Hoxeya 11:3 - Emakhuwa Bible

³ Vano, ti Miyo kaaxuttihale weetta awEfrayimi kiweerelaka eta eta; vaheera awosa khayaasuwenle weera ti Miyo kaalamihale.

Hoxeya 11:3 Iomraidhean Croise

Icipo 107:20

Owo aarumiha maswaawe anaalamiha; Owo aahaavuluxa mookhwaani.

Okhuma 15:26

aweerelaka: “Nyuwosa mwamwiiwelela Yave, Mulukwaanyu, ni mwapaka yeeyo onaakhulelaawe ni mwiiwelela malamulowaawe muttharaka ikanosawe sootheene, nkoorumihelasani hata eretta emoha sa seiye kaarumihenlaaka awExipitu, niwoko Miyo ti Yave onoolamihani.”

Okhuma 19:4

“Nyuwo mohoona yeeyo kaapakenlaaka awExipitu ni moota kookuxalaakani mmapuphani mwa xaaka ni kooruuhalaakani wa Miyo.

Okhuma 23:25

Munlape Yave Mulukwaanyu ni onimooreelihasani oovahakani yooca ni maahi. Kinoovenxa iretta variyariwanyusa.

Yesaya 1:2

Mwiiwe wiirimu; ngwiriyane elapo ya vathi, niwoko Yave eenre: “Miyo kohaapattuxa anamwane kinawunnuwiha, mene awosa aakirukunuwela.

Yesaya 30:26

Mweeri onimwaara ntoko nsuwa ni nsuwa nnimoopaxa woopwexerereya mahuku mathannameeli, Yave aarehereraka soovulalihiwa sa mulokwaawe ni aalamihaka makhwatta Owo aatannyenraawe.

Yesaya 46:3

“Mukiiwe, ekhapira ya Yakobe, ootheene nyuwo muhalahanle a ekhapira ya Yixrayeli – nyuwosa Miyo kookhavihenraakani okhuma oyariwawanyu ni kookunxaakani okhuma enamwanaanyu.

Yesaya 63:9

Moothanananimwaya moothemwene Owo aathananatho ni ndyelo a okhalawawe aahaavuluxa. Owo aawoopola moosivelanimwawe ni mukhararinimwawe. Ti Yoowo aavenxa, aweettihaka mmahukuni a khalayi.

Yeremiya 30:17

Kinoohela mapharima ovulalawanyu ni kinoovoliha makhwattaanyu,’ onghima Yave, ‘niwoko nyuwo, Siyoni, angwiitthanani ookhoottiwa, mwa yoole ohimpwatthiwaru.’

Yeremiya 8:22

Khoowowo murette oGileyade? Khawowo meediku? Nihimvolela heeni nikhwatta na mulokwaaka?

Hoxeya 14:4

“Miyo kinoolamiha ohiroromeleyawaya ni kinimwaasivela ni murimaaka wootheene, niwoko isarasaka sohaahuluwa.

Hoxeya 2:8

Awo khaanoonelela weera ti Miyo kaavanghe etrigu, eviinyu enyowani ni makhura; kaavanghe eyuuma yoorikaxa ni eparatha* yoowaattaxa, mwa yeeyo yaavarenlaaya muteko woomurumeelano Bahali*.

Hoxeya 7:1

Miyo keereraka olamiha oYixrayeli, soottheka sa Efrayimi sinkhala vanlakalakani ni sootakhala sa Samariya sinoothupululiwa. Vano awosa ampaka soonanara; anamwiiya amvolowa mmampaani, alavilavi aniiya mmiseweni;

Hoxeya 7:15

Miyo kohaaxuttiha, kinaalipihera, vaheera awosa ankivaanelela soonanara.

Miteko 13:18

ni aavilela munikareni woophiyera ehuhu ya iyaakha miloko mixexe.

Deuteronomiyo 1:31

Munikareni mwaahoonatho moota Yave Mulukwaanyu ookuxansaaweni mphironi moothemwene mviravinraanyu mpaka nipuro nna, ntoko tiithi onimkuxaawe mwanawe.”

Deuteronomiyo 33:27

Muluku ti wootthawelawanyu woohimala; nyoonosawe soohimala ti olipawanyu. Owo onoowoomola amwiittanaanyu ohoolowanyu eeraka: “Waaphwatase!”

Deuteronomiyo 8:2

Muupuwelele moota Yave Mulukwaanyu oweettihalaaweni munkwahani wootheene munikareni wookwana iyaakha miloko mixexe iye. Owo aahooyevihasani awootakani murima, eerelaka osuwela yeeyo eri mmirimanimwanyu ni mwaariki mwiiwelele malamulowaawe hoye hoye mwaahiiwelela.