Hoxeya 4:15 - Emakhuwa Bible

¹⁵ Ii! Yixrayeli, naari nyuwo muraruwaka, Yuda ahikhaleno nthowa. Muhirowetho oGiligali; muhiwele oBet-Aveni, ni muheere: ‘Kinlipela mwa okumi wa Yave.’

Hoxeya 4:15 Iomraidhean Croise

2 Nyaha 17:4

mene aamwaasa Muluku a atithawe, aniiwelela malamulowaawe, ahitakihaka ipakelo sa aYixrayeli.

2 Nyaha 21:11

Owo aatekatho mapuro oolapa a mmattumuxani a oYuda, apakihaka weera muloko wa oYerusaleemu oraruwe, ni oYuda ohapuwe.

Yesaya 48:1

“Mwiiwe yeeyo ekhapira ya Yakobe, nyuwosa muniitthaneliwa nsina na Yixrayeli ni muri mpatta wa ekhapira ya Yuda, nyuwosa munlipela mwa Nsina na Yave ni munimwiitthana Muluku a oYixrayeli, ohikhanle mweekhaikhaiyini hata moororomeleyani.

Yeremiya 44:26

Mene mwiiwe masu a Yave, ootheene nyuwo, aYuda munkhala wExipitu: Miyo kinlipela mwa Nsinanaka ntokweene,’ oneera Yave, ‘wExipitu wootheene khawoworu a oYuda aniitthanetho Nsinanaka hoye hoye anaalipele mwa okumi wa Yave onlamula sootheene.

Yeremiya 5:2

Naari yeeraka: ‘Kinlipela mwa Nsina na Yave,’ vekhaikhai anlipela moota woowootha.”

Ezekiyeli 20:39

Vaheera wa nyuwosa, muloko wa oYixrayeli, Yave onlamula sootheene oneera ha: Khula mutthu a nyuwosa arowe ni alape milukusawe! Vaheera vahoolo wa yeeyo, vekhaikhai mmwikiiwe ni khamuhiirihatho Nsinanaka nootteela ni sooveleelasanyu ni milukusanyu.

Hoxeya 10:5

Muloko onkhala oSamariya ommoova muluku opakiwe ntoko mwaamombe a oBeti-Aveni. Mulokwaaya onuumukhupanyere, vamoha ni asaserdotaaya a miluku yaahakalalela waarawaya, niwoko awo ahaakhiwa, onaronghiwa wootthukiwani.

Hoxeya 10:8

Altaari* a Empa ya Sootakhala ari soottheka sa aYixrayeli, anoophwatiwa. Nyiiwa ni malaxi sinimunnuwa saakutteleleke altaaraaya*. Vano awosa eniyeerele nyaako: “Munikhuneele!” Ni wa mattumuxa: “Munipittuwele!”

Hoxeya 11:12

wEfrayimi wookirica ni soowootha, empa ya oYixrayeli ni soolokottha ni Yuda onimvaanya Muluku, aani Ootteela oororomeleya.

Hoxeya 12:1

Efrayimi onca epheyo; owo ontthara epheyo ya mpatta ninkhuma nsuwa nihuku nootheene, aandyeereraka soowootha ni nipuhero. Oniiraanano wAsiriya ni onrumihela makhura a sooliveira* wExipitu.

Hoxeya 12:11

Moota otakhanlaaya oGileyadi! Amakaaya khaamuteko! Awosa ampakela sooveleela oGileyadi, vaheera altaaraaya anookhala ntoko mittunduruma sa maluku vatthayani yoottipuriwa.

Hoxeya 12:12

Yakobe aatthawela elapo ya wArami; Yixrayeli aavara muteko weera amphwanye muthiyana; aakosoopa ikhondoolo weera amuthume.

Hoxeya 4:12

Awosa animwaasa miruku wa miluku sa nyiri, ni anaakhuliwaaya ni mwaatthaabwa. Munepa wa oraruwa ti onaahapuxa; awosa khaanroromeleya wa Mulukwaaya.

Hoxeya 5:8

Mwiipe nipalapatta oGibeya, ni nloope oRama. Mukhuwelele ecipo ya ekhotto oBet-Aveni, Ii! oBenyamini, moove!

Hoxeya 9:15

“Miyo kaahaathanyawo niwoko na sootakhalasaya sootheene sa oGiligali. Miyo kinoowoomola mulaponimwaka mwaha wa sootthekasaya. Nkaasivelatho; ahoolelaaya ootheene ti oottiyamaaru.

Amosi 4:4

“Murowe oBeteli ni mwatthekewo; murowe oGiligali ni mwatthekaxewo. Khula oxeexelo mpake sooveleelasanyu, mvahe sanaamulokosanyu khula vayaakhani yanaararu.

Amosi 5:5

muhaase oBeteli, muhirowe oGiligali, muhivireru oBerexeba. Vano vekhaikhai, amaki a oGiligali anoroonghiwa wootthukiwani, ni oBeteli onooheliwa nthala.”

Amosi 6:10

Vano mmusi onghisa mittembo arwa okhumiha mpaani, ni amukoha mukina aniipithemo: “Ookhalatho mukina ori ni nyuwo?” Ni owo aakhula ha: “Hoye,” vano mmusi owo onoomweerela: “Mmaale! Nihiromoleru Nsina na Yave.”

Amosi 8:14

Yaale anlipela mwa nsina na oSamariya yeeraka: ‘Mwa nsina na muluku a oDani,’ hoye hoye, ‘Mwa nsina na muluku a oBerxeba,’ anoomora woohivenyatho.”

awEfeso 5:11

Muhiiraaneke ni miteko sihiniima sa epiphi. Ohiyanawaya, moonihereke iyo ntoko sa epiphi.

Yoxuwa 5:9

Vano Yave aamweerela Yoxuwa: “Olelo kohoovenxerani oyevihiwa mwaahaawanyu wExipitu.” Tivawo nipuro nne nniitthaniwaaya Giligali mpaka olelo.

Yoxuwa 7:2

Yoxuwa aahaarumihela asilopwana akina wAi, waattamela oBet-Aveni, mpatta ninkhuma nsuwa wa oBeteli, aweerelaka: “Murowe ni mwahottelase elapo eyo.” Hiiho asilopwana yaarowasa, enahottela wAi.