Ezekiyeli 8:3 - Emakhuwa Bible

³ Owo aahookola etthu yaalikana ni moono, anakivara mayihi. Munepa waakittukhulela eriyari ya etthaya ni erimu. Munyooneloni sa Muluku, Owo aakirongha oYerusaleemu, mpaka vamulako wa mpatta wa ottuttuwani wa nipuwa na mpuwa, mwa mwemmo yiikaathiwaayamo ecaambulo entannyera ehace ya Muluku.

Ezekiyeli 8:3 Iomraidhean Croise

1 Mamwene 18:12

Nkisuwenle woowi Munepa wa Yave oneeraaya woorongheni miyo koohiyakani. Miyo karowa omuleela yeeyo Ahabi ni owo aahoophwanyani, onookiiva. Miyo kiri murumeiyaanyu kinnamutthapela Yave okhuma emirawaaka.

2 Mamwene 16:14

Altaari* a ebronze* yaari vamaithoni wa Yave eriyari ya altaari* anyowani ni Empa ya Yave, yaaceendyiwa ni Ahazi awiikaathiki mpatta wa ottuttuwani wa altaari* anyowani.

2 Mamwene 2:16

Awosa yaamweerela: “Moone, hiyo arumeiyaanyu nookhalano asilopwana miloko mithanu oolipa. Awosa eroweke yamwaasaaseke pwiiyaanyu. Apaale Munepa wa Yave woomukuxa, onamuhiya vamwaako hoye hoye vareyareyani nikina.” Elixa aawaakhula: “Hoye. Muhaarumihe.”

2 Mamwene 21:7

Aakuxa nrimbu noohaneliwa Axera, aniikaathi Mpaani mwa Yave. Vano ti mwaha wa empeene yeele ni oYerusaleemu Muluku aamweerenlaawe Davide ni mwanawe Salomoni: “Variyari wa ipuumba sootheene sa oYixrayeli, kinookhaliha Nsinanaka wa mahuku ootheene Mpaanimu mwa Yave ni mwa oYerusaleemu.

Icipo 78:58

Yaamunyoonyiha ni mattumuxa ooteeliheriwa miluku sikina; yaamutannya ni milukusaya sikina.

Okhuma 20:4

Muhiipakele ecaambulo ya miluku sikina mulikanxeraka yakhalaru etthu eri wiirimu hoye hoye vathi, naari mmaahini.

Okhuma 20:5

Muhikokhorele seiyo naari muhilape, niwoko Miyo, Yave Mulukwaanyu, ti Muluku a ehace. Miyo kinaattaruxa anamwane niwoko na soottheka sa asitithaya mpaka ekhapira yanaararu ni yanaaxexe ya yaawo ankithanya.

Okhuma 34:14

Muhilaperu miluku sikina, niwoko Yave, mwa yoowo Nsinanawe ti Ehace, Owo ti Muluku a ehace.

Yeremiya 32:34

Aahiiriha Empa enkuxa Nsinanaka, ehelakamo icaambulo sa milukusaya sa mwiikho.

Yeremiya 7:30

Muloko wa oYuda woopaka soonanara vamaithoniwaka, onghima Yave. Wookhaliha milukusaya sa mwiikho Mpaani erino Nsinanaka oveihaka yeeyo.

Ezekiyeli 1:1

Vanihukuni nanaathanu na mweeri wanaaxexe wa eyaakha yanaamiloko miraru, ni miyo kireene eriyari ya anamatthukiwa muxerexere mooloko Kebari, yaahuleya erimu ni miyo kaahoona nyoonelo sa Muluku.

Ezekiyeli 10:3

Vano akerubini* yaari mpatta wa ohitto wa Empa ya Yave mulopwana aavolowaawe, ni nihutte naasareya vanipuwani na mpuwa.

Ezekiyeli 11:1

Vano Munepa waakeemexa, onakirongha vamulako wa Empa ya Yave owenghe mpatta ninkhuma nsuwa. Iwe, vamulako yaakhala asilopwana miloko miili naathanu ni eriyaraayasa kaamoona Yaazaniya, mwaana mulopwana a Azuri, ni Pelateya, mwaana mulopwana a Benaya, ahooleli a muloko.

Ezekiyeli 11:24

Vano Munepa wa Muluku waakeemexa, ni mmooneloni, waakirongha wa yaale yaaronghiwe wootthukiwani oBabiloniya. Hiiho, moonelo kaarinaaka, waamala,

Ezekiyeli 2:9

Vano kaaweha kinoona ntata na mukina kitheteeliweene. Mmwe naakhala nikwakhwala na elivuru,

Ezekiyeli 3:12

Vahoolowaya, Munepa waakittukhula, kiniiwa okhuwelaxiwa ottuliwaka ntoko ha:” Ovuwa wa Yave ottottopeliwe omankaawewo!”

