Hoxeya 2:3 - Emakhuwa Bible

³ Ohiyanawaya, Miyo kinimwaarula ehaleke pwitipwiti ntoko nihuku yaayariwaaya; kinimwaapaka ntoko nikare, kaatatuxaka elapo yoowuumelela, ni kinoowiiva ni ntthona.

Hoxeya 2:3 Iomraidhean Croise

Okhuma 17:3

Mulokotho ovoliweene ntthona waamuttaandawula Moisesi omweerelaka: “Muniruuhenle heeni wExipitu? Muniruuhenle weera nikhwe ntthona – hiyo, anamwaniihu ni mihuwosahu?”

Yesaya 33:9

Elapo yohuumelela ni yookotakota; oLibanu onnyaala woowuulihiheyeene muru; oXaroni onlikana wAraba ni oBaxani ni oKaremeli woomora makukhu.

Yesaya 47:3

Etiriyaanyu enimooneya ni hiihotho wuulihiheyawanyu muru. Kinimwiinlela ikukuttula; khaawo kineeraka kimuurele.”

Yesaya 64:10

Isidadesanyu sootteela soothatuwa nikare; mpaka oSiyoni ti nikare, oYerusaleemu esidade yoothaamiwa.

Yeremiya 12:10

Akukhuli ancipale aananariha emattaaka ya iwuuva* enyikhalelaka yeeyo; awosa aatatuxa emattaaka yooreeraxa nikare noophwatiwa.

Yeremiya 13:22

Vano nyuwo mwiikoha: “Eyo enkikhumelelelani?” Vano musuwele weera ti niwoko na sootthekasanyu sincipale ikuwosanyu sivenuleliwaaya ni nyuwo moopuheriwa.

Yeremiya 13:26

Yoomeene kinoovenula soowarasanyu mpaka ekhovaanyu weera wuulihiheyawanyu muru wooneye.

Yeremiya 14:3

Maneethi anaaruma arumeiyaaya orika maahi; awosa anoorowa mmattankhini, mene khaamphwanyamo. Vano awosa anghokolowa ehikunxe maahi oopororeene ni ehoonaka yooweera aniikhuneela muru.

Yeremiya 17:6

Owo onookhala ntoko niphuwa na munikareni; khoonaru waarwaaka mpuha. Owo onookhala mmapuroni oowuumelela a munikareni, mweelaponi mwa maakha mwa weiwo ohimmakiwaru.

Yeremiya 2:31

Nyuwosa a ekhapira ela, muupuwele masu a Yave: Kaatoko okhala nikare wa aYixrayeli? Apaale kaari elapo yoosareya epiphi? Heeni mulokwaaka onkeerelaaya: ‘Hiyo nnimwiiwehaweha! Kaninrwatho wa Nyuwo’?

Yeremiya 2:6

Awosa khayaakonghe: Ori woowi Yave, onikhumihale wExipitu ananeettiha munikareni, mulaponi moowuumelela ni moothipeyasa, elapo yoothowa maahi ni ya epiphi, mwa yeeyo ehimviriwaru ni ehinkhaliwaru?

Yeremiya 22:6

Vano yeeyo Yave ohimmaawe mwaha wa empa ya emwene ya oYuda ti ela: “Murookikhalelaru ntoko oGileyade, ntoko ethoka ya oLebaboni, vekhaikhai kinimoopakelani ntoko nikare, ntoko mittetthe soohimakiwaru.

Yeremiya 4:26

Kaaweha ni elapo yooruwereyaxa yaathatuwa nikare; mittetthesaya sootheene sooheleya nthala vamaithoni wa Yave; ohoolo wa isarasawe soowoopiha.

Yeremiya 51:43

Isidadesaya sinoophwatiwa, elapo yoowuumelela ni ya nikare, elapo ehinkhaliwaru, mwa weiwo ohimviriwaru.

Yeremiya 51:5

Yixrayeli ni Yuda khaathaamiwe ni Mulukwaaya, Yave a ikuru sootheene ntoko asinaamukhweli, elapo ya aBabiloniya eroosareyaru nthowa ohoolo wa Ootteela a oYixrayeli.

Ezekiyeli 16:22

Mwa ipakelosanyu sootheene soothanyeya, ni oraruwawanyu, nyuwo khamuupuwelenle mmahukuni a oyariwawanyu, mwaaraanyu tiriya, muluwelaka ephome teri teri.

Ezekiyeli 19:13

Vano, ephatteiwale munikareni, mulaponi moowuumelela ni moohikhala maahi.

Hoxeya 13:15

naari Efrayimi simweettelaka nnene eriyari ya axunneiye. Epheyo ya mpatta ninkhuma nsuwa enoorweela mpatta wa Yave, yoopaka okhuma munikareni; naattuuttwaawe khapiluwa maahi, ni ehimaawe enimuuma. Mihakhusawe sootheene sinoohuhuliwa sithokororiwaayawo.

Hoxeya 2:10

Vano, kinoowuulihiha muru vamaithoni wa yaawo anaakonanaaya; khaawo anaawere waatapuxa mmatatanimwaka.

Ethupululo 17:16

Enama ele ni manyaka muloko moonnaanyu eniimuthanye puuta. Iyo nsimuronghe mmilepeni, nsimuhiye oohiwara, nsikhuure erutthwaawe ni nsimuhise ni mooro,

Ahooleli 15:18

Samesoni aavolaxiwa ntthona, anamukhuwelela Yave: “Mookivaha owina wu otokotoko. Vano kikhweeke ntthona kimorelaka hiiho mmatatani mwa oohiineliwa?”