Ezekiyeli 2:3 - Emakhuwa Bible

³ Owo aakeerela: “Mwaana a mutthu, kinimoorumihani wa aYixrayeli, muloko woovaanya mwa yoowo okivaannye; awosa ni makholowaayeene ankivaanya mpaka olelo va.

Ezekiyeli 2:3 Iomraidhean Croise

2 Mamwene 17:14

Wa soothesene, khayaatthunne owiiwa ni yaari oottiyamaaru ntoko makholowaaya, mwa yaale yahaamuroromenle Yave Mulukwaaya.

2 Mamwene 17:15

Yaakhootta ikanosawe ni wiiraana aapankaawe ni makholowaaya nitho soowoopererasawe. Yaatthara miluku soohimuteko ethatuwaka asineenaaya oohimuteko. Yaatakiha miloko saarukureenre, Yave aarooweerelaru: “Muhitakihe.”

Ezera 9:7

Okhuma mahuku a makholowaahu mpaka olelo nthowanahu nohunnuwaxa. Niwoko na sootthekasahu hiyo, mamwenaahu ni asaserdoti* nohinnyereriwa mmahooxoni a ekatana, wootthukiwani, moohuhuliwani ni oyevihiwa mmatatani mwa mamwene a ilapo sikina, ntoko eneereyaaya olelo.

Nehemiya 9:26

Wa soothesene, yaari oohiiwelela yoovaanyakani. Yaarera ettuli Nlamulonanyu. Yaawiiva maprofeetaanyu, mwa yaawo yaawooperera weera yoohokoleeleni Nyuwo. Yaapaka sootakhala sitokotoko.

Icipo 106:28

Yaahiixinnyerera wa Bahali* a oPeyori enaca sooveleela saavahiwe miluku sookhwa.

Yesaya 30:1

“Ii! Wa anamwane oottiyamaaru,” onghima Yave, “Ii! Wa yaale ankwanihera soowuupuwela sihinrweela wa Miyo; yaale aniiwanana kihaakhulenle, yaandyeereraka sootthekasaya.

Yeremiya 1:7

Mene Yave aakeerela: “Muheere: ‘Kiri mmiravo paahi,’ mene murowe wa ootheene miyo kineeraaka koorumiheleni ni mwahime sootheene kineeraaka koolamuleleni.

Yeremiya 3:25

Niixaatalele oowuulihiheyeene muru ni omora ekhove onikhuneele. Noomutthekela Yave Mulukwaahu – hiyo nitho makholowaahu; okhuma enamwanaahu mpaka olelo khanimwiiwelenle Yave Mulukwaahu.”

Yeremiya 36:2

“Mukuxe nikwakhwala ni mulepemo masu ootheene kooleenlaakani mwaha wa Yixrayeli ni Yuda ni wa miloko sootheene, okhuma kipacenraaka wooleelani moolamulani wa Yosiya, mpaka olelo.

Yeremiya 44:20

Vano Yeremiya aaheerela muloko wootheene, okhuma alopwana mpaka asithiyana yaamwaakhula yoowo:

Yeremiya 44:21

“Ankha Yave? Owo khanuupuwelela erubani* ehisiwe ni nyuwo musidadeni ya oYuda ni mmiseweni sa oYerusaleemu ni makholowaanyu, ni muloko wa mulaponi? Weeraka Owo khanuupuwela yeeyo?

Yeremiya 7:2

“Mweemele vamulako wa Empa ya Yave ni mwalaleiyewo mutthenga ola: ‘Nyuwosa muloko wootheene wa oYuda mumvira mmilakoni iya weera munttottopele Yave, mwiiwe masu a Yave.

Ezekiyeli 17:12

“Mweerele muloko woovaanya owo: ‘Nyuwo khamusuwenle etaphulelo ya itthu iya?’ Mwaaleelasetho ha: ‘Mwene a oBabiloniya aarowa oYerusaleemu anamurowano mwene a weiwo ni maneethaayeene, anaahokoloxera oBabiloniya vamoha ni yoowo.

Ezekiyeli 24:3

Muthalihere muloko woovaanya ola niphwanaphwaniho ni mwaaleelase weera Yave onlamula sootheene oneera ha: ‘Mwaapeye esupuriya weera evihe; mwaapeye weera evihemo maahi.

Ezekiyeli 40:4

Owo aakeerela: “Mwaana a mutthu, ngwehexexe nnenesene ni mukhale oolikaneene wiiwa, ni ngwehexexe nnenesene sootheene kineeraaka kiwoonihereni, niwoko muruuheliwe yeeyo. Muthalihere muloko wa oYixrayeli sootheene muneeraanyu moone.”

Amosi 7:15

Vaheera Yave ookivenxa vamutekoni, muxerexere muhuwo, anakeerela: ‘Murowe mwathalihere otthuna wa Muluku oYixrayeli, mulokwaaka.’

Malekiya 3:7

Okhuma ehuhu ya makholowaanyu, nyuwosa moohiya ikanosaka, muhiiwelelaka. Muhokoleele wa Miyo, ni Miyo kinoohokoleela wa nyuwosa,” oneera Yave a ikuru sootheene. “Vaheera nyuwosa munkoha: ‘Nnihokolowe hai?’”

Nuumeru 20:10

Moisesi ni Aharoni yaathukumanyiha muloko ohoolo wa mwala, ni Moisesi aaheera: “Mwiiwe anamavaanya, weeraka ontthuneya orika maahi vamwala weera noovaheeni?”

Miteko 7:51

Muloko woohiiwelela, woohiineliwa mmirimanimwanyu ni mmaarunimwanyu! Nyuwo munoolikana ni makholowaanyu – mahuku ootheene munnakhootta Munepa Wootteela!

aRooma 10:15

Ni eniilaleiye hai ehirumihiwe? Ntoko elempwalaaya: “Ti sooreeraxa inaawo sa yaale anlaleiya masu ooreeraxa!”

Deuteronomiyo 9:24

Okhuma vaavaale koosuwelaakani nyuwosa munnapwaherera omvaanya Yave.

Deuteronomiyo 9:27

Ngwuupuwelele arumeiyaanyu Abrahaamu, Isaki ni Yakobe. Muhiwehe ottiyamaaru wa muloko ola, yootakhala ni yootthekaaya.