Hoxeya 2:7 - Emakhuwa Bible

⁷ Awo eniyaatthimakele yaawo anaasivelaaya, mene khayaaphwanyasa, eniiwaasaase, mene kheewoona. Hiiho awo eniyeere: ‘Kinoohokoleela okhala ni aiyaka ntoko woopacera, niwoko kaari nnenesene opwaha vano.’

Hoxeya 2:7 Iomraidhean Croise

2 Nyaha 28:23

Owo aapakela sooveleela miluku sa oDamasku mwa seiyo saangwinne, niwoko uupuwela: “Seenre miluku sa oSamariya saakhavihera, kinoopakela sooveleela weera sikikhavihere miyotho.” Vaheera iyo saamutannyenre oheleya nthala owo ni aYixrayeli ootheene.

Icipo 116:7

Ii! Okumaaka, mwiitthuuwe, niwoko Yave oowooniherani murimaawe wooreera.

Yesaya 30:16

Nyuwosa mweenre: ‘Hoye, nnootthawa ni ikavalu*.’ Vano munootthawa! ‘Nnimweettiha ikavalu* soowaakuveyaxa.’ Vano anamattharelelaanyu ti eneera yaakuve ophiya.

Yeremiya 14:22

Khoowowo hata mmoha wa miluku soohimuteko sa miloko ongwera orupiha epula. Erimu muneenaaya kheengwera orupiha epula. Ti Nyuwo paahi, Yave Mulukwaahu mungwera. Tivawo owehererawahu oraaya mwa Nyuwo, niwoko ti Nyuwo mumpaka sootheehe seiyo.

Yeremiya 2:2

“Murowe mwalaleere maaru a oYerusaleemu: Miyo kinuupuwelela ororomeleyawanyu mwaaraanyu mmiravo: ‘Ntoko ootthomeriwa nyuwo mwannakisivela, mukittharaka munikareni, mulaponi yoohaaleya.

Yeremiya 2:28

Siri woowi miluku mwiipakenlaanyu? Iyo sirwe sawera soovuluxeni mmakacamihoni! Vano milukusanyu khasireere ntokotho isidadesanyu, oYuda!

Yeremiya 2:36

Munghapuwelaxani muceendyaka imaara sincipale ephirowaanyu? Nyuwo munoopwaneya wExipitu, ntoko mwaapwaneyaanyu wAsiriya.

Yeremiya 3:1

“Mulopwana aahiya amwaariye, ni emwalanneene enatheliwa ni mulopwana mukina, mulopwana oopacera onoomuhokoleela? Elapo kheevaliheya woomalela? Vaheera nyuwo mooraruwano ancipale ni vano, muntthuna ohokoleela wa Miyo?” onkoha ti Yave.

Yeremiya 31:18

Koomwiiwa nnenesene Efrayimi iikhupanyeraka: ‘Nyuwo mookilaka ntoko mwaaxaana a emombe oohihuweya, ni koolakiwa. Mukihokoloxe, ni kinoohokolowa, niwoko Nyuwo ti Yave, Mulukwaaka.

Yeremiya 31:32

Khookhala ntoko wiiraana kaapankaaka ni makholowaanyu kaavarenlaaka ni ntata weera kaakhumihe wExipitu; niwoko aananariha wiiraanawaka, kaarookhalaru Iyaya,” onghima Yave.

Yeremiya 44:17

Ettiitthu nnoopaka sootheene nihimmaahu weera nnoopaka: nnoomuhisera erubani* pwiyamwene a wiirimu ni nnoomuyeehera soovaha sa soowura, ntoko nipankaahu hiyo, makholowaahu, mamwenaahu ni ahoolelaahu mmasidadeni sa oYuda ni mmiseweni sa oYerusaleemu. Ehuhuweene yeele naaruwera, naari ooweetteleya nnene nihihaawelaka etthu.

