Ezekiyeli 7:7 - Emakhuwa Bible

⁷ Nthorihelo nohoophiyerelani nyuwo munkhala mulaponi. Yoophiyera ehuhu, nihuku nookhuveela; wookhala orukureereya muru ohikhanle ohakalala mmanyaakoni.

Ezekiyeli 7:7 Iomraidhean Croise

Epacerero 19:15

Oxaaka, andyelo yaamunyeserera Loti, yeeraka: “Mwaakuveke, mwaakuxeke amwaarinyu, ni anamwaniinyu eeli weera muhikhwe Yave aattaruxaka esidade ela.”

Epacerero 19:24

Vano Yave muneenaawe aarupihela oSodoma ni oGomora enxofre ni mooro okhumelelaka wiirimu.

Yesaya 13:22

aKusupa animwiipa vanipuroni noolipaxa na oBabiloniya ni akhwatte mpaanimwaya sitokotoko sooreeraxa. Ehuhuwaaya eneera emalaka ni mahukwaya khaampwahererihiwatho.

Yesaya 16:10

Ohakalala ni otteela murima woovenxiwa mmatta; khawoworu oniipa hata onkhuwela mmatta mwa iwuuva*; khawoworu onaama iwuuva* mmattankhini, niwoko koomaliha okhuwelawaya wa ohakalala.

Yesaya 17:14

Ohiyu – woova wootutuxereya! Ohinaaye oxa awosa anoopwaha! Wu ti ommaleloni wa yaale annihuhula, wa yaale aniiya.

Yesaya 22:5

Namalamula, Yave a ikuru sootheene oothanla nihuku na munyakunyaku, onyikalasiwa ni woovaxa vaNreyareyani na Moonelo; nihuku na omoroxa ixiri ni okhuwelela ekhavihero nyaako.

Yeremiya 20:7

Ii! Yave, Nyuwo mookilokottha ni koolokottheya ni Nyuwo; Nyuwo mwaari a ikuruxa okipwahaxa miyo ni moowina. Miyo kintthebwiwa mahuku ootheene; ootheene anookitheya.

Yeremiya 50:27

Ngwiivakase amiravowaaya ootheene! Awosa erowase owiiviwani! Ii! Wa yaawosa! Nohaaphiyera nihukunaya, ehuhu ya ottaruxiwawaya.

Ezekiyeli 12:28

Vano mwaaleelase weera Yave onlamula sootheene oneera ha: ‘Khaawoworu maswaaka eniipisetho weereya; sootheene kineeraaka kihime, sinookwanihereya, onghima Yave onlamula sootheene.’ ”

Ezekiyeli 30:3

Vano, nihuku nookhuveela, nihuku na Yave nookhuveela; nno nnikhale nihuku na mahutte, ehuhu ya othorihiwa wa miloko.

Ezekiyeli 7:12

Yoophiya ehuhu, noophiyera nihuku. Namathuma ahitthape hata namathumiha ahithanane, niwoko isarasaka soosareela munakupani moothemwene.

Yoweli 1:15

Ii! Nihuku nno! Vano nihuku na Yave nookhuveela ni nnimoowa ntoko ophwata wooweraxa wa Muluku a ikuru sootheene.

Amosi 4:13

Yoowo ompaka nyaako, ompattuxa epheyo ni onimusuweliha mutthu soowuupuwelasawe, yoowo ontatuxa ekamaama ya oxa epiphi, ni onnyikala nyaako sa mulaponi –Nsinanawe ti Yave, Muluku a ikuru sootheene!

1 Pedru 4:17

Vano, yoophiya ehuhu weera opacere othoriha Empa ya Muluku. Ni, othoriha wapacera ni hiyo, eniikhale emalihero heeni ya yaawo ahiniiwelela masu ooreeraxa a Muluku?