Hoxeya 12:8 - Emakhuwa Bible

⁸ Efrayimi oniikuxerera, eeraka: “Moota kithadyireiyaaka, kinakwaneya! Mmitekoni sootheene kimvaraaka khaphwannyeru mwa miyo yootakhala hoye hoye yoottheka.”

Hoxeya 12:8 Iomraidhean Croise

Icipo 49:6

yaale anroromela mihakhusaya, yiikuxereraka ni opuhawaya.

Icipo 52:7

“Vano, ori va mulopwana, mwa yoowo ohimwaakhenle Muluku ntoko Yoowiixaakiheraawe, aroromelaka mihakhusawe sitokotoko ni mitekosawe soonanara.

Icipo 62:10

Muhiroromele waahasula akina naari muhiixoone mwa itthu soowiiwa. Saandyeerereya mihakhusanyu, muhiroromele seiyo.

Masu a Miruku 11:1

Yave onthanya miringo soohiroromeleya, vaheera miringo sa ekhaikhai sinnamuhakalaliha.

Masu a Miruku 30:12

yaawo aniixoona otteela, ereene nlelo oohitteela;

Masu a Miruku 30:20

Ephiro ya puuta ti ela: Owo onca, anuukuttha owanoni, eeraka: “Nkipankeru yoonanara.”

Yeremiya 2:23

Mungwera hai weera khamwiivalinghe ni weera khamwaalampe aBahali*? Muupuwelele mweettelowaanyu mureyareyani ni moonelemo yeeyo mpankaanyu. Nyuwo muri ntoko ekamelu* eniileva, etthimakelaka mapuro ootheene;

Yeremiya 2:35

nyuwo muneera: ‘Nkinthowa; Owo khakinyoonyeringwe.’ Mene Miyo kinimoolakelelani yoothorihaaka, niwoko nyuwo muneera weera khamutthenke.

Yeremiya 5:27

Impasaya soosareya olokottha ntoko ikeelo soosareya ipalame; awosa aathatuwa anamapuha ni ooweraxa;

Ezekiyeli 28:5

Mooweranimwanyu otokotoko omweetta nakoso, nyuwo mohaandyeerera mihakhusanyu, ni murimaanyu ommweera otepa wiikuxerera niwoko na seiyo.

Hoxeya 13:6

Miyo kaacihasaaka, yaamvona; yaavonasaaya, yaamwiixoona, enakittiiwala.

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Hoxeya 4:8

Awosa anca sooveleela sa soottheka sa mulokwaaka ni anghakalalela ottheka wa mulokwaaka.

Amosi 8:5

mweeraka: “Yaakhani sineeraaya sivire ifesta sa mweeri munyowani weera nithumihe etrigu, ni yaakhani sineeraaya sivire iSaabadu weera nithumihaxe irooro?” Nintthuna orikiha, nivukulaka miringo wa musurukhu woopwaha,

Habakuki 1:16

Tivawo ompakelaawe ntthavi yooveleela, ahiseraka erubani* ntthavi attittimiherelaka, niwoko ti nenno ninthadyiriha ni yooca yoowaattaxa.

Zakariya 11:5

Anamathumaaya aniiva, epwahereraka ohittaruxiwa. Yaale anthumiha muhuwo aneera: ‘Yave atthapeliwe, miyo koopuhaxa!’ Mpaka akukhulaaya khaanuurela yoowo.

Malekiya 2:17

Nyuwosa moomukhulumula Yave ni maswaanyu. “Nimukhulumunle hai?” munkoha. Niwoko muneera: “Ootheene ampaka yoonanara ti ooreera vamaithoni wa Yave, ni Owo onnaahakalalela,” munakohatho: “Ori woowi Muluku a ekhaikhai?”

Malekiya 3:13

“Nyuwosa munnakuulumela masu oolipaxa,” oneera Yave. “Orookhalaru hiiho, munkoha: ‘Yoonanara heeni niwuulumenlaahuni?’

Luuka 10:29

Vano owo, atthunaka wiitaphula, aamukoha Yeesu: “Taani mukhwaaka?”

Luuka 12:19

Miyo nkiixeerele: ‘Nyuwo mookhalano sooreela sincipale soothokororiwa wa iyaakha sincipale. Mwiitthuuwe, muce, ngwure ni muhakalale.’

Luuka 16:13

Khawowo murumeiyi naari mmoha ongwera waarumeela asipwiiya eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.”

Luuka 16:15

Owo aaweerela: “Nyuwo ti yaale aniitaphula asineenaaya vamaithoni wa atthu, mene Muluku oosuwela mirimasanyu. Yeeyo eri yoottittimiheyaxa wa atthu, ti yoothanyeya vamaithoni wa Muluku.

Deuteronomiyo 8:17

Onoowereya wiixeerela: “Mihakhu sootheene iya kiwenre ni eruswaaka ni ikurusaka.”

1 Timootheyo 6:17

Waaleele yaawo ari oopuha ehuhu ela weera ehikhale oowiixoona, naari ehiroromele mihakhu soohilekela, mene emuroromele Muluku onnivaha sootheene woowaatta weera nihakalale.

1 Timootheyo 6:5

ni oohiiwanana woohihiyerera variyari wa atthu ootakhala, mwa yaawo ekhaikhai yohiiyiwa, ni anuupuwela weera murima wa omuluku ti naattuuttu a owina musurukhu.

Ethupululo 3:17

Nyuwo muneera: ‘Miyo namuhakhu. Koophwanya mihakhu ni nkinghaawela etthu,’ khamusuwenletho weera muri oothoiwa, oowuuliheya muru, oohaawa, oohoona ni muri pwitipwiti.