Ezekiyeli 7:3 - Emakhuwa Bible

³ Vano ommaleloni ori mwa nyuwo, ni Miyo kinimooyeeherani isarasaka. Kinimoottaruxani kittharihaka mweettelowaanyu, ni kinimootthuvelelani soopakasanyu soohiira.

Ezekiyeli 7:3 Iomraidhean Croise

Epacerero 6:13

Tivawo Muluku aamweerenlaawe Nowe: “Koolakela waaphwata atthu ootheene, niwoko elapo ya vathi yootheene yoosareya nipuheronaya. Vekhaikhai, kinimwaaphwata vamoha ni elapo yootheene.

Yesaya 47:7

Mweenre: ‘Kinoopwaherera wa mahuku ootheene ntoko pwiyamwene oohimala!’ Mene nyuwo khamwaatthokelenle hata khamuupuwenle seera seereye.

Yeremiya 13:14

Kinimwaanyaanya kaathataanyeraka mpaka asitiithi ni anamwanaaya asilopwana, onghima Yave. Hata ikharari hata murima wooreera naari osivela khookikhoottiha waaphwata.’”

Ezekiyeli 11:21

Vaheera wa yaawo murimaaya wuuramenle icaambulosaya soohiira ni milukusaya soothanyeya, kinoomoroxela mmurumwaya yeele apakansaaya, onghima Yave onlamula sootheene.”

Ezekiyeli 16:38

Miyo kinimoothorihelani nttaruxo alakeleliwaaya asithiyana anraruwa ni angyeeha ephome; kinoowiinlelelani ikukuttula sa ephome ya isarasaka ni onyoonyiwa ontannyeriwa ni ehacaaka.

Ezekiyeli 16:43

Mweenre muhuupuwelela mahuku a emiravowaanyu mutannyaka isarasaka ni itthu sootheene iya, woohihovela kinoomoroxela mmurumwanyu yeeyo mpankaanyu, onghima Yave onlamula sootheene. Nyuwo mohaandyeerera ohiroromeleya ni soopakasanyu sikina sootheene iya.

Ezekiyeli 16:59

“ ‘Yave onlamula sootheene oneera ha: Miyo kinimoopakelani yeeyo mphwanenlaanyu, niwoko nyuwo moonyoosa nlipelonaka woonanarihani wiiraana.

Ezekiyeli 18:30

Ii! Muloko wa oYixarayeli, vanonto Miyo kinimoothorihasani, khula mutthu kimuttharihelaka mweettelowaawe, onghima Yave onlamula sootheene. Murukunxe murima! Muhiye soonanarasanyu sootheene weera yoottheka ehoomoroxeni.

Ezekiyeli 21:25

Ii! Mwaana a mwene oohiira ni ootakhala a oYixrayeli, mwa yoowo niphiyenre nihukunawe ni ehuhu ya ottaruxiwawawe,

Ezekiyeli 22:31

Tivawo kineeraaka kaayeeherase isarasaka ni kaalalihe ni onyoonyaxiwawaka woovarela; koottaruxelakani yoonanara opankaaya,’ onghima Yave onlamula sootheene.”

Ezekiyeli 24:14

Miyo, Yave, kohuuluma. Yoophiyera ehuhu kineeraaka kivare muteko. Nkikhurunuwa; nkimorela ikharari, hata nkihiyerera. Nyuwo mmwithorihiwe ottharihiwaka mweettelowaanyu ni mitekosanyu, onghima Yave onlamula sootheene.’ ”

Ezekiyeli 33:20

Vanonto, ii! Muloko wa oYixrayeli, nyuwo muneera: ‘Ephiro ya Apwiya kheehiyono yoororomeleya.’ Vaheera, Miyo kinoomuthoriha khula mutthu kittharihaka mweettelowaawe.”

Ezekiyeli 36:19

Miyo kaahaamwaraxela eriyari ya miloko ni awosa aamwareelamo; Miyo kohaathoriha kittharihaka mweettelowaaya ni ipakelosaya.

Ezekiyeli 5:12

Mpatta wanaararu wa mulokwaanyu oniwiiviwe ni nihooxo hoye hoye onuuriheye mutalani mpuwa mwa ixirisanyu; mpatta wanaararu mukina oniwiiveliwe ekatana mukerekhere wa esidade; ni mpatta mukinoowo kinoomwaraxela mipatta sootheene sa mpheyoni kitthareleleke kivarenleene ekatana.

Ezekiyeli 5:13

Hiiho isarasaka sinoomala ni waanyoonyeriwawaka onookhurunuwa, ni kinimwiinleliwa ikukuttula. Saamalenleene isarasaka, anoosuwela weera ti Miyo, Yave, kuulumme munthitinimwaka.

Ezekiyeli 7:2

“Mwaana a mutthu, Yave onlamula sootheene oneerela ha muloko wa oYixrayeli: ‘Woophiya ommaleloni! Woophiya ommaleloni wa mattuumba maxexe a elapo ya oYixrayeli.

Ezekiyeli 7:27

Mwene aniikhupanyere, mwaana mulopwana a mwene anaawarele ikuwo sa olalamika, ni matata a muloko wa mulaponi eniithukumele. Kinimwaapakelasa yeeyo mweettelowaaya omphwanelaaya, ni kinimwaathoriha kittharihaka moota wa okhalawaya. Hiiho eniisuwele weera Miyo ti Yave.’ ”

Ezekiyeli 7:4

Nkoowehani ni ikharari hata nkiwuurelani; vekhaikhai Miyo kinimootthuvelelani mweettelowaanyu ni soopakiwa soohiira eriyaraanyu. Hiiho, nyuwo munoosuwela weera Miyo ti Yave.’

Ezekiyeli 9:10

Vano wa mpattaaka Miyo nkaawehasa ni ikharari hata nkiwuurelaru, vaheera kinimwaamoroxela mmurumwaya yeeyo apakansaaya.”

Hoxeya 12:3

Aavarela etthottopwa ya munneiye areene mmirimani mwa amayawe; areene mulopwana aawana ni Muluku.

Amosi 8:2

Owo aakeerela: “Amosi munoonani?” Vano miyo kaamwaakhula: “Kinoona mpapara wa ifiigu soowiitthwa.” Vano Owo aakeerela: “Woophiya ommaleloni wa aYixrayeli, mulokwaaka; nkuurelatho.”