Hoxeya 2:21 - Emakhuwa Bible

²¹ Nihuku nno, Miyo kinimwaakhula,” onghima Yave. “Kinimwaakhula irimu, ni iyo sinimwaakhula etthaya;

Hoxeya 2:21 Iomraidhean Croise

Yesaya 55:10

Epula ni etthabwe enrweela wiirimu ni kheenghokoleelawo ehinaanihale etthaya, emelihaka ni epombihaka weera etthaya eruwere mmiso ni yooca wa namalima.

Yesaya 62:4

Awosa khayiitthaniwatho oothaamiwa naari elapwaanyu yoohiiwa. Mene munimwiitthaniwa Hefeziba ni elapwaanyu oBewula, niwoko Yave onimoohakalalelani ni elapwaanyu enootheleya.

Yesaya 62:5

Mooteene yoowo mmiravo onthelanaawe ni yoowo omutthomenraawe, hiihotho anamwaniinyu asilopwana anoothelana ni nyuwo; mooteene yoowo namatthomera onimuhakalalelaawe omutthomenraawe, hiihotho Mulukwaanyu onimoohakalalelani.

Yesaya 65:24

Awosa ehinaaye wiitthana, Miyo kinoowaakhula; awosa nlelo yuulumaka, kinoowiiwelela.

Ezekiyeli 36:29

Miyo kinimoovuluxani moohitteelanimwanyu wootheene. Kinooromola irooro sittupeke, ni nkooruuhelasani etala.

Hoxeya 14:7

Yaale yaakhovelenle okhala vamunttuusinivawe, anoohokoleelawotho. Anoophuwela ntoko etrigu. Anoottuva ntoko evideira*, ni epilaaya eniikhale ntoko eviinyu ya oLebanoni.

Yoweli 2:19

Yave onaakhula: “Kinimooruuhelani etrigu, eviinyu enyowani ni makhura mancipale mpaka sineeraaya sookwaneeni. Nkirwatho kitthunihera weera miloko sikina sootthebweeni.

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Zakariya 8:12

Onimwaattaxa mmiso ni imatta sa iwuuva* sinooruwera soowiimasaya, etthaya enooruwera soohephasaya ni erimu enimwiimiha nikame. Kinimwaavaha itthu sootheene iya yaawo ahalahanle a muloko ola.

Zakariya 8:8

Miyo kinimwaahokoloxera weera ekhale oYerusaleemu; awosa anookhala mulokwaaka ni Miyo kinookhala Mulukwaaya moororomeleyani ni mweekhaikhaiyini.”

Malekiya 3:10

Muruuhe sanaamuloko sootheene onsungiwa muhakhu weera ekhale yooca owannyaka. Mukooteno murima yeeyo,” oneera Yave a ikuru sootheene, “ni moone kaahihula milako sa wiirimu kooyeeherakani mareeliho mpaka muneeraanyu muhikhaleno woosungawo.

Malekiya 3:11

Kinimooceeliha mahooxo ohonona soohepha, ni iwuuva* sinimwiima soowiimasaya mweehuhunimwaya,” oneera Yave a ikuru sootheene.

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

aRooma 8:32

Yoole ohimuurenle Mwanawe mmoharu, mene omvaherenre Yeesu wa hiyo ootheene, vekhaikhai anaanivahe vamoha ni Yoowo itthu sootheenetho.