Ezekiyeli 16:18

Nyuwo moowarihatho soowarasanyu sooxoriwa, munaveleelela makhuuraaka ni erubanaaka.

Ezekiyeli 16:8

Evinreene ehuhu ekina, kiviravirakarutho mukhivirumwanyu, kaahoowehani, kinoona weera mohunnuwa mungweraanyu osivela, ni kaawaatalelani malayaaka, kinakuttelela etiriyaanyu. Kaalipela, kinakhaliha wiiraana ni nyuwo, onghima Yave onlamula sootheene, ni nyuwo moothatuwa awaka.

Ezekiyeli 20:32

Nyuwosa muneera: ‘Nintthuna okhala ntoko miloko, aani, ntoko miloko sa elapo ya vathi, sinrumeela mwiri ni nluku.’ Vaheera yeeyo nyuwosa munuupuwelaanyu, kheekhumelelaru.

Ezekiyeli 23:12

Aahaahaawelatho awAsiriya, maguvernadori ni asitokweene a anakhotto, anakhotto oowarelasa sootheene soolikana. Ootheene awo yaari amiravo oophwaneliwa ni anamweettiha ikavalu*.

Ezekiyeli 23:22

Tivawo Yave onlamula sootheene oneeraawe ha: Kinimwaathubera yaawo munaakonanaanyu weera yoowananeni nyuwo – yaale mwaasunsaanyu oonyooseyeene, ni kinimwaaruuha weera yoowananeni mmipattani sootheene –

Ezekiyeli 23:4

Mutokweene iitthaniwa Ohola ni munneiye Oholiba. Awosa yaari awaka ni yaahaayarasa anamwane asilopwana ni asithiyana. Vano Ohola ti Samariya, ni Oholiba ti Yerusaleemu.

Daniyeli 4:17

Yoolakela enlaleiwa ni anamitthenga; ootteela anghima yoolakela eyo weera akumi ootheene esuwele weera Muluku Musulusulu onlamula meekhaawe omwene wootheene wa omutthu. Owo onimvaha onimutthunaawe ni onimwinnyerera olamula yoole oohiphwanelela.

Daniyeli 4:25

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe ni munimwiimeliwa nikame na wiirimu. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.

Daniyeli 4:32

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.”

Daniyeli 5:21

Aahoomoleliwa ottai wa atthu ni muupuwelowaawe waari ntoko mwaamunama. Aakhala vamoha ni abuuru a ntuphini, anaca malaxi ntoko imombe ni erutthwaawe yaahiimeliwa nikame na wiirimu mpaka aakhulenlaawe weera Muluku a Musulusulu onlamulaxa omwene wa atthu ni onimukhaliha mulamuli yoowo onimutthunaawe.

Hoxeya 1:2

Yave apaceraka wuuluma mwa Hoxeya, Owo aamweerela: “Murowe, mwamukuxe muthiyana puuta ni anamwane asilopwana a moohiroromeleyani, niwoko muloko wookhalano nthowa na oraruwa moota woowuulihiheya muru, omuhiyaka Yave.”

Hoxeya 13:6

Miyo kaacihasaaka, yaamvona; yaavonasaaya, yaamwiixoona, enakittiiwala.

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Hoxeya 2:16

Yave onghima ha: “Nihuku nno, nyuwo munookiitthana ‘aiyinyu’; khamukiitthanatho ‘pwiiyaanyu.’

Hoxeya 5:13

Efrayimi oonaka ekwereraawe, ni Yuda oonaka makhwattaawe, Efrayimi aarukunuwela wAsiriya, analamulela waasaasa ekhavihero ya mwene mutokweene. Vaheera owo khangwera woolamihasani, hata khangwera ovoliha ithukusanyu.

Hoxeya 5:15

Vahoolowaya, kinoohokoleela vanipuronivaka mpaka awosa eneeraaya yaakhulele nthowanaya. Ni awosa animwaasa ekhovaaka; moohaawanimwaya anookaasa ni murima wootheene.”