Hoxeya 6:3 - Emakhuwa Bible

³ Nimusuwele Yave; niilipiheraxe omusuwela. Owo aniixoonihere mooteene yoole ninkhumaaya nsuwa; onimoorwa wa hiyo ntoko epula ya mulaala, aani ntoko epula mutthulo ennaanihaaya etthaya.”

Hoxeya 6:3 Iomraidhean Croise

2 Samuweli 23:4

ori ntoko waara wa nsuwa nikhumaka ehikhanle mahutte; ntoko nsuwa nnoopa erupaleene epula nnunnuwiha nyiri sa vathi.’

Yobi 29:23

Yaaweherera maswaaka ntoko engwehereriwaaya epula, ni yaawura maswaaka ntoko yoole ongwura epula mutthulo.

Icipo 19:4

Vaheera nsunaya ninsuwanyeya mweelaponi ya vathi yootheene ni maswaaya mpaka ekotenle elapo. Wiirimu Yave aakungela nsuwa eheema,

Icipo 19:6

Ninkhuma mpatta mmoha wa wiirimu, nneetta mpatta mukina; ovihawaya onookwanela itthu sootheene.

Icipo 63:8

Okumaaka onoovarexexani Nyuwo; Ntatananyu noolopwana ninkilipiha.

Icipo 65:9

Nyuwo munkosoopa etthaya murupihelaka epula munathadyiriha woomalela. Nyooloko sa Muluku soosareya maahi weera atthu ekhaleno etrigu, niwoko moolamulela hiiho.

Icipo 72:6

Owo akhaleke ntoko epula enrupela mmatta yoohemphwa; ntoko epula etokweene ennaaniha etthaya.

Masu a Miruku 4:18

Ephiro ya oororomeleya eri ntoko ekamaama ya oxa, enaaraxa mpaka onkwanelaaya oxa.

Yesaya 2:3

Miloko sincipale sinimoowa seereke: “Nrowe, nawele mwaako wa Yave, wa Empa ya Muluku a Yakobe weera Owo anixuttihe iphirosawe ni hiiho nnimweetta mootthunanimwawe.” Vano Nlamulo nnookhuma oSiyoni ni masu a Yave oYerusaleemu.

Yesaya 32:15

mpaka nneeraahu nikuruxeliwe Munepa wiirimu ni nikare nithatuwe elapo yooruwereya ni imatta sooruwereya sinlikana othako.

Yesaya 44:3

Niwoko kinooyeehera maahi mulaponi mwa ntthona ni nyooloko vatthayani yoowuumaxa. Kinooyeehera Munepaaka mukhapiranimwanyu ni mareelihowaaka mwa anamwaniinyu.

Yesaya 5:6

Kinootatuxa nthala; khaniseekeliwa naari khoolimmwamo; onimunnuwamo rupulula ni nyiiwa. Kinoolamulela mahutte weera ehirupihelemo epula.”

Yesaya 54:13

Anamwaniinyu asilopwana ootheene anooxuttihiwa ni Yave ni murettele wa anamwaniinyu onuukhale mutokotoko.

Yeremiya 24:7

Miyo kinimwaavahasa murima woowera okisuwela, aani osuwela weera Miyo ti Yave. Anookhalasa mulokwaaka, ni Miyo kinookhala Mulukwaaya, niwoko awosa anoohokoleela wa Miyo ni murima wootheene.

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Hoxeya 10:12

Mwiixaalele wookoleleya, muhephe yoowiima ya osivela woohimala, ni mpittikuxe etthaya yoohittipuriwa, niwoko ela ehuhu yoomwaasa Yave mpaka aneeraawe arwe ni oorupihelaseni waakhuleliwa ni Muluku.

Hoxeya 14:5

Miyo kinookhalela oYixrayeli ntoko nikame; iwo onoottuva ntoko ethutu. Aani, ntoko esidari* ya oLebanoni, sinoorakamelaxa mikwankhwaarisaya;

Hoxeya 14:6

soophuwasaya sinimunnuwa. Waarawaya onuulikane ni wa sooliveira*, wunkhelawaya ntoko esidari* ya oLebanoni.

Hoxeya 2:20

Miyo kinimoothelani moororomeleyani, ni nyuwo munoomusuwela Yave.

Mikeyasi 4:2

Miloko sincipale sinimoorwa, seeraka: “Nrowe, niwele mwaako wa Yave, Mpaani mwa Muluku a Yakobe. Owo onoonixuttiha iphirosawe weera neette mphironimwawe.” Vano Nlamulo nnoorweela oSiyoni, masu a Yave oYerusaleemu.

Mikeyasi 5:2

“Vaheera nyuwo Beteleheemu Efrata, murookhalaru mukhaani eriyari ya mahimo a oYuda, wa nyuwo onimoorwa wa Miyo mmoha aneera akhale mulamuli a oYixrayeli – mwa yoowo epacererowaawe ekhumale khalayixa.”

Mikeyasi 5:7

Oohalahala a oYixrayeli anookhala eriyari ya miloko sincipale, ntoko nikame na mpatta wa Yave, aani, ntoko epula yincipale enrupela munnyepuni; kheeningweherera mutthu, hata kheenkhalela omutthu.

Zakariya 10:1

Mumvekele Yave epula mutthulo; ti Yave ompaka etari. Owo onaarupihela epula atthu, aameliheraka soomela.

Malekiya 4:2

Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Matheyo 13:11

Owo aahaakhula: “Wa nyuwo moovahiwa osuwela ixiiri sa omwene wa wiirimu, mene wa yaawo, naari.

Luuka 1:78

Elevelelo ele ti niwoko na omoreliwa ikharari sa Mulukwaahu. Owo anaanixekure wa osulu ntoko nsuwa nikhumaka

Yohaane 17:3

Okumi woohimala ti ola: weera awo yoosuweleni Nyuwo, Muluku mmoharu a ekhaikhai, ni emusuwele Yeesu Kristu mwaamurumihalaanyu.

Yohaane 7:17

Akhala mukina onlakela opaka otthuna wa Muluku, owo anoonelele nihusihonaka nawa wa Muluku, hoye hoye kinuuluma ni mirukusaka muneenaaka.

Miteko 17:11

Atthu a oBereya yaari maneethixa waapwaha atthu a oTesalonika. Yaahaakhela mutthenga ni otthuna otokotoko, esomelaka mahuku ootheene Yoolempwa* weera yoone sootheene saari hiiho.

Deuteronomiyo 32:2

Nihusihonaka nirupe ntoko epula ni maswaaka yiime ntoko nikame, mooteene yoowo onrupeliwaaya munyepu, ntoko kanyenye mmaphuwani.

aHeberi 3:14

Vekhaikhai, hiyo nri mpatta wa Kristu, navarela nnenesene mpaka ommaleloni nroromelo nne naakhalannaahu ompacereroni.

2 Pedru 1:19

Nsu noolaleiwa ni maprofeeti nookhalano noolipaxa, ni wa nyuwo onuukhale wooreera mwiiwelela nnenesene nsu nno, ntoko nireene onyaari onaara vanipuroni nri ni epiphi, mpaka oyaaka ni oxa, ni Tthanda aakhumme mmurimanimwanyu.

Ethupululo 22:16

Miyo, Yeesu, koomurumiha ndyelowaaka weera oovaheeni onamoona ola wa ikerexa. Miyo ti Mukwankhwaari ni Ekhapira ya Davide, ni Tthanda oowaaraxa.”