Hoxeya 12:13 - Emakhuwa Bible

¹³ Yave aamvarela muteko mprofeeti weera aakhumihe aYixrayeli wExipitu, ni Owo aahaakosoopa mwa mprofeeti.

Hoxeya 12:13 Iomraidhean Croise

Epacerero 28:2

Oroweke oPadan Aram, owannyawe Betuweli, apwiyaawo, ni wamuthanlewo mwaarawo variyari wa anamwane asithiyana a atatawo Labani.

Epacerero 29:20

Hiiho Yakobe aamvarela muteko iyaakha ithannapiili amweerelaka Rakheli. Wa soothesene, vamaithoniwawe yaari ehuhu ekhaani niwoko na omusivelaxawawe.

Icipo 77:20

Mwaahoolela mulokwaanyu ntoko muhuwo mmatatani mwa Moisesi ni Aharoni.

Okhuma 13:3

Vano Moisesi aaheerela muloko: “Muupuwelele nihuku nna nyuwo mwaakhumalaanyu wExipitu, elapo ya okaporwaanyu, niwoko Yave ohookhumihani iwe ni ntatanawe nooweraxa. Muhiceru yooheliwa eferementu.

Okhuma 14:19

Vano ndyelo a Muluku aahoolela anakhotto a aYixrayeli aavenya, anaakhalela ottuliwaaya. Hiihotho nrimbu na mahutte naavenya ohoolowaya, nnaakhalelatho ottuliwaya

Hoxeya 11:1

“Yixrayeli aaraawe mmiravo, Miyo kaamusivela, ni wExipitu kaamwiitthana mwanaka.

Hoxeya 2:15

Weiwo, kinkela waahokoloxera imattasaya sa iwuuva*, ni kinookhaliha oreyareyani wa Akori mulako wa oweherera. Weiwo, awo eniyiipe ntoko mmahukuni a omiravowaaya, aani ntoko nihuku yaakhummaaya wExipitu.”

Mikeyasi 6:4

Miyo kohookhumihani wExipitu, kinawoopolani mulaponi mwa opottha; kaamurumiha Moisesi, Aharoni ni Miriyami weera yoohoolelaseni.

Nuumeru 12:8

Kinuuluma ni yoowo ttunda ttunda, woohivitheya, ohikhanle ni marikarika; ni owo onoona moota okhanlaawe Yave. Muhoovenle heeni omukhupanya murumeiyaaka Moisesi?”

Deuteronomiyo 26:5

Vano mweeraseke vamaithoni wa Yave Mulukwaanyu: “Atithaka yaari ngwArami ooweetteetta, enarowa wExipitu ni atthu akina vakhaani, enamakawo ethatuwaka muloko mutokotoko, woolipaxa ni woowaattaxa.

1 Samuweli 12:8

Avolongweene Yakobe wExipitu, aYixrayeli yaamukhuwelela Yave ni Owo aamurumiha Moisesi ni Aharoni, weera aakhumihe makholowaanyu wExipitu ni awiikaathi nipuro nna.