Ezera 2:1 - Emakhuwa Bible

¹ Anttharelana ti masina a atthu a ilapo, mwa yaawo Nebukadenezari, mwene a oBabiloniya, aakunxaawe ootthukiweene aaronghaka oBabiloniya. Awosa yaahokoleela oYerusaleemu ni oYuda, khula mutthu wa muttetthaawe.

Ezera 2:1 Iomraidhean Croise

2 Mamwene 25:11

Nebuzaradani, mutokweene a anakhotto ooweraxa a mwene, aahaarongha wootthukiwani amaki yaahanle musidade; yaale yiixinnyerenre wa mwene a oBabiloniya ni yaale yaahanle a muloko.

1 Nyaha 9:1

Ikhapira sootheene sa aYixrayeli ootheene silempwale munamalepelani a nyaha mulivuruni sa mamwene a oYixrayeli. Muloko wa oYuda waaronghiwa wootthukiwani elapo ya oBabiloniya niwoko na ohimuroromelawaya Muluku.

1 Nyaha 9:2

Atthu akina-akina a muloko, a asaserdoti*, a aLeevi ni a arumeiyi yaarumeela Mpaani mwa Muluku, ti yaapacenre ohokoleela muttimanimwaya ni musidadenimwaya.

Ezera 1:11

Vano waatta wa ikaruma sa eyuuma yoorikaxa ni sa eparatha* waari 5 400. Xexibazari aakuxa sootheene iye anamatthukiwa aYixrayeli yaahokolowaaya oBabiloniya erowaka oYerusaleemu.

Ezera 2:2

Yaahokolongwe ehooliwaka ni Zerubabeli, Yexuwa, Nehemiya, Seraya, Rehelaya, Mordekai, Bilexani, Misepari, Bigevai, Rehumi ni Bahana. Masina a aYixrayeli ale ti ala:

Ezera 2:70

Asaserdoti*, aLeevi, anamalipelela a milako, anamwiipa ni arumeiyi a Empa ya Muluku vamoha ni mpatta wa muloko ni aYixrayeli akinaawo yaahiitekiha mmittetthenimwaya yaayarelingwaaya.

Ezera 5:8

Musuwele amwene weera hiyo naarowa elapo ya oYuda, wa Empa ya Muluku Mutokweene. Muloko wa weiwo onoorasela yeeyo ni maluku matokotoko ehelaka itthaabwa sitokotoko vaxirini. Muteko onnavariwa ni nthiti ni onneetta woowaakuveya.”

Ezera 6:2

Elivuru yooneleliwe musidadeni yoolipihiwaxa yiitthaniwa wEkebatana, elapo ya Mediya ni mulivurini ele yaalepwa ha:

Ezera 8:35

Vano anamatthukiwa yaahokolongwe wootthukiwani oBabiloniya yaampakela Muluku a aYixrayeli sooveleela soohisa: imombe ilopwana muloko ni piili wa aYixrayeli ootheene; anapunci miloko mithannamixexe ni athannamosa; iputtiputthi ilopwana miloko mithannamiili niithannapiili ni, ntoko yooveleelela yoottheka, ipuri ilopwana muloko ni piili. Sootheene iye saari sooveleela soohisa wa Yave.

Nehemiya 12:1

Masina a asaserdoti* ni aLeevi yaahokolongwe ni Yexuwa vamoha ni Zerubabeli, mwaana mulopwana a Xeyaletiyeli, ti ala: Seraya, Yeremiya, Ezera,

Exteri 1:1

Ti ela yeereiye mweehuhuni ya Ahaxeveroxi, mwa yoowo aalamula ilapo ncira ni miloko miili niithannapiili okhuma wIndiya mpaka oKuxe:

Exteri 1:11

weera emuruuhele pwiyamwene Vaxeti awanreene ecireemba ya epwiyamwene. Owo aatthuna owoonihera asitokweene ni maneethi ophwaneliwawawe, niwoko pwiyamwene aari ooreeraxa.

Exteri 1:3

Vano eyaakha yanaararu moolamulanimwawe, aahaarehererela efesta maneethi ni asitokweenaawe ootheene. Yaari vaavaawo ahooleli a anakhotto a oParesi ni oMediya, asinamwane a mamwene ni maneethi a ilaposawe.

Exteri 1:8

Mwene aalamula weera khula namalattuliwa awureke aatthunelaawe. Owo aahaalamula arumeiyi yaakawa eviinyu weera erumeeleke ehoovelaka.

Exteri 8:9

Iye seereiye vanihukuni nanaamiloko miili ni mararu na mweeri wanaararu oniitthaniwa Sivani. Anamalepa a mwene yaathukumanyihiwa woowaakuveya. Yaahaalepela ikano sootheene sa Mordekai aYuda ootheene ni mapwattapwattha, maguvernadori ni maneethi ootheene a ilapo ncira ni miloko miili niithannapiili okhuma wIndiya mpaka oKuxe. Ikano iye saalempwale ettharihiwaka muulumo ni elepelo ya khula muloko mweelaponi sootheene nitho wa aYuda ni elepelowaaya ni nuulumonaya.

Yesaya 48:20

Mukhume oBabiloniya, mwaatthawe aBabiloniya! Mwahime yeeyo ni ohakalala ni mwalaleiye. Mwarumihele mutthenga ola ekotenle elapo, mweeraka: “Yave oomoopola murumeiyaawe Yakobe.”

Yeremiya 50:19

Vaheera kinoomuhokoloxera Yixrayeli moocamwawe ni anaace mmanyaakoni sa oKaremelu ni oBaxani; onoomaliha ovoliwawawe etala mmattumuxani a wEfrayimi ni oGiliyade.

Icipo Soolalamika 1:3

Moothananani ni mmitekoni soonyesereriwa, Yuda ooronghiwa wootthukiwani. Onkhala eriyari ya miloko ahiphwanyaka wiitthuuwa. Yaamuttharelela ootheene yaamvarasa moohaawanimwawe.

Icipo Soolalamika 1:5

Awananaawe aathatuwa asitokweenaawe; amwiittaanaawe ahiimaaliha. Yave oomuruuhela othanana niwoko na sootthekasawe sincipale. Anamwanaawe asilopwana aaronghiwa wootthukiwani, anamatthukiwa a awanani.

Icipo Soolalamika 4:22

Ii! Esidade ya oSiyoni, nttaruxonanyu nnoomala; Yave khapwahereriha oroihiwawanyu wootthukiwani. Vaheera, ii! Nyuwo mwaana muthiyana a Edomi, Owo onoottaruxa yootthekaanyu ni onimoonihera yootakhalaanyu.

Zefaniya 2:7

Enookhala ya oohalahala a epuumba ya Yuda. Wu anoophwanyawo moocihamo; ni wiilaka, animwiixaatalela mpaani mwa Axekeloni. Yave, Mulukwaaya, onimwaakosoopa, ni onimwaahokoloxera oreeriwa.

Miteko 23:34

Guvernadori aasoma ekaratta ni aamukoha weera aari a elapo heeni. Aleeliwaka weera aari a oSilisiya,