Hoxeya 2:18 - Emakhuwa Bible

¹⁸ Vanihukuni nno, kiweerelakani nyuwo, kinoowiiraanano axinama a ntuphini, ipalame sa wiirimu, mpakatho axinama aniipurula. Kinoovenxa mulaponi muura, ekatana ni ekhotto, weera ootheene ewere okhala oolipeene.

Hoxeya 2:18 Iomraidhean Croise

Yobi 5:22

Nyuwo munootheya mwaha wa ophwatiwa ni etala, ni khootthuneya owoova axinama ooluwa a elapo ya vathi.

Yobi 5:23

Vano munimwiiraanano maluku a ntuphini, ni axinama a ntuphini anookhalano murettele ni nyuwo.

Icipo 148:10

axinama ootheene a mutuphini ni mihuwo sootheene, soowiipurula ni ipalame.

Icipo 23:2

Onkiitthuuwiha munnyepuni eri yooca yooreeraxa ni onkiroiha wa maahi oomaaleleya.

Icipo 46:9

Owo ommaliha ikhotto mulaponimu yootheene; Owo onintaka nyuupa anyaanyaka mavaka ahisaka ixikudu* ni mooro.

Yesaya 2:11

Maitho a oowiixoona anooyevihiwa ni wiikuxa wa atthu onooveiheya. Yave paahi ti anaavuwihiwe nihuku nenenenno.

Yesaya 2:17

Wiikuxa wa omutthu onooveiheya ni wiixoonawaya onooyevihiwa. Yave paahi ti anaavuwihiwe nihuku nenenenno

Yesaya 2:4

Owo onoothoriha eriyari ya miloko ni onimuuluma minyakunyaku sa miloko sincipale. Awosa anootatuxa ikatanasaya ixaruwa ni mavakaaya icikwaakhwa. Muloko mmoha khookuxaru ikapwitthi soowanelano muloko mukina hata khasiirehererelatho owana.

Yesaya 26:1

Nihuku nenenenno enimwiipiwa oYuda ecipo ela: Nookhalano esidade yoolipaxa; Muluku ookhaliha ovuluxa ntoko ixirisaya ni moowiipithamo.

Yesaya 32:18

Mulokwaaka onoomaka mmapuroni a murettele, okhalaka moomaaleleya ni mmapuroni ootikithereya,

Yesaya 54:5

Vano Mpattuxaanyu ori iyinyu – Yave a ikuru sootheene ti Nsinanawe – Ootteela a oYixrayeli ti Mvuluxaanyu. Owo oniitthaniwa Muluku a elapo ya vathi yootheene.

Yesaya 65:25

Mwiici ni eputtiputthi enimooca vamoha, ni mwatto onimooca malaxi ntoko emombe elopwana, vaheera ntthupi nnikhale yooca ya enowa. Iyo khasinanariha hata ophwata vamwaakowaaka wootteela wootheene,” onghima Yave.

Yeremiya 23:6

Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Yeremiya 30:10

‘Tivawo, ohoove, murumeiyaaka, Yakobe! Ii! Yixrayeli! Muhituthuwe,’ onghima Yave. ‘Miyo kinoowoopolani nipuro noorakamela, ni ekhapiraanyu, elapo mutthukeliwaanyuwo. Yakobe onoohokolowa ni onookhala mmuretteleni ni oolipeene; khaawo anooramaramihe.

Yeremiya 33:16

Mmahukuni awo oYuda onoovuluxiwa ni oYerusaleemu onookhala woolipeene, Nsina aneeraawe iitthaneliwe ti nna: Yave ti ekhaikhayaahu.’

Ezekiyeli 34:25

Kinookhaliha wiiraana wa murettele ni seiyo, kihiyeke elapo etapuxeiyeene ni axinama a mutuphini weera ikhondoolosaka siwere okhala soolipeene munikareni ni sikone moothakoni.

Ezekiyeli 39:1

“Mwaana a mutthu, munthaliherele Gogi otthuna wa Muluku ni mweere: ‘Yave onlamula sootheene, oneera ha: Ii! Gogi, mutokweenexa a oMeseki ni oTubali, koowiittani.

Zakariya 14:4

Vanihukuni nenenenno inaawosawe sinimweemela vasulu mwaako wa Sooliveira*, mpatta ninkhuma nsuwa wa oYerusaleemu. Vano mwaako owo onookawanyeya eriyariru okhuma mpatta ninkhuma nsuwa mpaka ninkelaayawo ni nnookhala nreyareya ntokotoko. Vanonto mpatta mmoha wa mwaako onoosusiheriwa mpatta wa ottuttuwani ni mpatta mukinoowo mpatta wa ohitto.

Zakariya 14:9

Yave onookhala Mwene a elapo ya vathi yootheene. Vanihukuni nenenenno onookhala Yave mmoha ni Nsinanawe nimoharu paahi.

Zakariya 2:11

“Miloko sincipale sinoothukumanyihiwa nihuku nenenenno ni Yave, sithatuwaka mulokwaaka. Miyo kinookhala variyariwanyu ni munoosuwela weera Yave a ikuru sootheene ti okiruminghe wa nyuwo.

Zakariya 3:10

Vanihukuni nenenenno khula mutthu a nyuwosa onoomulattula mukhwaawe weera akilaathi vathi wa evideiraawe* ni wa mwiraawe wa efiigu*,’ onghima Yave a ikuru sootheene.”

Zakariya 9:10

Owo onoophwata ikaaro sa ekhotto sa wEfrayimi, ikavalu* sa ekhotto sa oYerusaleemu ni nyuura sa ekhotto sinimwintakiwa. Owo onoolaleera murettele wa miloko, alamulaka okhuma ephareiya ni ephareiya; okhuma mooloko Efratesi mpaka ekotenle elapo.