Hoxeya 11:11 - Emakhuwa Bible

¹¹ Eniirweele ethukumelaka wExipitu, evavaka ntoko ipalame, ekhumaka wAsiriya ntoko ikhunda; Miyo kinimwaatekiha mmatthokonimwaya,” onghima Yave.

Hoxeya 11:11 Iomraidhean Croise

Yesaya 11:11

Vanihukuni nenenenno Yave onimookolatho moono weera aahokoloxere oohalahala a mulokwaawe ahiiwe wAsiriya, wExipitu, oPatrosi, oKuxe, wElami, oBabiloniya, oHamati ni icirumba sa mphareiya.

Yesaya 60:8

Awosa taani amvava ntoko mahutte, ntoko ikhunda sivavelaka mpuurunimwaya?

Yeremiya 31:12

Awosa animoona ni animwiipa ni ohakalala vasulu oSiyoni; anoohakalalela sooreela sincipale eneeraaya evahiwe ni Yave: etrigu, eviinyu enyowani, makhura ooreera ni axaana a ikhondoolo ni a imombe. Anookhala ntoko nttimbe noohelelaxiwa, ni kheethananatho.

Ezekiyeli 34:27

Nyiri sa mutuphini nsiime soowiimasaya, etthaya eniiruwere soohephasaya, ni ootheene eniikhale oolipeene mulaponi. Awosa anoosuwela weera Miyo ti Yave, kaapasaka onyooro wa opotthaaya, kaatapuxaka mmatatani mwa yaale yaahasula.

Ezekiyeli 34:28

Kheehuhuliwatho ni miloko, hata kheenyaanyiwa ni axinama a mutuphini. Eniikhale oolipeene, ni khaawo anaawoopopihe.

Ezekiyeli 37:21

ni mwaaleelase weera Yave onlamula sootheene, oneera ha: Kinimwaakhumiha aYixrayeli mmilokoni arongwaayamo. Kinimwaathukumanyihasa mmapuroni moothemwene yaarukureenre, kaahokoloxereke mulaponimwaya.

Ezekiyeli 37:25

Eniikhalase mulaponi kimvanghaaka murumeiyaaka Yakobe, elapoweene yeeyo yaakhalaaya makholowaaya. Awosa vamoha ni anamwanaaya, mpakatho osuulwaaya eniikhalewo wa mahuku ootheene, ni murumeiyaaka Davide onookhala mwaana a emwenaaya wa mahuku ootheene.

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Hoxeya 7:11

Efrayimi ori ntoko ekhunda yoolokottheya ni yoohiiwexexa. Ondyoonttelela ekhavihero wExipitu; onkhuwelela waakiha wa wAsiriya.

Obadiya 1:17

Vaheera vamwaako Siyoni onuukhale woopowa; mwaako ole onuukhale wootteela ni ekhapira ya Yakobe enookhalano yoohiyeriwaaya.

Zakariya 10:10

Miyo kinimwaahokoloxa wExipitu ni kinimwaathukumanyiha wAsiriya. Kinimwaarongha oGileyade ni oLebanoni, ni vano elapo kheekhalano nipuro nowaakwanelela.

Zakariya 8:7

Yave a ikuru sootheene oneera ha: ‘Kinimoopola mulokwaaka mweelaponi sa ninkela nsuwa ni ninkhuma nsuwa.

Zakariya 8:8

Miyo kinimwaahokoloxera weera ekhale oYerusaleemu; awosa anookhala mulokwaaka ni Miyo kinookhala Mulukwaaya moororomeleyani ni mweekhaikhaiyini.”