Hoxeya 13:2 - Emakhuwa Bible

² Vano awosa annatthekaxa; wa eparathaaya* aniipakelano miluku, icaambulo soohaniwa moota wooratteliwa, sootheene iyo ti miteko sa namaratta. Eneeriwa sa muloko owo: “Awosa anaapaka sooveleela atthu ni ambeeca miluku ni ekhalelo ya mwaamombe.”

Hoxeya 13:2 Iomraidhean Croise

1 Mamwene 19:18

Kohaakhalanotho atthu akina macira miloko mithannamiili oYixrayeli, mwa yaawo yahaakokhorenle ohoolo wa Bahali* hata yaahaambeence.”

2 Nyaha 28:13

“Muhaaruuhase va anamatthukiwa. Ohiyanawaya, nnookhalano nthowa ohoolo wa Yave. Nyuwosa muntthuna waandyeereratho yootthekaahu ni nthowanahu? Nthowanahu nri ntokotoko, ni mooro wa isarasawe woonimorela hiyo aYixrayeli.”

2 Nyaha 33:23

Vaheera ovirikanawawe ni atithawe Manaxe, khiiyevinghe ohoolo wa Yave, mene aahaandyeerera nthowanawe.

Icipo 2:12

Mumbeece Mwaana, weera Owo ahinyoonyiwe ni nyuwo muhiphwatiwe wootutuxereya niwoko isarasawe waakuva opatta. Ooreelihiwa yaawo ootheene antthawela mwa Yoowo!

Yesaya 1:5

Ontthunela heeni opwaherera ottaruxiwa? Munnyesererelani ovaanya? Muruwaanyu wootheene ori makhwattaru ni murimaanyu wootheene woovoreyeya.

Yesaya 30:1

“Ii! Wa anamwane oottiyamaaru,” onghima Yave, “Ii! Wa yaale ankwanihera soowuupuwela sihinrweela wa Miyo; yaale aniiwanana kihaakhulenle, yaandyeereraka sootthekasaya.

Yesaya 44:11

Owo ni asikhwaawe ootheene animuulihihiwa muru niwoko anamaratta ti atthu paahi. Ootheenaawo ethukumane ni yeemele vamoha; awosa anoovonyeriwa mootteenguwani ni ngwuulihani muru.

Yesaya 45:20

Muthukumane ni nkarwani, muthukumane nyuwosa anamatthawa a miloko. Yaale ankuxa miluku sa etthaabwa, yaale amvekela miluku sihingwera ovuluxa ti oohisuwela etthu.

Yesaya 46:6

Akina ankhumiha eyuuma yoorikaxa mmurupanimwaya ni anringa eparatha* mmunringoni; awosa animuliva namahana a eyuuma yoorikaxa weera ahane miluku ni vano ankokhorela, enalapa.

Yesaya 46:8

Muupuwelele yeeyo, muupuwele sa yeeyo, mwiiwexexe nnenesene, nyuwosa anamavaanya.

Yeremiya 10:4

Awosa amphwaneliha ni eparatha* ni eyuuma yoorikaxa; ankhomela ecaambulo eyo ni enyutto ni misomaari weera ehiinaine.

Yeremiya 10:8

Ootheene yaawo khaamiruku ni alolo; awosa anxuttihiwa ni miluku soohimuteko.

Yeremiya 8:5

Vanonto heeni muloko ola ohapungwaaya? Heeni oYerusaleemu ompwahereraaya opahuwa? Amakaaya aavarexexa olokottha, ekhoottaka ohokolowa.

Hoxeya 10:1

aYixrayeli yaari ntoko evideira* yookuttukutteya; yaahiima wusa wusa. Yiimaxaaya, ti Yaatekaaya altaari* ancipale; elapwaaya yeetteleyaaya nnene yaaphwanelihaxaaya amarimbwaaya ootteeliheriwa.

Hoxeya 10:5

Muloko onkhala oSamariya ommoova muluku opakiwe ntoko mwaamombe a oBeti-Aveni. Mulokwaaya onuumukhupanyere, vamoha ni asaserdotaaya a miluku yaahakalalela waarawaya, niwoko awo ahaakhiwa, onaronghiwa wootthukiwani.

Hoxeya 11:2

Vaheera Miyo kaawiitthanaxaaka aYixrayeli, awosa ti yaakirakamelasaaya. Awosa yaahaapakela sooveleela aBahali*, ehiseraka erubani* icaambulo.

Hoxeya 11:6

Ikatana sinooceremela mmasidadenimwaya, sinimwaaphwata anampattika a maselaaya ni sinoomalamaliha soovaanelasaya.

Hoxeya 14:3

awAsiriya khaangwera onivuluxa; khaniwelatho ikavalu* sa ekhotto. Seiye sipakiwe ni matataahu khaneerelatho ‘milukusahu,’ niwoko mwa Nyuwo mukwaasuni omphwanya ikharari.”

Hoxeya 2:8

Awo khaanoonelela weera ti Miyo kaavanghe etrigu, eviinyu enyowani ni makhura; kaavanghe eyuuma yoorikaxa ni eparatha* yoowaattaxa, mwa yeeyo yaavarenlaaya muteko woomurumeelano Bahali*.

Hoxeya 4:17

Efrayimi ohiiraanano miluku soowootha; munghiyeke meekhaawe!

Hoxeya 8:4

Awosa ahaavara mamwene kihaatthunihenre; ahaathanla anamwane a mamwene kihaakhulenle. Ahiipakela miluku sa eparatha* ni eyuuma yoorikaxa sinaaroiha woophwatiwani.

Hoxeya 8:5

Ii! oSamariya, mvonyere okerekhere milukusanyu sipakiwe ntoko mwaamombe! Isarasaka soopattelasa seiyo. Mpaka yaakhani muhiwereyaka okhala ootteela?

Hoxeya 8:6

Mwaamombe ola opakiwe ni aYixrayeli! Opakiwe ni namapattha. Owo khahiyono Muluku. Mwaamombe a oSamariya onoopwexakasiwa.

Nuumeru 32:14

Nyuwo muri vawo – ekhapira ya anamattheka, mwiikhalihaka vanipuroni na makholowaanyu ni saapattelakatho aYixrayeli isara sa Yave.

aRooma 11:4

Vano, yaari yoowaakhula heeni ya wiirimu? “Kohiisungera atthu macira miloko mathannameeli ahimulampe Bahali*.”

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

2 Timootheyo 3:13

Wa soothesene, oonanara ni oolokottha eniitepaxe onanara elokotthaka ni ereene oolokottheya.

1 Samuweli 10:1

Vahoolowaya Samuweli aakuxa nipoottoro na makhura, anamiinela mmuru wa Sawuli, anambeca amweerelaka: “Yave ohoottikitthelani ntoko muhooleli a yoohiyeraawe.