Hoxeya 5:15 - Emakhuwa Bible

¹⁵ Vahoolowaya, kinoohokoleela vanipuronivaka mpaka awosa eneeraaya yaakhulele nthowanaya. Ni awosa animwaasa ekhovaaka; moohaawanimwaya anookaasa ni murima wootheene.”

Hoxeya 5:15 Iomraidhean Croise

Epacerero 42:21

Yaaheerelana: “Vekhaikhai ninttaruxeliwa yeeyo nimpankaahu munnihu, niwoko naamoona moota owo aakacamiheiyaawe aanidyoonttelelaawe mwa okumaawe, mene khanaamwiiwelenle. Tivawo aniweenlaaya makacamiho ala.”

2 Nyaha 7:14

vano mulokwaaka oniitthaneliwa Nsinanaka, wiiyeviha, onavekela, onaasaasa ekhovaaka, ni wasusa mphironimwaya moonanara, kiri wiirimu kinimwiiwa, kileveleleke yootthekaaya ni kilamiheke elapwaaya.

Yobi 33:27

Vahoolowaya owo onrowa wa atthu, aneera: ‘Koottheka, kinapiritula yeeyo yaari yoowookoleleya, mene Owo khakivanghe yeeyo kaaphwanelaaka.

Icipo 107:13

Vano yaamukhuwelela Yave mmahooxonimwaya ni Owo aawoopola moothanananimwaya.

Icipo 107:19

Vano yaamukhuwelela Yave mmahooxonimwaya ni Owo aawoopola moothanananimwaya.

Icipo 107:28

Vano yaamukhuwelela Yave mmakacamihonimwaya ni Owo aawoopola moohaawanimwaya.

Icipo 107:6

Moohaawanimwaya yaamukhuwelela Yave ni Owo aawoopola moothanananimwaya.

Icipo 132:14

“Nna nnikhale nipuronaka noowiitthuuwa wa mahuku ootheene; va kinookilaathi vahiceni ya emwene, niwoko eyo ti yoohaawelaaka.

Icipo 50:15

Mukikhuwelele nihuku na othanana – Miyo kinoowopolani ni nyuwo munookittittimiha.

Icipo 78:34

Khula emaara Muluku aattaruxelaawe okhwa, aYixrayeli ti yaapaceraaya omwaasaasa emuhokoleelakatho ni nthiti.

Icipo 83:16

Ii! Yave, ngwuulihihe muru weera atthu yaasaase Nsinananyu.

Masu a Miruku 8:17

Kinaasivela yaawo ankisivela, ni yoowo onkaasa onookiphwanya.

Yesaya 18:4

Yave onkeerela ha: “Vanipuroni kimankaaka kinoomaala, kiwehaka, ntoko oviha wa nsuwa nootutha, ntoko nihutte na nikame moovihani mwa ehuhu ya ohepha.”

Yesaya 26:16

Yave awosa yaawaattamelani moovalavelanimwaya; Nyuwo mwaattaruxaanyu, awosa yaaxuuvekela.

Yesaya 26:21

Moone, Yave onkhuma omankaawewo weera athorihe miloko sa elapo ya vathi niwoko na sootthekasaya. Elapo enimoonihera ephome eyeeheriwemo; eyo khayaasungatho anamakhwaaya.

Yesaya 26:9

Okumaaka onoohaawelani Nyuwo moohiyuni; oxeexelo munepaaka onootthunani Nyuwo. Saaphiyaka mweelaponi soothorihasanyu, amaki a elapo ya vathi anooxuttera ekhaikhai.

Yeremiya 2:27

Vano, aneerela mwiri: ‘Nyuwo tiithaaka,’ ni wa nluku:‘Ti nyuwo mukiyanre.’ Aakirera ettuli ni khaakiwenghe, vaheera mmakacamihoni aneera: ‘Murwe munivuluxe!’

Yeremiya 3:13

Mulape nthowananyu paahi. Moomvaanya Yave Mulukwaanyu, mohiixinnyerera wa miluku sikina vathi wa nyiri sootheene soopombaxa ni khamukiiwelenle Miyo,” onghima Yave.

Yeremiya 3:14

“Muhokolowe, muloko woohiroromeleya,” onghima Yave, “niwoko Miyo ti Aiyinyu. Kinimookuxani – mmoha a khula muttetthe ni eeli a khula nihimo – ni kinimoohokoloxerani oSiyoni.

Icipo Soolalamika 3:40

Niwehawehe nnenesene mweettelowaahu, vahoolowaya nihokoleeleke wa Yave.

Ezekiyeli 10:4

Hiiho ovuwa wa Yave waakhumelela vasulu akerubini*, onasuseerela vamulako wa Empa ya Yave. Nihutte naasareya Empa ya Muluku ni nipuwa naasareya waara wa ovuwa wa Yave.

Ezekiyeli 11:23

Ovuwa wa Yave waavenya musidadeni ele, oneemela vamwaako ori mpattaaya ninkhuma nsuwa.

Ezekiyeli 20:43

Wu, nyuwosa munimuupuwelela mweettelo mwaarinaanyu ni mitekosanyu sootheene mwa seiyo nyuwosa mwiivalihansaanyuno, ni munimwiixeettiha murima niwoko na soonanara sootheene mpankaanyu.

Ezekiyeli 36:31

Hiiho, nyuwosa mmuupuwelele iphirosanyu soonanara ni ipakelosanyu sootakhala, ni munimwiixeettiha murima niwoko na sootakhalasanyu ni ipakelosanyu soohiira.

Ezekiyeli 6:9

Vano, mmilokoni mmo muneeraanyu muronghiwe ootthukiweene, yaawo eneera yoopowe anookuupuwelela. Animuupuwelela moota kaathananihiwaaka ni mirimasaya sooraruwa sikihingye Miyo, ni maithwaaya yaahaawela milukusaya. Animwiixeettiha murima niwoko na yoonanara apankaaya ni na soopakasaya sootheene soohiira.

Ezekiyeli 8:6

Owo aakeerela: “Mwaana a mutthu, nyuwo munnoona yeeyo ampakaaya? Soopaka sa mwiikho sa muloko wa oYixrayeli, itthu sineera sikirakamelihere Nipuronaka Nootteela? Vaheera nyuwo mmoone soopaka soonanaraxa opwaha seiya.”

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Hoxeya 5:6

Awosa yaarowasaka omwaasa Yave vamoha ni ikhondoolo ni mihuwosaya sootheene, kheemphwanya; Owo ohaarakamelasa yaawo.

Mikeyasi 1:3

Moone! Yave oneera avenyaka woomakawawe; Owo onkhuruwa, ananyikala mapuro a mulaponi oorakamelaxa osulu.

Nuumeru 21:7

Muloko waarowa wa Moisesi oneera: “Noottheka woomukhupanya Yave ni nyuwo. Mumvekele Yave weera avenxe inowa eriyaraahu.” Moisesi aavekelela muloko.

Luuka 13:25

Vano, mwaneene a vaate aavenyaka ni aawalaka mulako, nyuwo mmwikhale vaate mmanaka nsele mwaavekelaka: ‘Apwiya, munihulele nsele!’ Wa sootheene awo eniyaakhule: ‘Nkoosuwenleni, hata nkisuwenle munkhumaanyuwo.’

Ahooleli 4:3

Aarino ikaaro sa iyuuma macira mathannamaxexe annaahooxa woonanara aYixrayeli wookwana iyaakha miloko miili, tivawo aYixrayeli yaamukhuwelenlaaya Yave weera aakhavihere.