Hoxeya 11:8 - Emakhuwa Bible

⁸ Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Hoxeya 11:8 Iomraidhean Croise

Epacerero 14:8

Vanonto mamwene a ilapo sa oSodoma, oGomora, wAdema, oZeboyimi, ni oBela, ori oZowari, yaaheetta erowaka okhottoni, enawana oreyareyani wa oSidimi

2 Samuweli 24:16

Ndyelo aatheteyaawe ntata weera aphwate oYerusaleemu, Yave aathananaxa niwoko na nthorihelonawe, anamweerela ndyelo eera aaphwate atthu: “Paahi! Waatta!” Ehuhuweene yeele ndyelo a Yave aari vanipuroni nimveeriwa* etrigu na Arawuna, muYebusi.

1 Mamwene 3:26

Amayawe mwaana mukumi emuthananelaxaka mwanaya yaamudyoonttelela mwene: “Dyoontte pwiiyaaka, mumvahe ola mwaana mukumi. Muhimwiive!” Wa soothesene, muthiyana mukina aaheera: “Hata nyuwo naari miyo nihimukuxe. Munkakatthanye eriyariru!”

2 Mamwene 13:23

Wa soothesene, Yave aawoonihera murimaawe wooreera, aamorelaka ikharari aapwatthaka niwoko na wiiraanawawe ni Abrahaamu, Isaki ni Yakobe. Mpaka olelo Owo khantthuna waaphwata hata owoomola vamaithoniwawe.

2 Nyaha 36:15

Yave, Muluku a makholowaaya, aawoopererasa imaara sincipale mwa anamitthengaawe, niwoko Owo aamorela ikharari mulokwaawe ni woomakawawe.

Icipo 106:45

Aahuupuwelela owiiraananawawe ni niwoko na waasivelawawe otokotoko aahiya waattaruxa.

Yesaya 16:11

Murimaaka onlalamikela oMowabe ntoko makita ni okumaaka onghihimerela oKiri Hareseti.

Yesaya 63:15

Ngwehe wiirimu woorakamela ni moone mukilaathiyeene vahiceniwanyu ya osulu, yootteela ni yoovuwa. Nri woowi nthitinanyu ni ikurusanyu? Murimaanyu wooreera ni ikhararisanyu nohiimaniwa.

Yeremiya 18:8

ni muloko owo kooperenraaka waarukunxa murima mwa soonanarasaya, vano kinookhurunuwa ni nkiruuhela erisa kaavaanenlaaka.

Yeremiya 3:12

Murowe ni mwalaleiye masu ala mpatta wa ottuttuwani: ‘Ii! aYixrayeli oohiroromeleya, muhokolowe,’ onghima Yave, ‘kinimoomorelani ikharari ni nkinoonyoonyeriwani, aani nkinoonyoonyeriwani mahuku ootheene,’ onghima Yave.

Yeremiya 31:20

Khahiyono Efrayimi oosiveleyaaka? Mwaana kinimutthunaxaaka? Imaara sootheene Miyo kinuulumaaka sa Efrayimi, kimmuupuwelelaxa yoowo. Tivawo, kinimuhelaxaaka vamurimani; kinimmorelaaka ikharari,” onghima Yave.

Yeremiya 42:10

‘Nyuwosa mwapwaherera okhala mulaponimu, Miyo kinimootekihani ni nkoophwatani; Miyo kinimoophatteyani ni nkoophelani, niwoko koothananaxa mwaha wa erisa kooruuhenlaakani.

Yeremiya 9:6

Awosa ankuukelelaxa ohooxa ni olokottha, ehitthunaka okisuwela Miyo,” onghima Yave.

Yeremiya 9:7

Tivawo Yave a ikuru sootheene oneeraawe ha: “Moone, Miyo kinimwaatteeliha ni kinoowoota murima, niwoko kweewowo etthu ekina kineeraaka kipakele mulokwaaka.

Icipo Soolalamika 1:20

Yave, moone moota kithanannaaka! Koohooxeya mpuwa wa murimaaka ni kooriipiwa murima niwoko kootepaxa ovaanya. Mmuseweni, ootheene annyaanyiwa ni ekatana; mpuwa ori okhwa paahi.

Icipo Soolalamika 3:32

Naari Owo aruuhaka othanana, onimoonihera ikharari niwoko na osivelawawe otokotoko woohooceeleya.

Icipo Soolalamika 3:33

Vano Owo khoonimusivela waahasula anamwane a atthu.

