Ezera 9:7 - Emakhuwa Bible

⁷ Okhuma mahuku a makholowaahu mpaka olelo nthowanahu nohunnuwaxa. Niwoko na sootthekasahu hiyo, mamwenaahu ni asaserdoti* nohinnyereriwa mmahooxoni a ekatana, wootthukiwani, moohuhuliwani ni oyevihiwa mmatatani mwa mamwene a ilapo sikina, ntoko eneereyaaya olelo.

Ezera 9:7 Iomraidhean Croise

1 Mamwene 8:47

Vano mweelaponi ya otthukiwawaya awosa yawuupuwelelani erukunxaka murima yoodyoonttelelakaniwo: ‘Noottheka, noopaka yoonanara neettaka ntoko anamatakhala.’

2 Nyaha 29:6

Asitithihu khayaaroromeleiye; yaapakasa yoonanara vamaithoni wa Yave, Mulukwaahu, enamuhiyasa. Yaahuluxa ekhove vanipuroni omankaawe Yave, enamurerasa ettuli.

2 Nyaha 30:7

Muhikhale ntoko asitithinyu ni axunninyu yahaaroromeleiye wa Yave, Muluku a makholowaaya, moota wooweera Owo aahaahiya ephwateiyeene ntoko nyuwosa munoonaanyu.

2 Nyaha 34:24

‘Yave oneera ha: Miyo kinooruuhela erisa nipuro nna ni wa amakaaya; malapho ootheene alempwale mulivuruni esommwale vamaithoni wa mwene a oYuda.

Ezera 9:13

Seiyo sinikhumelenle ti niwoko na soopakasahu soonanara ni nthowanahu ntokotoko. Hata hiiho, Mulukwaahu, moonittaruxa vakhaani, ohiphiyeraka naaphwanelaahu, munivahaka ahalahanle ala.

Nehemiya 9:30

Wa iyaakha sincipale mwaahaavilela. Mwannawooperera mwa Munepaanyu ni mwa maprofeeti. Hata hiiho, khayaawiiwelelani moota wooweera mwaawinnyerera mmatatani mwa miloko soowaattamana.

Yesaya 64:4

Okhuma khalayi khawowo iiwale hata naaru niiwexenxe naari niitho naamoonne Muluku mukina muhikhanle Nyuwo munaavarela muteko yaale anoororomelani.

Yeremiya 25:18

Yerusaleemu ni mittetthe sa oYuda, mamwenaaya ni ahoolelaaya, weera seiyo ehiye ttewu ni moopopihero, otthebwiwa ni nlapho ntoko eneereyaaya olelo;

Yeremiya 3:25

Niixaatalele oowuulihiheyeene muru ni omora ekhove onikhuneele. Noomutthekela Yave Mulukwaahu – hiyo nitho makholowaahu; okhuma enamwanaahu mpaka olelo khanimwiiwelenle Yave Mulukwaahu.”

Yeremiya 32:23

Awosa yaahoorwa okuxa elapo ela, mene khaawiiwelenleni hata khayeettenle Nlamulonanyu. Khaapankeru etthu ya seiye mwaalamulenlaanyu. Tivawo yiiruhenlaaya erisa yootheene ela.

Yeremiya 32:32

Muloko wa oYixrayeli ni wa oYuda onnatannya isarasaka mwa soonanara sootheene ompakaaya – awosa, mamwenaaya ni ahoolelaaya, asaserdotaaya ni maprofeetaaya, atthu a oYuda ni amaki a oYerusaleemu.

Yeremiya 44:22

Yave ahiweraka ovilelatho sootakhalasanyu ni ipakelo soohiirasanyu, elapwaanyu yoophwateya ni yoohiiwa ttewu, yoothatuwa nlapho ni kheemakiwe, ntoko onooneyaaya olelo.

Yeremiya 44:9

Weeraka nyuwosa moottiwala sootakhala yaapankaaya makholowaayu ni mamwene a oYuda ni axaaraya, ni sootakhalasanyu mumpakaanyu vamoha ni axaarinyu mulaponi mwa oYuda ni mmiseweni sa oYerusaleemu?

Icipo Soolalamika 5:7

Asitithihu yaattheka ni khaawowotho ni hiyo ninttaruxeliwa sootthekasaya.

Ezekiyeli 11:9

Miyo kinoowoomolasani musidade, kiwinnyererekeni mmatatani mwa anamarwa ni koottaruxekeni.

Ezekiyeli 39:23

Hiiho, miloko sinoosuwela weera aYixrayeli arongheliwe wootthukiwani elapo ekina niwoko na sootakhalasaya, yeenre ehiroromeleya wa Miyo. Tivawo kaahulungwaaka kinawinnyerera mmatatani mwa amwiittanaaya, ni awosa ootheene ahiiviwa ni ekatana.

Nuumeru 32:14

Nyuwo muri vawo – ekhapira ya anamattheka, mwiikhalihaka vanipuroni na makholowaanyu ni saapattelakatho aYixrayeli isara sa Yave.

1 Samuweli 12:15

Vaheera mwaahimwiiwelela Yave muramusaka malamulowaawe, Owo onimoottaruxani, ntoko aapakenlaawe makholowaanyu.