Ezera 3:10 - Emakhuwa Bible

¹⁰ Anamateka epacerakaru mathipelo a Empa ya Yave, asaserdoti* ewarenleene ikuwosaya ni ekunxeene mapalapattaaya, ni aLeevi (anamwane asilopwana a Asafi) ekunxeene ikomasaya, yaakhala mmapuronimwaya weera emuttottopele Yave, ntoko Davide, mwene a oYixrayeli, aalamulenlaawe.

Ezera 3:10 Iomraidhean Croise

1 Nyaha 15:24

Asaserdoti* Xebaniya, Yoxafati, Netaneli, Amasai, Zakariya, Benaya ni Eliyezeri, waatthuneya wiipa mapalapatta ohoolo wa Arka* a Muluku. Obede-Edomi ni Yehiya waatthuneyatho okhala anamalipelela a milako ni waawehaweha Arka*.

1 Nyaha 15:27

Vano Davide aawara mukaandyo wa eliinyu* wootteettheya, ni hiihotho aLeevi ootheene yaateexa Arka*, anamwiipa nitho Kenaniya, mutokweene a anamwiipa. Davide aangwaratho mooxikotti a esaserdoti a eliinyu*.

1 Nyaha 16:37

Davide aamuhiya Asafi ni emusaawe ohoolo wa Arka* a wiiraana a Yave weera erumeelewo woohihiyerera, ettharihaka sootthuneya sa khula nihuku

1 Nyaha 16:42

Hemani ni Yedutuni, mutekwaaya waari wiipa wa mapalapatta, ikengere ni ikaruma sikina soomwiipela Yave. Anamwane asilopwana a Yedutuni yaathanliwe okhala anamalipelela a milako.

1 Nyaha 23:5

Vano macira miloko mixexe akina mutekwaaya okhaleke woolipelela milako, ni macira miloko mixexe akinatho emvuwiheke Yave ni ikaruma sa masoma, Davide aapankaawe ciireru.

1 Nyaha 25:25

anaamuloko ni athannaararu ti Hanani, vamoha ni anamwanaawe asilopwana ni emusaawe – muloko neeli;

2 Nyaha 35:14

Vahoolowaya aLeevi yaahiirehererela mpattaaya ni wa asaserdoti* a ekhapira ya Aharoni yaapwaherera opaka yooveleela yoohisa ni mipatta sa makhura mpaka ohiyu. Tivawo aLeevi yiirehererenlaaya mpattaaya ni wa asaserdoti*, ekhapira ya Aharoni.

2 Nyaha 35:15

Anacipo a ekhapira ya Asafi yaari mmapuroni yaavaheriwaaya ni Davide, Asafi, Hemani ni Yedutuni, namoonihera* a mwene. Anamalipelela a milako yaalipelela khula mulako khawaatthuneya ovenya mmapuronimwaya, niwoko asikhwaaya aLeevi yaahaarehererela sooveleela.

2 Nyaha 5:12

aLeevi ootheene yaari anacipo – Asafi, Hemani, Yedutuni vamoha ni anamwanaaya asilopwana ni amusaaya yaaheemela mpatta ninkhuma nsuwa wa altaari*, ewanreene ikuwo sootteettheya, yiipaka ikengere, amakita ni atthakare, ehooliwaka ni asaserdoti* ncira ni miloko miili yiipaka mapalapatta.

Ezera 2:41

Anamwiipa: ekhapira ya Asafi ncira ni miloko miili ni athannaararu.

Ezera 5:16

Hiiho Xexibazari ole aahoorwa, anateka mathipelo a Empa ya Muluku oYerusaleemu. Okhuma nihuku nenenenne mpaka olelo ennatekiwa, mene kheenaaye omalihiwa.”

Icipo 150:5

Munttottopele ni oruma wa ikengere, muttottopele ni ikengere soorumaxa.

Axewu 2:15

Vano ngwiriyane: Okhuma olelo mpaka muhoolo, moonelemo. Moota heeni mwaakhalaanyu nihinaaye wiikaathiwa nluku vanlukuni Mpaani mwa Yave?

Zakariya 4:10

Yaale yahoonenlemo itthu ikhaanene anoohakalalaxa, yoonaka efiiyu yooringelano mmatatani mwa Zerubabeli. Vano soomwaleela ithannapiili iya ti maitho a Yave angwehaweha elapo yootheene.”

Zakariya 4:6

Owo aakeerela: “Masu a Yave wa Zerubabeli ti ala: ‘Khoohiyono ni ikuru hata ni oweraxa, mene mwa Munepaaka,’ oneera Yave a ikuru sootheene.

Zakariya 4:7

Ii! Nyaako sooweraxa, nyuwosa taani? Ohoolo wa Zerubabeli munoothatawalihiwa. Vano onimwiikaathi nluku noottittimiheyaxa atthu ekhuwelaka: ‘Muluku areelihe nna, Muluku areelihe nna!’”

Zakariya 6:12

Mwamuleele weera Yave a ikuru sootheene oneera ha: ‘Ori va mulopwana oniitthaniwa Ephuwela ni owo onoophuwa vanipuroniwawe ni onooteka Empa ya Yave.

Zakariya 7:3

yaavekelaka asaserdoti* a Empa ya Yave a ikuru sootheene ni maprofeeti: “Nilalamikeke ni nitthukeke mmweerini wanaathanu ntoko nimpakaahu iyaakha sootheene?”

1 Samuweli 22:18

Vahoolowaya mwene aamulamulela Doweki: “Owiive asaserdoti*.” Doweki, ngwEdomi, aarukunuwa, anawiiva asaserdoti*. Nihuku nenenenne aawiiva asilopwana miloko mithannamiraru naathanu yaawara amooxikootti a eliinyu*.