Ezekiyeli 22:2 - Emakhuwa Bible

² “Mwaana a mutthu, munoothoriha? Nyuwo munoothoriha esidade ela yoosareya ephome? Vano ngwuupuxere soohiira sootheene yaapankaaya

Ezekiyeli 22:2 Iomraidhean Croise

2 Mamwene 21:16

Manaxe aayeehatho ephome yincipale yoohinthowa moota wooweera yaasareya oYerusaleemu wootheene. Ohiya yeeyo, aahaatthekiha aYuda aapakihaka soonanara vamaithoni wa Yave.

Yesaya 58:1

“Mukhuwele ni nsu ntokotoko, muhihovelaka! Murumihe nsunanyu ntoko nipalapatta. Mulaleere mulokwaaka ovaanyawaya ni wa ekhapira ya Yakobe sootthekasaya.

Yeremiya 2:30

“Khoovareleiye muteko ottaruxa mulokwaanyu, awosa khayaakhulenle olakiwa. Ekatanaaya yohaaphwata maprofeetaanyu ntoko mwatto oonyaanyaxa.

Yeremiya 2:34

Soowarasanyu soophwanyaniwa ephome ya atthu oohaawa oohinthowa, ahiphwanyeriwe enanarihaka impa. Wa soothesene, orookhalaru hiiho,

Ezekiyeli 11:6

Nyuwosa khamureere owiiva atthu ancipale a esidadeene yeela ni mmisewenimwaya moosariha mittembo.

Ezekiyeli 20:4

Mwaana a mutthu, munimwaathoriha? Munimwaathoriha? Vano, ngwuupuxere soohiira yaapankaaya asitithaya.

Ezekiyeli 22:1

Yave aahuuluma ni miyo eeraka:

Ezekiyeli 22:3

ni mweere: ‘Yave onlamula sootheene, oneera ha: Ii! Esidade, yiiruuhenle nthorihelo wooyeeha ephome eriyaraaya ni woowiivaliha epakaka miluku,

Ezekiyeli 24:6

Niwoko Yave onlamula sootheene oneera ha: Ii! Esidade yoosareya ephome, esupuriya erino murawa, mwa yeeyo mavovowaaya eneera ehimale! Mwiitthe muruulaka entthuri entthuri muhithanlaka.

Ezekiyeli 24:9

Tivawo Yave onlamula sootheene oneeraawe ha: Ii! Esidade yoosareya ephome! Miyotho kinimuukelela ikhuuni, aani ikhuuni sincipalexa.

Ezekiyeli 9:9

Owo aakaakhula: “Sootakhala sa amaki a oYerusaleemu ni muloko wa oYuda, sohaattaxa; etthaya yoosareya ephome yooyeehiwa, ni esidade yoosareya soohiroromeleya. Awosa aneera: ‘Yave oothaama mulaponi; Yave khannoona.’

Hoxeya 4:2

Anooneya paahi malapho, wootha ni wiivaniwa, wiiyeraniwa, oraruwelaniwa; iyo soopwaha nyiinano sootheene! Oyeehiwa wa ephome wootepaxa.

Nahumi 3:1

Ii! Onoohaawa weyo, esidade yoosareya ephome, soowootha ni soohuhula. Mahuku ootheene sinoosareya mittembo.

Matheyo 23:35

Ni hiiho, ephome yootheene yoororomeleya evuuviheriwe vatthayani, eniyoothoonyereni nyuwo, okhuma ephome ya Abeli oororomeleya mpaka ephome ya Zakariya, mwaana a Barakiya, yoole nyuwo mmwiivalaanyu eriyari ya Empa ya Muluku ni altaari*.

Matheyo 27:25

Atthu ootheene yaamwaakhula: “Ephomaawe Ola eniriheele hiyo ni anamwanaahu.”

Luuka 11:50

Tivawo ekhapira ela eniikhalihiwe ni mulattu wa ephome ya maprofeeti ootheene eyeehiwe okhuma ompacereroni wa elapo ya vathi:

Miteko 7:52

Mprofeeti heeni makholowaanyu ahimusoondalaaya? Yaawiiva yaale yaahima sa orwa wa Oororomeleya, mwa Yoowo nyuwo vano mootatuxiwa anamavarihaawe ni anamwiivaawe.

1 Timootheyo 5:20

Yaawo anttheka, ontthuneya waattaruxa, mwaatthuni weera akristu akina yoove.