Hoxeya 14:9 - Emakhuwa Bible

⁹ Musuweli taani? Ti yoowo anoonelemo itthu iya. Taani orino akhili? Ti yoowo aniiwexexe. Iphiro sa Yave ti soororomeleya; oororomeleya amvira mwemmo, vaheera attiyamaaru anookwattuliwamo.

Hoxeya 14:9 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

Yobi 17:9

Vaheera oororomeleya anookhala oolipeene mphironimwaya, ni atthu ootteela matata animunnuwa moowerani.

Icipo 107:43

Yaale arino miruku yiiweke itthu iya ni etthokelele osivela otokotoko wa Yave.

Icipo 119:128

Tivawo kinoonelaaka ekhaikhai ikanosanyu sootheene ni kinthanyaaka khula ephiro yoonanara.

Icipo 119:75

Ii! Yave, koosuwela weera malamulowaanyu ti a ekhaikhai ni mookittaruxa moororomeleyanimwanyu.

Icipo 84:5

Ooreelihiwa ti yaale amphwanya ikurusaya mwa Nyuwo; yaale anrowa wa Empaanyu ekhumaka ottaiwene!

Icipo 84:7

Awosa anrowa saandyeerereyaka ikurusaya mpaka khula mutthu a yaale wiixoonihera ohoolo wa Muluku oSiyoni.

Masu a Miruku 10:29

Ephiro ya Yave ti wootthawela wa oororomeleya, vaheera ti oheleya nthala wa yaale ampaka yoonanara.

Masu a Miruku 16:21

Yoowo orino murima wa miruku oniitthaniwa naseru; yoowo onuuluma masu oosiveleya, onoowera oviriyela.

Masu a Miruku 4:18

Ephiro ya oororomeleya eri ntoko ekamaama ya oxa, enaaraxa mpaka onkwanelaaya oxa.

Yesaya 1:28

Vaheera anamavaanya ni anamattheka anoophwatiwa ni yaawo animuhiya Yave anooriheya.

Yesaya 17:8

Khayaaweha altaari* ari miteko sa matataaya naari kheeroromelatho nyiri soothipeleliwa Axera ni altaari* a erubani* yaapankaaya.

Yesaya 26:7

Ii! Nyuwo muri a murima wa ekhaikhai, ephiro ya oororomeleya ti yoowookoleleya; Nyuwo munookola ephiro ya oororomeleya.

Yeremiya 29:12

Vano nyuwo mmwikikhuwelele Miyo, ni mmwikivekele, ni Miyo kinoowiiwani.

Yeremiya 9:12

Taani ori oosuwelaxa weera iiwexexe yeeyo? Taani oxuttihiwe ni Yave anaawere othaliha yeeyo? Heeni elapo eheleiyaaya nthala ni ephwatiwaaya ntoko nikare nihimviriwaru?

Ezekiyeli 11:18

Awosa anoohokoleelamo ni anoovenxa icaambulosaya soohiira ni milukusaya soothanyeya.

Ezekiyeli 18:25

Wa soothesene, nyuwosa muneera: ‘Ephiro ya Yave kheeroromeleiye.’ Ii! Muloko wa oYixrayeli, mwiiwe: Ephirowaaka ti yoororomeleya. Ti iphirosanyu siri soohiroromeleya.

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Daniyeli 12:10

Ancipale anootteelihiwa, anoopakiwa moota wookwanela ni anoototoxiwa, vaheera atakhali anoopwaherera okhala oonanara. Khawoworu mutakhali aneera iiwexexe yeeyo, mene yaawo ari a miruku animwiiwexexa.

Zefaniya 3:5

Yave ori eriyaraaya, ori oororomeleya ni ohimpakaru yoohiroromeleya. Khula oxeexelo Owo onkoonihera ekhaikhayaawe, ni khula nihuku, Owo khanghiyanyiharu, vaheera oohiroromeleya, khoommuuliha muru.

Zakariya 10:6

Kinoolipiha ekhapira ya oYuda ni kinoovuluxa ekhapira ya Yoseefe. Kinooreherera niwoko koosarela ikharari. Atthwaaya anookhala ntoko nkinaakhootte, niwoko Miyo ti Yave Mulukwaaya ni kinoowaakhulasa.

Matheyo 11:19

Aahoowa Mwaana a mutthu acaaka ni awuraka, ni atthu aneera: ‘Ori vawo Namaca ni Namawura, Nthamwene a anamaliviha a musoko ni namattheka.’ Miruku sinaakhuleliwa ni mitekosaya.”

Luuka 2:34

Vano Simeyoni aahaareeliha ni aaweerela amayawe Yeesu: “Mwaana Ola oothanliwa okhala wuuwa ni ovenya wa atthu ancipale a oYixrayeli, ni anaakhaletho eneneero ya ohiiwanana.

Luuka 7:23

nitho ooreelihiwa ti yoowo ohinkihovela Miyo.”

Yohaane 15:24

Miyo kahaapaka variyariwaya miteko mukina ohitonkwaawe owera, awo saano ehikhanle ni milattu. Vanonto, awo yaahoona miteko iye ni yaakithanya Miyo nitho Atithaka.

Yohaane 18:37

Pilatu aamweerela: “Vano Nyuwo Mwene!” Yeesu aamwaakhula: “Muneera weera kiri Mwene. Vanonto, ti niwoko na yeeyo kiyariwaaka ni kirweenlaaka mweelaponimu: weera kikhalele onamoona ekhaikhai. Ootheene ari a ekhaikhai, anookiiwa.”

Yohaane 8:47

Yoole ori a Muluku oniiwa yeeyo Muluku onghimaawe. Nyuwo khamummwiiwa niwoko khamuhiyono a Muluku.”

Yohaane 9:39

Yeesu aamweerela: “Miyo kirweenle mweelaponimu othoriha: weera ahinoona yoone ni anoona ekhale oohoona.”

Miteko 13:10

“Mwaana a Diyabu* ni mwiittana a sootheene seiyo siri sa ekhaikhai! Nyuwo moosareya mikhalelo sootheene sa olokottha ni otakhala. Mmuhiye yaakhani onanariha iphiro soowookowa sa Apwiya?

aRooma 7:12

Tivawo nlamulo ti nootteela, aani, malamulo ti ootteela, oowookowa ni ooreera.

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

Ethupululo 15:3

ni yaahiipa ecipo ya Moisesi, murumeiyi a Muluku, ni ecipo ya Eputtiputthi: “Sitokotoko ni sootikhiniheya siri mitekosanyu, Apwiya Muluku a ikuru sootheene. Soowookowa ni sa ekhaikhai siri iphirosanyu, Mwene a ilapo.