Hoxeya 14:3 - Emakhuwa Bible

³ awAsiriya khaangwera onivuluxa; khaniwelatho ikavalu* sa ekhotto. Seiye sipakiwe ni matataahu khaneerelatho ‘milukusahu,’ niwoko mwa Nyuwo mukwaasuni omphwanya ikharari.”

Hoxeya 14:3 Iomraidhean Croise

2 Nyaha 16:7

Ehuhuweene yeele, namoonihera* Hanani aarowa omuleela Asa, mwene a oYuda: “Mweenre mwaasa ekhavihero ya mwene a wAsiriya ohikhanle wa Yave, Mulukwaanyu, anakhotto a mwene a wAsiriya ahoopowa mmatatanimwanyu.

Icipo 10:14

Wa soothesene, Nyuwo, Muluku, munnoona sookacamiha ni soohooxa. Munnoona seiyo, munakosoopa. Yoovaraawe mutakhali eniixinnyerera wa Nyuwo; Nyuwo ti Namwaakiha a akwaasuni.

Icipo 146:3

Muhaaroromele anamwane a mamwene hoye hoye atthu ankhwa ahingwera ovuluxa.

Icipo 146:9

Yave ongwaakiha anamarwa ni onaathokorora akwaasuni ni asinaamukhweli, vaheera ompupurumiha soovaanela sa atakhali.

Icipo 33:17

Ekavalu* engweherera siiyo woopola, naari ekhalanaka ikuru sitokotoko, kheengwera ovuluxa.

Icipo 68:5

Tiithi a akwaasuni ni Namwaakiha a asinaamukhweli ti Muluku vaNipuroniwawe Nootteela*.

Yesaya 1:29

“Munimuulihiheya muru niwoko na nyiri sa ikarivalyu* sootteeliheriwa muntthunaanyuxa; munooyevihaxiwa niwoko na mattimbe muthanlalaanyu.

Yesaya 2:20

Nihuku nenenenno atthu anoorihela mmakhuleni ni mwaanaantuuthuni milukusaya soowootha sa eparatha* ni eyuuma yoorikaxa, mwa seiye apankaaya weera elape.

Yesaya 27:9

Hiiho nthowa na Yakobe nnoomalihiwa ni soowiima sookwanela sa ovenxiwa wa sootthekasawe nsikhale ha: owo aapwexa altaari* a maluku ootheene mpaka othatuwa ntthupi khasihala nyiri soothipeleliwa Axera, hata altaari* a erubani*.

Yesaya 30:16

Nyuwosa mweenre: ‘Hoye, nnootthawa ni ikavalu*.’ Vano munootthawa! ‘Nnimweettiha ikavalu* soowaakuveyaxa.’ Vano anamattharelelaanyu ti eneera yaakuve ophiya.

Yesaya 30:2

Ii! Wa yaale anrowa wExipitu ehikikoherenre; yaale anuupuwela weera waakiha wa Farawu* onimwaakhavihera ni munttuusi wa wExipitu onimwaavaha nipuro noolipaxa.

Yesaya 31:1

Ii wa yaale anrowa wExipitu yaasaasaka ekhavihero; yaale anroromela ikavalu* ni ikaarosaya soowaatta, anroromela mwa ikuru sa anamweettihaaya, mene khaaningweha Ootteela a oYixrayeli naari khaanaasaasa ekhavihero enrweela wa Yave.

Yesaya 31:3

awExipitu ti atthu, khaahiyono Muluku ni ikavalusaya* ti sa erutthu, khasihiyono munepa. Yave aatheteyaka ntata, vano yoole onkhavihera onookwakwathuwa ni yoole onkhaviheriwa onoomora – ooweeli anooriheya.

Yesaya 36:8

‘Vano mwiiwanane ni pwiiyaaka, mwene a wAsiriya. Miyo kinimoovahani ikavalu* macira miloko miili nyuwo mwakhalano anamweettihaaya!

Yeremiya 49:11

‘Mwaahiye akwaasunaanyu; Miyo kinimwaakosoopa. Asinaamukhwelaanyutho ekiroromele Miyo.’ ”

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Ezekiyeli 37:23

Khayiivalihasatho ni milukusaya vamoha ni icaambulosaya sa mwiikho hata wakhalaru ovaanya, niwoko Miyo kinoowoopola moohapuwanimwaya wootthekeya wootheene, kaatteeliheke. Awosa anookhala mulokwaaka ni Miyo kinookhala Mulukwaaya.

Hoxeya 12:1

Efrayimi onca epheyo; owo ontthara epheyo ya mpatta ninkhuma nsuwa nihuku nootheene, aandyeereraka soowootha ni nipuhero. Oniiraanano wAsiriya ni onrumihela makhura a sooliveira* wExipitu.

Hoxeya 13:2

Vano awosa annatthekaxa; wa eparathaaya* aniipakelano miluku, icaambulo soohaniwa moota wooratteliwa, sootheene iyo ti miteko sa namaratta. Eneeriwa sa muloko owo: “Awosa anaapaka sooveleela atthu ni ambeeca miluku ni ekhalelo ya mwaamombe.”

Hoxeya 14:8

Ii! wEfrayimi, nkipwatthele heenitho miluku sikina? Ti Miyo kinimwaakhula, kinamukosoopa. Kiri ntoko mwiri wa epinyeiru* ekithi; soowiimasanyu sootheene sinrweela wa Miyo.”

Hoxeya 2:17

Kinoovenxa vayanoniwaya masina a aBahali*; masinaaya khayiitthaniwatho.

Hoxeya 4:12

Awosa animwaasa miruku wa miluku sa nyiri, ni anaakhuliwaaya ni mwaatthaabwa. Munepa wa oraruwa ti onaahapuxa; awosa khaanroromeleya wa Mulukwaaya.

Hoxeya 5:13

Efrayimi oonaka ekwereraawe, ni Yuda oonaka makhwattaawe, Efrayimi aarukunuwela wAsiriya, analamulela waasaasa ekhavihero ya mwene mutokweene. Vaheera owo khangwera woolamihasani, hata khangwera ovoliha ithukusanyu.

Hoxeya 7:11

Efrayimi ori ntoko ekhunda yoolokottheya ni yoohiiwexexa. Ondyoonttelela ekhavihero wExipitu; onkhuwelela waakiha wa wAsiriya.

Hoxeya 8:6

Mwaamombe ola opakiwe ni aYixrayeli! Opakiwe ni namapattha. Owo khahiyono Muluku. Mwaamombe a oSamariya onoopwexakasiwa.

Hoxeya 8:9

Vano woorowa wAsiriya ntoko buuru a ntuphini ompwaherera ootaphuweene. wEfrayimi wohiithumiha wa yaawo anaakonanaaya.

Yoonasi 2:10

Vano Muluku aalamula ehopa weera emurapheele Yoonasi vatthayani.

Zakariya 13:2

Vanihukuni nenenenno kinoomalamaliha mweelaponi masina a miluku soowootha ni seiyo khasuupuweleliwatho,” onghima Yave a ikuru sootheene. “Kinimwaavenxa mulaponi maprofeeti nitho munepa wa ohitteela.

Yohaane 14:18

Miyo nkirwa koohiyaani akwaasuni; nkoohokoleeleni.

Deuteronomiyo 17:16

Mwene owo ahikhalanekeru ikavalu* sincipale naari ahihokoloxere muloko wExipitu weera akhaleno ikavalu* sincipale, niwoko Yave Mulukwaanyu aaweerelani: “Muhikuxeretho ephiroweene yeele.”