Hoxeya 13:6 - Emakhuwa Bible

⁶ Miyo kaacihasaaka, yaamvona; yaavonasaaya, yaamwiixoona, enakittiiwala.

Hoxeya 13:6 Iomraidhean Croise

Nehemiya 9:35

Yaarookhalaru moomwenenimwaya epuhaka oreerawanyu otokotoko, mweelaponi yoothanuwa ni yooruwereya mwaavanghaanyu, awosa khayoorumeenleni hata khayaahiya iphirosaya sootakhala.

Icipo 10:4

Ngwiixoonanimwawe mutakhali khammwaasa Yave; mwa soowuupuwelasawe sootheene khanimpwattha Muluku.

Masu a Miruku 30:9

Ohiyanawaya kakhalano soowaatta, kaamookhoottani ni kaamoohiyani keeraka: “Yave taani?” Kahaawa, kaamweera wiiya, kiveihaka hiiho Nsina na Mulukwaaka.

Yesaya 17:10

Moomuttiwala Muluku Mvuluxaanyu; khamummuupuwelela Mwala ori Nipuronanyu Noolipaxa. Tivawo, naari mphatteyaka nyiri sooreerela ni imatta sa iwuuva* sa ilapo sikina,

Yeremiya 5:7

“Kaahooleveleleleni heeni? Anamwaniinyu aakihiya ni anlipela mwa miluku sihikhanle miluku. Kohaavaha sootheene yaatthunaaya, hata hiiho aararuwa ni annarowa wa impa sa mapuuta.

Ezekiyeli 23:35

Vano Yave onlamula sootheene oneera ha: Mweenre nyuwo mukittiwala Miyo, munakirera ettuli, munoohaawa niwoko na otakhalawanyu ni opuutaanyu.”

Ezekiyeli 28:5

Mooweranimwanyu otokotoko omweetta nakoso, nyuwo mohaandyeerera mihakhusanyu, ni murimaanyu ommweera otepa wiikuxerera niwoko na seiyo.

Hoxeya 10:1

aYixrayeli yaari ntoko evideira* yookuttukutteya; yaahiima wusa wusa. Yiimaxaaya, ti Yaatekaaya altaari* ancipale; elapwaaya yeetteleyaaya nnene yaaphwanelihaxaaya amarimbwaaya ootteeliheriwa.

Hoxeya 12:8

Efrayimi oniikuxerera, eeraka: “Moota kithadyireiyaaka, kinakwaneya! Mmitekoni sootheene kimvaraaka khaphwannyeru mwa miyo yootakhala hoye hoye yoottheka.”

Hoxeya 2:13

Miyo kinimwaattaruxela mahuku yaahisenraaya aBahali* erubani*; awo yaahiiphwanelihano annela ni axiveeve, enaatthara yaawo anaakonanaaya, vaheera yaakittiwala Miyo,” onghima Yave.

Hoxeya 2:7

Awo eniyaatthimakele yaawo anaasivelaaya, mene khayaaphwanyasa, eniiwaasaase, mene kheewoona. Hiiho awo eniyeere: ‘Kinoohokoleela okhala ni aiyaka ntoko woopacera, niwoko kaari nnenesene opwaha vano.’

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Hoxeya 4:7

Yaandyeerereiyaaya asaserdoti*, awosa aatepaxa okitthekela; ovuwawaya ahaakakanyiha ni etthu yoowuuliha muru.

Hoxeya 5:14

Vano, wa Efrayimi, kinookhala ntoko mwatto, ni ntoko mwatto mutokweene wa Yuda. Miyo kinoomunyaanya kipwaheke; Miyo kinimwaakuxa, ahikhalaka oowaatapuxa.

Hoxeya 7:14

Awosa khaankiitthana ni murima wootheene, vaheera yiinlaxa oothananeene vabeettiniwaya. Aniipophakasa mwaha wa etrigu ni eviinyu enyowani, mene ankirakamela Miyo.

Hoxeya 8:14

oYixrayeli woomuttiwala Mvuluxaaya, onateka impa sa emwene; oYuda woolipiha isidade sincipale. Vaheera Miyo kinoorumihela mooro musidadenimwaya oneera olalihe moolipamwaya.”

Hoxeya 8:4

Awosa ahaavara mamwene kihaatthunihenre; ahaathanla anamwane a mamwene kihaakhulenle. Ahiipakela miluku sa eparatha* ni eyuuma yoorikaxa sinaaroiha woophwatiwani.

Deuteronomiyo 32:18

Mwaamuhiya Mwala mwa Yoowo ooyanreni; mwaamuttiwala Muluku oopattunxeni.