Hoxeya 11:6 - Emakhuwa Bible

⁶ Ikatana sinooceremela mmasidadenimwaya, sinimwaaphwata anampattika a maselaaya ni sinoomalamaliha soovaanelasaya.

Hoxeya 11:6 Iomraidhean Croise

Icipo 106:39

Yaahiitatuxa oohiitteela niwoko na yeeyo yaapankaaya; yaathatuwa mapuuta niwoko na mitekosaya.

Icipo 106:43

Yave annaatapuxa imaara sincipale, mene yannapwaherera ni mirima soovaanelela ni yannattharexexa sootthekasaya.

Yesaya 18:5

Vano ohinaaye ohepha, emalaka ephovo ni ithutu sithatuwaka soowiima owo onooseekela soophuwa; avenxaka iphandi soorakama.

Yesaya 27:10

Esidade yoolipihiwaxa yoothaamiwa; yoohimakiwa ni yoottiwaliwa ntoko nikare. Weiwo imombe ixaana sincaayawo sinakona ni simvurula makukhu a iphandisaya.

Yesaya 30:1

“Ii! Wa anamwane oottiyamaaru,” onghima Yave, “Ii! Wa yaale ankwanihera soowuupuwela sihinrweela wa Miyo; yaale aniiwanana kihaakhulenle, yaandyeereraka sootthekasaya.

Yesaya 9:14

Tivawo Yave aneeraawe akwase oYixrayeli okhuma waamuru mpaka waametto; aani kancesa ni ettheere munihukuni nimoha.

Yeremiya 5:17

Awosa anoomira soohephasanyu ni soocasanyu; animwaamira anamwaniinyu asilopwana ni asithiyana; anoomira imombesanyu ni ikhondoolosanyu, imattasanyu sa iwuuva* ni nyiri sa efiigu*. Awosa anoophwata ni ekatana isidade soolipihiwa mwa seiyo munroromelaanyu.

Yeremiya 50:35

Ekatana yoowaawanano aBabiloniya!” onghima Yave, “wa yaawo ankhala oBabiloniya ni wa ahooleli ni anamirukwaaya!

Icipo Soolalamika 2:9

Maselaaya aamorela vathi; anampattikaaya ohaaphwata. Mwenaaya ni ahoolelaaya aaronghiwa wootthukiwani wa ilapo soohiyanahiyana ni khaniwoworu nlamulo; maprofeetaaya khaanaakhela nyoonelo sa Yave.

Ezekiyeli 20:47

Mweerele othako wa oNegeba: ‘Mwiiwe masu aYave. Vano Yave onlamula sootheene oneera ha: Kihanle vakhaani woohisani. Hiiho, kinoolaliha nyirisanyu sootheene, okhuma ikithi mpaka soowuuma. Ovarela wa malumi a mooro khoocipihiwa, ni ikhove sootheene, okhuma oNegeba mpaka mpatta wa ottuttuwani onuurusuliwe ni malumi awo.

Hoxeya 10:14

munyakunyaku wa okhottoni onimoovenyerani moota wooweera moolipamwanyu moothemwene onoophwatiwa, ntoko Xalemani ophwantaawe oBeti-Arbeli vanihukuni na ekhotto – yaanyikalasiwaaya asimaayi vamoha ni anamwanaaya.

Hoxeya 10:6

Aani owotho onooronghiwa wAsiriya ntoko yoomvaha mwene mutokweene. wEfrayimi onuuhaawe oyevihiwa; ni oYixrayeli onimuulihiheya muru niwoko na mulukwaaya oopatthiwa.

Hoxeya 13:16

Muloko wa oSamariya ontthuneya wiireya nthowanaya niwoko na omvaanya Mulukwaaya. Awosa animwiiviwa ni ekatana; anamwanaaya anoonyikalasiwa, axaaraya oorupala anoophulakasiwa irukulusaya.”

Hoxeya 4:16

aYixrayeli ti oottiyamaaru, ari oohihuweya ntoko mwaaxaana a emombe oohihuweya. Moota heeni Yave aneeraawe aakukhule ntoko iputtiputthi sireene munghawalawani?

Hoxeya 4:17

Efrayimi ohiiraanano miluku soowootha; munghiyeke meekhaawe!

Levitiku 26:25

Kinimoorumihelani ekatana weera mwiinlele ikukuttula wiiraana. Nyuwosa mwaatthawelasaka musidadenimwanyu, kinimoorumihelani nihooxo ni munimwinnyereriwa mmatatani mwa amwiittana.

Levitiku 26:31

Kinoohiya isidadesanyu ittuxoru, kiphwataka mapurowaanyu ootteela, ni khookisiveliha wunkhela wa sooveleelasanyu.

Levitiku 26:33

Kinimoomwaraxelani variyari wa miloko ni kinimootheteelani ekatanaaka. Elapwaanyu enoothaamiwa ni isidadesanyu sinookhala ittuxoru.

Amosi 6:8

Yave onlamula sootheene ohiilipela! Yave, Muluku a ikuru sootheene, oneera ha: “Onkihiira wiixoona wa Yakobe, ni kinthanya impasawe sa emwene; kinimwinnyerera esidade ni sootheene sirimo.”

Mikeyasi 5:11

Kinoophwatatho isidade sa elapwanyu, kikurumuleke moolipamwanyu.

Malekiya 4:1

“Vano, vekhaikhai nihuku ntokotoko nnoophiyera ntoko ttukuttha. Anamwiixoona ootheene ni atakhali ootheene anookhala ntoko ikokhola, ni nihuku nno ninrwa onimwaapattela mooro,” oneera Yave a ikuru sootheene. “Khoohalaru mukwankhwaari naari mano nikukhu.

Deuteronomiyo 28:52

Awosa eniirice isidade sootheene sa mweelaponimwanyu mpaka sineeraaya sipittuwe ixiri soorakamela soolipihiwa, mwa seiyo munroromenlaanyu. Eniirice isidade sootheene mweelaponimwanyu moothemwene Yave Mulukwaanyu onoovahaaweni.

Deuteronomiyo 32:25

Anamwanaaya animwiivakasiwa mmiseweni ni ekatana; mmatthokonimwaya anoosareya maririmela. Animookhwa amiravo ni asimwali; anamwane ni anamuuluvala.