muneeraanyu muhilame. Vekhaikhai, munimookhwa!”

2 Nyaha 21:12

Vano Yehorami aahaakhela ekaratta ya mprofeti Eliya, yeera: “Yave, Muluku a makholowaanyu, oneera ha: ‘Nyuwo khamweettenle iphiro sa atithinyu Yehoxafati, hata sa Asa, mwene a oYuda,

Yobi 15:30

Khawera woopowa mpiphini; mooro onoorusula iphuwelasawe, ni iphumu sa mmwaano mwa Muluku sinoommaliha.

Yobi 34:10

Tivawo, mukiwiriyane, nyuwosa murino esuwelo. Muluku khampakaru yoonanara, aani Muluku a ikuru sootheene khampakaru yootakhala.

Icipo 119:120

Erutthwaaka enthukumela ohoolowanyu; malamulowaanyu ankiruuhelaxa woova.

Icipo 37:6

Owo onimwaariha ororomeleyawanyu ntoko nsuwa nimmwaleela waaxaaka; ohinthowawanyu ntoko nsuwa vamuru.

Yesaya 11:4

Owo onaareherera oothoiwa mweekhaikhaiyini ni onaalakelela moota woororomeleya oohaawa a elapo ya vathi. Onoomana elapo ya vathi ni ekopo ya eyanowaawe; onoowiiva atakhali ni iphumusawe.

Yesaya 58:1

“Mukhuwele ni nsu ntokotoko, muhihovelaka! Murumihe nsunanyu ntoko nipalapatta. Mulaleere mulokwaaka ovaanyawaya ni wa ekhapira ya Yakobe sootthekasaya.

Yeremiya 1:10

Moone, olelo kohoovahani ikuru wa miloko ni omwene weera mwaakhe, mphwate, muhele nthala ni mukankhanyule, nitho weera muteke ni mphatteye.”

Yeremiya 1:18

Olelo miyo kinoopakani nyuwo esidade yoolipihiwa, nrimbu na eyuuma ni exiri ya ebronze* wa elapo yootheene: wa mamwene a oYuda, asitokweenaaya, asaserdotaaya ni muloko wa mulaponi.

Yeremiya 13:13

vano mwaaleele: ‘Yave oneera ha: Kinoopakiha weera ootheene ankhala mweelaponi ela ehapalasiwe vamoha ni mamwene ankilaathi vahiceni ya emwene ya Davide, asaserdoti*, maprofeeti ni ootheene ankhala oYerusaleemu.

Yeremiya 23:29

“Maswaaka ari ntoko mooro,” onghima Yave, “ni ntoko enyutto enimpwexa mwala.

Yeremiya 5:14

Tivawo, Yave, Muluku a ikuru sootheene, oneeraawe ha: “Weenre muloko wuulumaka masu ala, kinoopakiha weera maswaaka ekhale mooro mmwaanomwanyu ni muloko owo okhale ikhuuni sinlalihiwa ni mooro owo.

Ezekiyeli 11:4

Tivawo, mwaathalihere otthuna wa Muluku, mwaana a mutthu, mwaathalihere.”

Ezekiyeli 3:9

Eyuucaanyu kinootatuxa yoolipaxa opwaha maluku, aani opwaha mwala woolipaxa. Muhiwoove, hata muhitteenguwe mwaawoonaka, arookhalaru muloko woovaanya.”

Ezekiyeli 32:18

“Mwaana a mutthu, munlalamikele nakupa a wExipitu ni munkuruxele mulittini, okhuma owo mpaka anamwane asithiyana a miloko sa aweri, vamoha ni yaawo ankuruxeliwa mulittini.

Ezekiyeli 43:3

Moonelo koonnaaka waalikana ni yoole koonnaaka Owo aarwiiyaawe ophwata esidade, ni ntokotho nyoonelo seiye koonnaaka omoolokoni Kebari; vano kaahuuramihela ekhove vathi.

Zefaniya 3:5

Yave ori eriyaraaya, ori oororomeleya ni ohimpakaru yoohiroromeleya. Khula oxeexelo Owo onkoonihera ekhaikhayaawe, ni khula nihuku, Owo khanghiyanyiharu, vaheera oohiroromeleya, khoommuuliha muru.

Miteko 7:31

Oonaka yeeyo, aatikhinaxa. Vano, aattamelaka weera awehexexe, aahiiwa nsu na Apwiya neeraka:

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

awEfeso 6:17

Ngwareke ekapasete ya ovuluxiwa ni ekatana ya Munepa, eri masu a Muluku.

aHeberi 4:12

Masu a Muluku ari ni okumi ni oowera, ni oowiithaxa oopwaha yakhalaru ekatana eniitha ninno ninno. Awo amvolowa mpaka weiwo ammwaramwaxaaya okumi ni munepa, munkumana makhuva ni ikhinda, ni anthoriha soowuupuwela ni soohaawela sa murima.

Ethupululo 1:16

Aakhalano ntatanawe na moono mulopwana ithenyeeri ithannapiili ni mmwaanomwawe yaakhuma ekatana yoowiitha ninno ninno. Ekhovaawe yaari ntoko nsuwa noopaka ni ikuru sincipale.

Ethupululo 2:16

Tivawo, murukunxe murimaanyu! Mwaahirukunxa, kinimoowa woowaakuveya ni nkaawanane yaawo ni ekatana ya eyanowaaka.

Ethupululo 9:15

Andyelo axexe yaarehereriwe wa ehuhu, nihuku, mweeri ni eyaakha ele aataphuliwa weera yiive mpatta wanaararu wa atthu.

Ethupululo 9:21

Khayaarukunxaletho murimaaya wa omwiiva mutthu, wa okhwiraaya, wa olavilavaaya, naari wa soowiiyasaya.

1 Samuweli 13:13

Samuweli aamwaakhula: “Moheetta ololo! Khamwiiwelenle nlamulo Yave Mulukwaanyu oovanghaaweni. Mwiiwelenle, saano akhalihaleene omwenaanyu mwaalamulaka aYixrayeli mahuku ootheene.

1 Samuweli 15:22

Vanonto Samuweli aamwaakhula: “Weeraka Yave onsiveliwa ni sooveleela soohisa ni sa inama opwaha wiiwelela maswaawe? Fataari omwiiwelela Yave ohikhanle opaka sooveleela; aani fataari omwiiwa ohikhanle inama sooneneva.

1 Samuweli 15:32

Vanonto Samuweli aaheera: “Mukiruuheleke Agagi, mwene a awAmaleki.” Agagi aarowa ahihovelaka okhwa, uupuwelaka: “Vekhaikhai, woopiha wa okhwa woovira.”

1 Samuweli 15:33

Vaheera Samuweli aamweerela: “Mweenre mwaakakatthasa anamwane a asimaayi amayinyutho kheekhalano mwaana variyari wa asimaayi.” Ni Samuweli aamwiiva Agagi ohoolo wa Yave oGiligali.