Hoxeya 4:7 - Emakhuwa Bible

⁷ Yaandyeerereiyaaya asaserdoti*, awosa aatepaxa okitthekela; ovuwawaya ahaakakanyiha ni etthu yoowuuliha muru.

Hoxeya 4:7 Iomraidhean Croise

Ezera 9:7

Okhuma mahuku a makholowaahu mpaka olelo nthowanahu nohunnuwaxa. Niwoko na sootthekasahu hiyo, mamwenaahu ni asaserdoti* nohinnyereriwa mmahooxoni a ekatana, wootthukiwani, moohuhuliwani ni oyevihiwa mmatatani mwa mamwene a ilapo sikina, ntoko eneereyaaya olelo.

Hoxeya 10:1

aYixrayeli yaari ntoko evideira* yookuttukutteya; yaahiima wusa wusa. Yiimaxaaya, ti Yaatekaaya altaari* ancipale; elapwaaya yeetteleyaaya nnene yaaphwanelihaxaaya amarimbwaaya ootteeliheriwa.

Hoxeya 10:6

Aani owotho onooronghiwa wAsiriya ntoko yoomvaha mwene mutokweene. wEfrayimi onuuhaawe oyevihiwa; ni oYixrayeli onimuulihiheya muru niwoko na mulukwaaya oopatthiwa.

Hoxeya 13:14

Miyo kinoowoopola moowerani mwa nihiye; Miyo kinimwaavuluxa mwa okhwa. Ii! Okhwa, mahooxowaanyu ari woowi? Ii! Nihiye, ori woowi ophwatawanyu? Nkinoomorelani ikharari,

Hoxeya 13:6

Miyo kaacihasaaka, yaamvona; yaavonasaaya, yaamwiixoona, enakittiiwala.

Hoxeya 4:10

Awosa eniice, mene kheevona; eniiraruwe, mene khayaandyeerera waattawaya, niwoko aamuhiya Yave weera yiixinnyerere

Hoxeya 5:1

“Asaserdoti* mwiiwe yeela! Nnene, aYixrayeli! Ii! Emusi ya emwene, ngwiriyane! Nthorihelo nna ti nawinyu: nyuwosa mwaari ntapha oMizepa, ntthavi naareiwe omwaako Tabori.

Hoxeya 6:9

Mooteene yoowo atakhali aniipithaaya emuthurumelaka mutthu oomvara, hiihotho mikuttula sa asaserdoti*; awosa aniivela mmiseweni sa oXekhemi, enapaka sootakhala sikina soowuulihaxa muru.

Hoxeya 9:11

Ovuwa wa wErayimi onoovavela ottai ntoko mwaapalame. Khookhala oyara, naari orupala hata weemelela.

Habakuki 2:16

Munoosareya wuuliwa muru ohikhanle ovuwa. Vano, ti emaaraanyu! Ngwureke ni mwiixoonihere etiriyaanyu. Ekoomixi ya ntata noolopwana na Yave mumvahiwa nyuwo ni ovuwawanyu onoosareya wuuliwa muru.

Malekiya 2:9

“Tivawo kipakihalaaka weera munyoosiwe ni muyevihiwe ohoolo wa miloko sootheene, niwoko nyuwosa khamuneettela iphirosaka, mene mumpaka nthalu mwaaxuttihaka nlamulo.”

Deuteronomiyo 32:15

Wa soothesene, Yexuruni aahooca mpaka ohiya, anapacera ovaanya. Nyuwo mooneneva, moottittikalela ovona yooca. Moomuhiya Muluku oopattunxeni, munamukhootta Mwala oovulunxeni.

aFilipi 3:19

Mwaha wa yaawo, ommaleloniwaya ti oriheya; mulukwaaya ti nipwiipwi, ni ovuwawaya ori mwa yeeyo eri yoowuuliha muru; awo anuupuwela paahi itthu sa elapo ya vathi.

1 Samuweli 2:30

Tivawo Yave Muluku a aYixrayeli ohimmaawe: ‘Kaaroromeliha weera emusaanyu ni emusi ya atithinyu yaamukirumeela wa mahuku ootheene vamaithoniwaka.’ Vaheera vano Yave onghima: ‘Hata vakhaani! Kinimwaattittimiha yaale ankittittimiha ni yaale ahinkihelela Miyo nkaahelela.