Ezekiyeli 12:2 - Emakhuwa Bible

² “Mwaana a mutthu, nyuwo munkhala eriyari ya muloko woovaanya. Awosa aakhalano maitho oowoonela, mene kaanoona, ni maaru oowiiwela, mene khaaniiwa, niwoko ari anamavaanya.

Ezekiyeli 12:2 Iomraidhean Croise

2 Mamwene 17:14

Wa soothesene, khayaatthunne owiiwa ni yaari oottiyamaaru ntoko makholowaaya, mwa yaale yahaamuroromenle Yave Mulukwaaya.

2 Mamwene 17:15

Yaakhootta ikanosawe ni wiiraana aapankaawe ni makholowaaya nitho soowoopererasawe. Yaatthara miluku soohimuteko ethatuwaka asineenaaya oohimuteko. Yaatakiha miloko saarukureenre, Yave aarooweerelaru: “Muhitakihe.”

Icipo 78:40

Imaara sincipale yannamuvaanya munikareni, emuthananihaka mweelaponi ya meekhaaya!

Yesaya 1:23

Anamalamulaanyu ari anamavaanya aneetta vamoha ni anamwiiya; awosa ootheene ansivela makhwankwa yaasaasaka soovahiwa. Awosa khaanaakiha soophwanela sa akwaasuni ni khaanaasaasa osuwela mulattu wa asinaamukhweli.

Yesaya 30:1

“Ii! Wa anamwane oottiyamaaru,” onghima Yave, “Ii! Wa yaale ankwanihera soowuupuwela sihinrweela wa Miyo; yaale aniiwanana kihaakhulenle, yaandyeereraka sootthekasaya.

Yesaya 30:9

Muloko owo ti woovaanya, anamwane oowootha, anamwane ahintthuna wiiwelela ikano sa Yave.

Yesaya 43:8

Muruuhe muloko orino maitho, mene ohoonaka; maaru, mene ohiiwaka.

Yesaya 44:18

Awosa khaansuwela etthu, khaaniiwexexa etthu; maithowaaya aakhuneeleya weera ehoone ni soowuupuwelasaya soowaleya weera ehiiwexexe.

Yesaya 6:5

Kaakhuwela: “Maayi miyo! Miyo kooriheya! Niwoko kiri mutthu a eyano yoohitteela ni kinkhala variyari wa muloko wa iyano soohitteela, ni vano maithwaaka aamoona Mwene, Yave a ikuru sootheene!”

Yesaya 65:2

Mahuku ootheene kootheteela matata muloko woottiyamaaru, mwa yoowo oneetta mphironi yoonanara ni onaasa soowuupuwelasaya paahi.

Yeremiya 4:17

Awosa anrica oYerusaleemu ntoko asilopwana anlipelelaaya ematta, niwoko esidade eyo yookivaanya Miyo,’ ” onghima Yave.

Yeremiya 5:21

Mwiiwe yeeyo muloko wa ololo ni woohimiruku orino maitho, ohoonaka ni maaru, ohiiwaka:

Yeremiya 5:23

Vaheera muloko owo ti woowuuma murima ni wa ettiyamaaru; owo woosusa, onapwaha.

Yeremiya 7:26

Vaheera awosa khayaakiiwale hata khayaakipwantthe. Yaari oottiyamaaru ni yaapaka soonanara waapwaha makholowaaya.’

Ezekiyeli 12:1

Yave aahuuluma ni miyo moota ola:

Ezekiyeli 12:25

Vaheera Miyo Yave, kinimuuluma yakhalaru kintthunaaka ni ohilekenleene, eyo enookwanihereya. Ii! Muloko woovaanya, mmahukunimwaya kinookwanihera sootheene kineeraaka kihime, onghima Yave onlamula sootheene.’ ”

Ezekiyeli 17:12

“Mweerele muloko woovaanya owo: ‘Nyuwo khamusuwenle etaphulelo ya itthu iya?’ Mwaaleelasetho ha: ‘Mwene a oBabiloniya aarowa oYerusaleemu anamurowano mwene a weiwo ni maneethaayeene, anaahokoloxera oBabiloniya vamoha ni yoowo.

Ezekiyeli 2:3

Owo aakeerela: “Mwaana a mutthu, kinimoorumihani wa aYixrayeli, muloko woovaanya mwa yoowo okivaannye; awosa ni makholowaayeene ankivaanya mpaka olelo va.

Ezekiyeli 24:3

Muthalihere muloko woovaanya ola niphwanaphwaniho ni mwaaleelase weera Yave onlamula sootheene oneera ha: ‘Mwaapeye esupuriya weera evihe; mwaapeye weera evihemo maahi.

Ezekiyeli 3:9

Eyuucaanyu kinootatuxa yoolipaxa opwaha maluku, aani opwaha mwala woolipaxa. Muhiwoove, hata muhitteenguwe mwaawoonaka, arookhalaru muloko woovaanya.”

Ezekiyeli 44:6

Muleele ha muloko woovaanya wa oYixrayeli: ‘Yave onlamula sootheene, oneera ha: Ii! Muloko wa oYixrayeli, sookwana soopakasanyu soohiira!

Marku 4:12

weera: ‘hata yoonaka, khaanoonexexa, ni yiiwaka, khaaniiwexexa, weera ehirukunxe murima ni ehileveleliwe.’

Luuka 8:10

Owo aaweerela: “Wa nyuwo moovahiwa esuwelo ya ixiiri sa omwene wa Muluku, mene wa akina Miyo kinnaaleela ni soolikanyiha weera: “yoonaka, khaanoona, ni yiiwaka, khaaniiwexexa.”

Yohaane 12:40

Aatatuxa oohoona maithwaaya ni ahuumiha mirimasaya weera ehoone ni maithwaaya, hata ehiiwexexe ni murima, hata ehirukunxe mirimasaya, ni Miyo kihaalamihe.

2 aKorinto 3:14

Vekhaikhai, soowuupuwelasaya soowaliwa, niwoko mpaka olelo ecireemba eyo enkhala waasommwaka Wiiraana wa Khalayi. Kheevenxiwe, niwoko emvenxiwa mwa Kristu paahi.

awEfeso 4:18

Soowuupuwelasaya siri sooriipihiweene, ni awo aamwalamwaxiwa ni okumi wa Muluku niwoko na ohisuwela ori mwa yaawo onrweela wa wuuma mirimasaya.

Deuteronomiyo 29:3

Mwaahoona ni maithwaanyu woota murima otokotoko iwe ni ineneero sootikhiniheya sitokotoko.

Deuteronomiyo 29:4

Wa soothesene, mpaka olelo Yave khoovangheni soowuupuwela siniiwexexa hata maitho anoona naari maaru aniiwa.

Deuteronomiyo 31:27

Koosuwela moota mumvaanyaanyu ni ettiyamaarwaanyu. Nyuwosa mwaamvaanya Yave miyo kireene nlelo ni okumi kikhalaka ni nyuwo, ankha kaakhwaaka!

Deuteronomiyo 9:24

Okhuma vaavaale koosuwelaakani nyuwosa munnapwaherera omvaanya Yave.

Deuteronomiyo 9:7

Muupuwele yeeyo ni muhittiwale moota mwaantannyenraanyu isara Yave Mulukwaanyu munikareni. Okhuma nihuku mwaakhumalaanyu wExipitu mpaka ophiyawanyu nno nyuwosa moonttiyelamaaru Yave.