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Ezekiyeli 6:9

Vano, mmilokoni mmo muneeraanyu muronghiwe ootthukiweene, yaawo eneera yoopowe anookuupuwelela. Animuupuwelela moota kaathananihiwaaka ni mirimasaya sooraruwa sikihingye Miyo, ni maithwaaya yaahaawela milukusaya. Animwiixeettiha murima niwoko na yoonanara apankaaya ni na soopakasaya sootheene soohiira.

Hoxeya 6:4

“Nkoopakele eheeni Efrayimi? Nkoopakele eheeni Yuda? Osivelawanyu ori ntoko ekasikasi ya oxeexelo, ntoko nikame nimpeherera wiima nnamora woowaakuveya.

Hoxeya 7:1

Miyo keereraka olamiha oYixrayeli, soottheka sa Efrayimi sinkhala vanlakalakani ni sootakhala sa Samariya sinoothupululiwa. Vano awosa ampaka soonanara; anamwiiya amvolowa mmampaani, alavilavi aniiya mmiseweni;

Amosi 4:11

“Kaaphwata isidadesanyu ikina ikina, ntoko kaaphwantaaka oSodoma ni oGomora. Mwaari ntoko nrusuwela, mene waarookhalaru hiiho, nyuwosa khamuhokoleenle wa Miyo,” onghima Yave.

Amosi 7:3

Vano Yave aakhurunuwa. Yave onlamula sootheene aaheera: “Eyo khayeereya.”

Amosi 7:6

Hiiho Yave aakhurunuwa. Yave onlamula sootheene aaheera: “Eyotho khayeereya.”

Mikeyasi 5:3

Tivawo aYixrayeli eneeraaya ehiiwe mpaka eneeraaya ephiye ehuhu yooyara ya yoole ongyara. Vano ephuwela ya axunna a mulamuli, enoohokolowa weera ethukumane ni aYixrayeli.

Zefaniya 2:9

Tivawo kinlipelaaka mwa okumaaka,’ onghima Yave, a ikuru sootheene, Muluku a oYixrayeli, ‘weera oMowabe onoothatuwa ntoko oSodoma, ni wAmoni ntoko oGomora – nipuro noophipihana malaxi a ntuphini, ni ihime sa maakha, oheleya nthala woohimala. Anoohuhuliwa ni oohalahala a mulokwaaka; oohalahala a mulokwaaka, anookuxa elapwaaya ntoko yoohiyeriwa.

Matheyo 23:37

Yerusaleemu, Yerusaleemu, weyo ongwiiva maprofeeti ni onaavonya maluku yaawo onrumiheliwaawo! Hapo kaatthuna waathukumanya anamwanaawo ntoko nttehi nnaathukumanyaaya axaanaaya vathi wa mapuphaaya, mene khawaatthuna!

Deuteronomiyo 29:22

Anamwaniinyu ni ikhapirasanyu ni anamarwa anrweela ilapo soorakamela eniyoone irisa sineera simorele mweelaponi ni moota Yave aneeraawe aruuhele iretta.

Deuteronomiyo 29:23

Elapo yootheene eniikhuneeleye ni maakha, enxofre* ni itthu soohisiwa moota wooweera waala etthu woohimela, kheewo eneera yunnuwewo. Onuukhale ntoko ophwatiwa wa oSodoma ni oGomora, wAdema ni oZeboyimi mwa seiye Yave aaphwantaawe oonyoonyiweene ni isara.

Deuteronomiyo 32:36

Yave onoothoriha mulokwaawe ni, oonaka weera khaakuru ni weera khaawo ohanle, akhalaka neethi naari epottha, Owo onimwaamorela ikharari arumeiyaawe.

2 Pedru 2:6

Aathorihatho isidade siitthaniwa Sodoma ni Gomora, ahisaka seiye mpaka othatuwa ettuura, apakaka iye ethoonyero sa seiyo seera saakhumeleleke atakhali.

Yuda 1:7

Moota woolikana ni iya, Sodoma ni Gomora, ni isidade sa mukerekheremwaya, sohiileva wa olavilavi ni wa oraruxana asilopwanaru. Sittaruxiweene ni mooro woohimala, iyo simvarela muteko ntoko ethoonyero.

Ethupululo 11:8

Mittembosaya nsiriheliwe mmuseweni mutokweene wa esidade etokotoko, mwa yeeyo eniitthaniwa moota wa mmunepani Sodoma ni Exipitu, weiwo athomeiwaayatho Apwiyaaya.

Ethupululo 18:18

Woowoona mwiixi wa ohisiwawawe, eniikhuwele: ‘Kheetonke okhala esidade ekina yoolikana ni esidade etokotoko ela’!

Ahooleli 10:16

Vano yaarihela okerekhere miluku sa anamarwa yaaraayano, enamulapa Yave. Vanonto Yave khaatthuna woonatho ohooxiwa wa aYixrayeli.