Hoxeya 14:2 - Emakhuwa Bible

² Oreherere yoohima ni ohokoleele wa Yave. Mumvekele ha: “Mulevelele sootthekasahu sootheene ni mukhararinimwanyu munaakhulele weera noovaheeni sootthapela sa iyanosahu ntoko imombe simveleeliwa.

Hoxeya 14:2 Iomraidhean Croise

2 Samuweli 12:13

Vano Davide aamweerela Natani: “Koomutthekela Yave.” Natani aamwaakhula: “Yave oolevelela yootthekaanyu. Nyuwo khamukhwa.

2 Samuweli 24:10

Aalikenleene muloko, Davide aatondolowa, anamweerela Yave: “Kootthekaxa wa yeela kipankaaka. Vano kinoodyoonttelelani weera mulevelele yoottheka ya murumeiyaanyu niwoko koopaka ya ololo.”

Yobi 7:21

Muhinlevelelela heeni sooveihasaka ni muhincipiherani sootthekasaka? Vano kihanle vakhaani wiixaatalela vantthupini; Nyuwo munookaasa, mene miyo nkikhalatho.”

Icipo 119:108

Ii! Yave, mwaakhulele soottottopela sootthuneya sa eyanowaaka ni mukixuttihe malamulowaanyu.

Icipo 50:14

Mumpakele Muluku sooveleela sootthapela, mukwanihere soomuroromelihasanyu a Musulusulu.

Icipo 51:16

Mwaatthuna sooveleela hoye hoye sooveleela soohisa, saano kooruuhenleeneni.

Icipo 51:17

Sooveleela Muluku ontthunaawe ti munepa woosareya olapa; Nyuwo, Muluku khamunramusa murima woorukunuwa ni woowiiyeviha.

Yesaya 44:22

Kookwesera ottaiwene soonanarasanyu ntoko nihutte, sootthekasanyu ntoko nikame na oxeexelo. Muhokoleele wa Miyo niwoko Miyo koowoopolani.”

Yesaya 6:7

Aatavano eyanowaaka, anakeerela: “Moone, nna nootava eyanowaanyu; nthowananyu noovenxiwa ni sootthekasanyu sooleveleliwa.”

Yeremiya 3:12

Murowe ni mwalaleiye masu ala mpatta wa ottuttuwani: ‘Ii! aYixrayeli oohiroromeleya, muhokolowe,’ onghima Yave, ‘kinimoomorelani ikharari ni nkinoonyoonyeriwani, aani nkinoonyoonyeriwani mahuku ootheene,’ onghima Yave.

Hoxeya 12:7

Nanakoso omvarela muteko mphimo woohiroromeleya; ni ontthunaxa olokottha.

Hoxeya 5:5

Wiixoona wa oYixrayeli onkhalela onamoona; aYixrayeli ni awEfrayimi ankwattuliwa mootthekanimwaya; aYuda ankwattuliwatho vamoha ni yaawo.

Hoxeya 6:6

Vano, kinghaawela ororomeleya ohikhanle sooveleela; omusuwela Muluku ohikhanle sooveleela soohisa.

Yoweli 2:17

Asaserdoti* anrumeela vamaithoni wa Yave elalamike eriyari vanipuwani na empa ya mwene ni altaari*. Awosa evekeleke: “Dyoontte Yave, muurele mulokwaanyu. Muhihiye yoohiyeraanyu epakiwaka etthu yoowuuliha muru; etthu yootthebwiwa ni miloko. Eheeriwe variyari wa miloko: ‘Ori woowi Mulukwaaya?’ ”

Yoonasi 2:9

Wa soothesene, miyo kinimoopakelani sooveleela ni icipo sooxukurela ni kinookwanihera soororomelihasaka. Ovuluwa ongweela wa Yave.”

Zakariya 3:4

Ndyelo aaweerela yaale yeemenle ohoolowawe: “Murule ikuwosawe soonanara.” Vano aamweerela Yoxuwa: “Moone, koovenxa sootthekasanyu ni kinoowarihani sa eneethi.”

Matheyo 7:11

Wakhala weera nyuwo mureene anamattheka moosuwela waavaha itthu sooreera anamwanaanyu, wootepaxa Atithinyu ari wiirimu eniyaavahe itthu sooreera yaawo anaavekela!

Luuka 11:13

Waari weera nyuwo murookhalaru atthu onanara murima munsuwela waavaha itthu sooreera anamwaniinyu, Atithinyu ari wiirimu anootepaxa waavaha Munepa Wootteela yaawo anaavekela!”

Luuka 18:13

Namaliviha a musokotho aaheemela ottaiwene. Khaatthuna oweha osulu, mene amanaka ekakasa, aaheera: ‘Muluku, mukimorele ikharari, miyo kiri namattheka.’

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

aRooma 11:27

Ni wu onuukhale owiiraananawaka yaawo, kaavenxaka sootthekasaya.”

2 Timootheyo 1:9

Muluku Owo oonivuluxa ni ooniitthana ni wiitthana wootteela, khoohiyono niwoko na itthu hiyo naapankaahu, mene niwoko na olakelawawe ni mahalaawe mwaneenaawe. Mahala awo nivahiwe mwa Kristu Yeesu ehinaaye opacera ehuhu,

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

aHeberi 10:4

niwoko khoongwereya weera ephome ya imombe ni ipuri evenxe soottheka.

aHeberi 13:15

Niwoko na Yeesu, nimvahe Muluku mahuku ootheene yooveleela ya ottottopeliwa, eri yoowiima ya iyano sinlapa Nsinanawe.

1 Pedru 2:5

Nyuwotho, ntoko maluku makumi, mutekiwe mpaani mwa mmunepani weera mukhale osaserdoti* wootteela, muvahaka sooveleela sa mmunepani sowaakhuleliwa ni Muluku niwoko na Yeesu Kristu.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

1 Yohaane 1:7

Hiyo vano neetta ngwaarani ntoko Muluku oraawe ngwaarani, ninkhalano wiiwanana mukina ni mukhwaawe, ni ephome ya Yeesu Mwanawe, ennitteeliha wa soottheka sootheene.

1 Yohaane 3:5

Nyuwo moosuwela weera Owo iixoonihenre weera avenxe sootthekasahu, ni mwa Yoowo khasiwowo soottheka.