Hoxeya 2:5 - Emakhuwa Bible

⁵ Amayaya khayaaroromeleiye, yaarupalaka yaawosa ngwuulihiheyani muru. Vano awo yeenre: ‘Kinimwaatthara yaawo kinaakonanaaka ankivaha yooca, maahi, soowara sa mapururu a ikhondoolo, eliinyu*, makhura ni yoowura.’

Hoxeya 2:5 Iomraidhean Croise

Yesaya 1:21

Moone esidade yoororomeleya ethatungwaaya puuta. Khalayi yaasareya ekhaikhai emakiwaka ni wookoleleya, mene vano yoosareya anamwiiva!

Yesaya 50:1

Yave oneera ha: “Eri woowi ekaratta ya omwalana ya amayinyu Miyo kaawoomolenlaaka? Mwa yeeyo, wa namakoongoriha taani koothumihaakani nyuwo? Muthumihiwe niwoko na sootthekasanyu; amayinyu yoomoleliwe niwoko na soonanarasanyu.

Yeremiya 11:13

Ii! oYuda, nyuwo mookhalano miluku sincipale ntoko waatta wa mittetthesanyu ni waatta wa altaaraanyu* mwiitekenlaanyu weera munghisere erubani* mulukweene yoowo wa mwiikho Bahali*, ori ntoko waatta wa misewe sa oYerusaleemu.’

Yeremiya 13:22

Vano nyuwo mwiikoha: “Eyo enkikhumelelelani?” Vano musuwele weera ti niwoko na sootthekasanyu sincipale ikuwosanyu sivenuleliwaaya ni nyuwo moopuheriwa.

Yeremiya 2:20

Khalayi Miyo kaaphwata yoolemelaanyu, kinapasa onyooro wootthukani. Vaheera nyuwosa mweenre: Miyo nkoorumeelani! Ohiyanawaya, mwaako wootheene woorakamela ni vathi wa nyiri sootheene soopomba, nyuwo mwiixaatalela ntoko puuta.

Yeremiya 6:8

Ii! oYerusaleemu, mwiiwe woopererawaka! Mwaahiiwa, kinoosusa woomalela ohoolowanyu koohiyakani ttewu mulaponi yoohimakiwa.”

Ezekiyeli 16:35

Tivawo, nyuwo puuta, mwiiwe masu a Yave!

Ezekiyeli 16:39

Vahoolowaya, Miyo kinoowinnyererani mmatatani mwa yaawo munaasivelaanyu, ni awosa animwaakurumula altaaraanyu a miluku sikina, ephwateke mapurowaanyu oolapa oorakamela. Awosa anoowaakhani soowarasanyu yaakuxeke axiveevaanyu ooreeraxa ni yoohiyekeni tiriya.

Ezekiyeli 16:4

Oyariwawanyu weereiye ha: nihuku mwaayariwaanyu, etekhwaanyu khayaathikiliwe, naari khamwaarapihiwe weera mureere, hata khamwaattikittheliwe maakha hoye hoye khamwaahuruweliwe ekuwo.

Hoxeya 1:2

Yave apaceraka wuuluma mwa Hoxeya, Owo aamweerela: “Murowe, mwamukuxe muthiyana puuta ni anamwane asilopwana a moohiroromeleyani, niwoko muloko wookhalano nthowa na oraruwa moota woowuulihiheya muru, omuhiyaka Yave.”

Hoxeya 2:2

“Mwaahiihe amayinyu, mwaahiihe, niwoko awo khaahiyono amwaaraka, ni Miyo nkihiyono aiyaya. Awo ehiye mawehero oopuuta, ni evenxe ohiroromeleya eriyari ya mapele.

Hoxeya 2:8

Awo khaanoonelela weera ti Miyo kaavanghe etrigu, eviinyu enyowani ni makhura; kaavanghe eyuuma yoorikaxa ni eparatha* yoowaattaxa, mwa yeeyo yaavarenlaaya muteko woomurumeelano Bahali*.

Hoxeya 3:1

Yave aakeerela: “Murowe mwawoonihere osivelawanyu amwaarinyu, arookhalaru oosiveleya a akina ni arookhalaru puuta. Mwaasivele ntoko Yave onaasivelaawe aYixrayeli, aroovarexexaru miluku sikina esivelaka iboolu ni iwuuva* soowaarikiwa sootteeliheriwa miluku sikina.”

Hoxeya 4:5

Nyuwosa munnikwattuliwa khula nihuku, ni maprofeeti ankwattulasiwa ni nyeenyu. Tivawo kineeraaka kaaphwate amayinyu.

Hoxeya 8:9

Vano woorowa wAsiriya ntoko buuru a ntuphini ompwaherera ootaphuweene. wEfrayimi wohiithumiha wa yaawo anaakonanaaya.

Hoxeya 9:10

“Kaaphwanyaaka aYixrayeli, waari ntoko ophwanya iwuuva* munikareni; koonaaka makholowaanyu, waari ntoko woona soowiima soopacera sa ifiigu. Vaheera awosa yaaphiyaaya oBahali-Peyori, yaahiitteeliherasa muluku owo oowuulihaxa muru, enathatuwa oohiira ntoko yeele yaasivelaaya.

Amosi 8:13

Nihuku nno asimwali ooreera ni amiravo oophwaneliwa anookomoka ntthona.

Ahooleli 16:23

Ahooleli a aFilisti yaathukumana weera empakele yooveleela etokotoko mulukwaaya Dagoni epakaka efesta. Awosa yaaheera: “Mulukwaahu Dagoni ooninnyerera mwiittanaahu, Samesoni.”