Ezekiyeli 3:12 - Emakhuwa Bible

¹² Vahoolowaya, Munepa waakittukhula, kiniiwa okhuwelaxiwa ottuliwaka ntoko ha:” Ovuwa wa Yave ottottopeliwe omankaawewo!”

Ezekiyeli 3:12 Iomraidhean Croise

Miteko 8:39

Ekhumaka mmaahini, Munepa wa Apwiya waamukuxa Filipe woowaakuveya, ni mulopwana ole khaamoonnetho. Wa soothesene, aapwaherera mukwahaawe asareiyeene ni ohakalala.

Ezekiyeli 8:3

Owo aahookola etthu yaalikana ni moono, anakivara mayihi. Munepa waakittukhulela eriyari ya etthaya ni erimu. Munyooneloni sa Muluku, Owo aakirongha oYerusaleemu, mpaka vamulako wa mpatta wa ottuttuwani wa nipuwa na mpuwa, mwa mwemmo yiikaathiwaayamo ecaambulo entannyera ehace ya Muluku.

Ezekiyeli 11:1

Vano Munepa waakeemexa, onakirongha vamulako wa Empa ya Yave owenghe mpatta ninkhuma nsuwa. Iwe, vamulako yaakhala asilopwana miloko miili naathanu ni eriyaraayasa kaamoona Yaazaniya, mwaana mulopwana a Azuri, ni Pelateya, mwaana mulopwana a Benaya, ahooleli a muloko.

Miteko 2:2

Wootutuxereya waarweela wiirimu oruma ntoko wa ettheku, ni waasareya empa yootheene ale yaakilaathiyaaya.

Ezekiyeli 3:14

Vano Munepa waakittukhula onakivenxawo, munepaaka othanananxeene ni owaawanxeene musarani, ntata noolipaxa na Yave nreene mwa miyo.

Ethupululo 19:6

Kaahiiwa etthu yoolikana ni onyakula wa atthu ancipale, yoolikana ni oruma wa maahi mancipale ni itari sitokotoko, ekhuwelaka: “Haleluya*, niwoko Apwiya Mulukwaahu a ikuru sootheene anlamula.

Ethupululo 1:15

Inaawosawe saari ntoko eyuuma yoowiitthwaxa vamooroni, ni nsunawe ntoko oruma wa maahi mancipale.

Ethupululo 1:10

Munihukuni na Apwiya, kaahiiphwanyera mMunepani, ni kaahiiwa ottuliwaka nsu ntokweene ntoko nipalapatta,

Ezekiyeli 10:4

Hiiho ovuwa wa Yave waakhumelela vasulu akerubini*, onasuseerela vamulako wa Empa ya Yave. Nihutte naasareya Empa ya Muluku ni nipuwa naasareya waara wa ovuwa wa Yave.

Ezekiyeli 9:3

Vanonto ovuwa wa Muluku a oYixrayeli waakhumelela vasulu wa akerubini*, waakhalaayawo ni vaavaawo anasuseerela vamulako wa Empa ya Yave. Yave aamwiitthana mulopwana aawanre sa eliinyu* ni yoopindeleliwa nihoottha na namalepa muyuununi,

Ezekiyeli 2:2

Uulumaawe, Munepa waakivolowa, onakeemexa, kinamwiiwa yoole aakuulumano.

Yesaya 6:3

Awosa yaamukhuwelelana, yeeraka: “Ootteela, ootteela, ootteela ti Yave a ikuru sootheene; elapo yootheene yoosareya ovuwawawe.”

Icipo 148:2

Munttottopele Yave nyuwosa andyelowaawe ootheene; munttottopele Yave nyuwosa anakhottwaawe ootheene a wiirimu.

2 Mamwene 2:16

Awosa yaamweerela: “Moone, hiyo arumeiyaanyu nookhalano asilopwana miloko mithanu oolipa. Awosa eroweke yamwaasaaseke pwiiyaanyu. Apaale Munepa wa Yave woomukuxa, onamuhiya vamwaako hoye hoye vareyareyani nikina.” Elixa aawaakhula: “Hoye. Muhaarumihe.”

1 Mamwene 18:12

Nkisuwenle woowi Munepa wa Yave oneeraaya woorongheni miyo koohiyakani. Miyo karowa omuleela yeeyo Ahabi ni owo aahoophwanyani, onookiiva. Miyo kiri murumeiyaanyu kinnamutthapela Yave okhuma emirawaaka.

Ezekiyeli 3:11

Vano murowe wa axunninyu aronghiwe wootthukiwani ni mwawuulumane. Mwaaleele, hata yiiwe, ehiiwe: Yave onlamula sootheene ti oohimala.”

Icipo 26:8

Yave miyo kinnasivela nipuro munkhalaanyuwo, mwa weiwo onkhalaayawo ovuwawanyu.

Ezekiyeli 43:4

Ovuwa wa Yave waavolowa Mpaani mwa Muluku, oviraka vamulako waari mpatta ninkhuma nsuwa.

Ezekiyeli 43:5

Vano Munepa waakeemexa, onakirongha munipuwani na mpuwa, ni ovuwa wa Yave waasareya Mpaani mwa Muluku.