Ezera 4:3 - Emakhuwa Bible

³ Vaheera Zerubabeli, Yexuwa ni mapwattapwattha akinaawo a aYixrayeli yaawaakhula: “Khamuntthuniheriwa nyuwosa orasela Empa ya Yave, Mulukwaahu. Hiyo paahi nneera nimutekele Yave, Muluku a aYixrayeli, ntoko Siru, mwene a oParesi aanilamulenlaawe.”

Ezera 4:3 Iomraidhean Croise

2 Nyaha 36:22

Vayaakhani yoopacera ya olamula wa Siru, mwene a oPersiya, weera ekwanihereye masu yaalaleiwale ni Yeremiya, Yave aatava murima wa Siru, mwene a oPersiya, weera alaleiye mukarattani elapo yootheene aalamulaawe moota ola:

Ezera 1:1

Vayaakhani yoopacera moolamulani mwa Siru, mwene a oParesi – ekwanihereyaka masu a Yave uulummaawe mwa Yeremiya – Yave aatava murima wa Siru, mwene a oParesi, weera alaleiye ekano moomwenenimwawe wootheene, yaalempwale moota ola:

Ezera 1:2

“Siru, mwene a oParesi oneera ha: ‘Yave, Muluku a wiirimu, ookivaha omwene wootheene wa vathi ni ookithanla weera kamutekele Empa ya Yave oYerusaleemu, elapo ya oYuda.

Ezera 1:3

Akhalaru mutthu a mulokwaawe a eriyaraanyu (Mulukwaawe akhaleke ni yoowo), aroweke oYerusaleemu elapo ya oYuda, weera arasele Empa ya Yave, Muluku a aYixrayeli, mwa Yoowo onkhala oYerusaleemu.

Ezera 3:8

Mmweerini wanaaveeli wa eyaakha yanaaveeli ephiyaleene oMpaani ya Muluku oYerusaleemu, Zerubabeli, mwaana mulopwana a Xeyaletiyeli ni Yexuwa, mwaana mulopwana a Yozadaki vamoha ni axunnaya akinaawo, eyo tiiyo asaserdoti*, aLeevi ni ootheenaawo yaahokolongwe wootthukiwani erowaka oYerusaleemu, yaapacera muteko. Eeli ale yaahaathanla aLeevi okhuma a iyaakha miloko miili woorowa ohoolo weera ewehawehe otekiwa wa Empa ya Yave.

Nehemiya 2:20

Miyo kaawaakhulasa: “Muluku a wiirimu onooneettihera nnene. Hiyo, arumeiyaawe, nnoopacera otekatho. Vaheera nyuwo khamunono mpatta, hata nsu muYerusaleemu, niwoko khamumpatta nnyahanimwaya.”

Yesaya 44:28

Ti Miyo kinghima sa Siru: ‘Owo ti mukukhulaaka ni onookwanihera sootheene sinkisiveliha; owo onoohima sa oYerusaleemu: “Eyo eraseliwe” ni sa Empa ya Yave: “Epakiwe mathipelo.” ’”

Yesaya 45:4

Kinoowiitthanelani nsinananyu mwaha wa murumeiyaaka Yakobe ni oothanliwaaka Yixrayeli ni kinimoovahani ekhalelo ya nttittimiho naari muhikaakhulelaka.

Matheyo 10:16

Miyo kinoorumihani ntoko ikhondoolo variyari wa miici. Tivawo, mukhale ni miruku ntoko inowa, ni oohikhalano milattu ntoko ikhunda.

Yohaane 4:9

Muthiyana muSamariya aamukoha: “Heeni Nyuwo mureene muYuda munkivekelaanyu miyo, kireene muSamariya, maahi weera muwure?” Vano, aYuda khaaniiraana ni aSamariya.

Miteko 8:21

Khamunono mpatta naari ikuru mmutekonimu, niwoko murimaanyu khooreenre ohoolo wa Muluku.