Ezekiyeli 3:14

Vano Munepa waakittukhula onakivenxawo, munepaaka othanananxeene ni owaawanxeene musarani, ntata noolipaxa na Yave nreene mwa miyo.

Ezekiyeli 37:1

Ntata na Yave naari ni miyo, ni mwa Munepaawe, Owo aakirongha mureyareyani noosareya makhuva.

Ezekiyeli 40:2

Mmooneloni wa Muluku, Owo aakikunxe elapo ya oYixrayeli ni aakiikaathi vamwaakoni woorakamela osulu, mwa yoowo mpattaaya wa ohitto, saakhala impa saalikana ni esidade.

Ezekiyeli 43:5

Vano Munepa waakeemexa, onakirongha munipuwani na mpuwa, ni ovuwa wa Yave waasareya Mpaani mwa Muluku.

Ezekiyeli 43:8

Awosa yiikaathiyaaya yoonyikalelaaya vakhiviru wa yoonyikalelaaka ni isereemusaya vakhiviru wa isereemusaka, ereene exiri emoha paahi yaakawanyiha eriyari ya Miyo ni yaawosa, yaavaliha Nsinanaka Nootteela ni soopakasaya soohiira. Tivawo kaaphwantaaka musaranimwaka.

Ezekiyeli 5:11

Vanonto, kinlipela mwa okumaaka, onghima Yave onlamula sootheene, mweenre mvaliha Nipuronaka Nootteela* ni icaambulosanyu soothanyeya ni soopakasanyu soohiira, Miyo kinoovenxa mareelihowaaka. Nkoomorelani ikharari hata nkiwuurelani.

Ezekiyeli 7:20

Awosa yaahakalalela axiveevaaya ooreera, ni yaavarela muteko woopakela milukusaya soohiira ni icaambulosaya sa mwiikho. Tivawo kineeraaka kaatatuxere itthu iyo soohitteelasaya.

Ezekiyeli 8:5

Vano Owo aakeerela: “Mwaana a mutthu, ngwehe mpatta wa ottuttuwani.” Miyo kaaweha, kinoona mpatta wa ottuttuwani, muxerexere wa mulako vakhiviru wa altaari* ecaambulo entannya ehace ya Muluku.

Ezekiyeli 9:2

Kaawoona asilopwana athannamosa yaarweela vamulako mutokweene, owenghe mpatta wa ottuttuwani, khula mutthu amvarenleene kapwitthi oomwiivano. Aakhala mulopwana aari ni yaawosa awanreene sa eliinyu* yoopindeleliwa nihoottha na namalepa noopakiwa ni exapala muyuununi. Awosa yaavolowa, eneemela muxerexere altaari* a ebronze*.

Daniyeli 10:10

Woottharelana ntata naakivarela nnakikokhoriha nikivarenleene kithukumelaka.

Daniyeli 10:18

Emaara ekinatho yoole aalikana ni mutthu aakitava, anakivaha ikuru.

Daniyeli 5:5

Wootutuxereya ntata na mutthu naahooneya nilepaka vaxirini mpatta woowooneyaxa mpaani mwa emwene. Mwene aahoona ntata nlepaka.

Miteko 8:39

Ekhumaka mmaahini, Munepa wa Apwiya waamukuxa Filipe woowaakuveya, ni mulopwana ole khaamoonnetho. Wa soothesene, aapwaherera mukwahaawe asareiyeene ni ohakalala.

Deuteronomiyo 32:16

Awosa yaatannya ehace ya Muluku niwoko na milukusaya sikina enamunyoonyiha ni icaambulosaya sa mwiikho.

Deuteronomiyo 32:21

Yaakitannyera ihace ni seiyo sihikhanle miluku ni yaakinyoonyiha ni icaambulosaya soohimuteko. Kinimwaatannyerela ihace kithanlaka muloko mukina ohikhanle muloko wa ekhaikhai; kinimwaanyoonyeriwa kithanlaka muloko woohimiruku.

Deuteronomiyo 4:24

Vano, Yave Mulukwaanyu ti mooro onlaliha; Muluku a ehace.

Deuteronomiyo 5:9

Muhikokhorele seiyo naari muhilape, niwoko Miyo, Yave Mulukwaanyu, ti Muluku a ehace. Miyo kinaattaruxa anamwane niwoko na soottheka sa asitithaya mpaka ekhapira yanaararu ni yanaaxexe ya yaawo ankithanya.

Deuteronomiyo 6:15

niwoko Yave Mulukwaanyu ori variyariwanyu ti Muluku a ehace ni isarasawe nsoopattelaseni ni Owo onimoophwatasani mulaponi.

Yoxuwa 24:19

Yoxuwa aaweerela atthu: “Nyuwosa khamulikanenle omurumeela Yave. Owo ti Muluku ootteelaxa ni a ehace. Owo khalevelela ovaanyawanyu ni yootthekaanyu.