Exteri 8:14 - Emakhuwa Bible

¹⁴ Anamitthenga ewenleene ikavalu* saakuxiwe munikhoolani na mwene yaattimula woowaakuveya mwaha wa nlamulo na mwene. Ekano ele yaasuwelihiwatho musidadeni yoolipihiwaxa ya oSusa.

Exteri 8:14 Iomraidhean Croise

1 Mamwene 4:28

Yaakuxatho yaatthunaaya orowano – esevada* ni malaxi ooca ikavalu* seettiha ikaaro sa ekhotto ni ikavalu* sikina.

2 Nyaha 30:6

Munlamuloni na mwene, anamitthenga yaaviravira oYixrayeli ni oYuda wootheene, ekuxaleene ikaratta soottittiwa ni mwene nitho asitokweenaawe, ni mutthenga ola: “aYixrayeli, muhokoleele wa Yave, Muluku a Abrahaamu, Isaki ni Yixrayeli, weera Owo ahokoleele wa nyuwosa muhanle ni moopongwe mmatatani mwa mwene a wAsiriya.

Nehemiya 1:1

Masu a Nehemiya, mwaana a Hakaliya ti ala: Mmweerini oniitthaniwa Kisilevi, muyaakhani yanaamiloko miili, miyo kireene musidadeni yoolipaxa oSusa,

Exteri 1:2

Ehuhuweene yeele mwene Ahaxeveroxi aalamula akilaathenleene ehicaawe ya emwene musidadeni yoolipihiwaxa ya oSusa.

Exteri 2:3

Mwene aathanleke asitokweene mweelaponi sootheene sa omwenaawe weera emuruuhele asimwali ooreeraxa awo wa empa ya axaara a mwene musidadeni yoolipihiwa ya oSusa. Awosa ewehawehiweke ni Hegai, enoko* ya mwene onaawehaweha asithiyanaawe ni ephwanelihiweke.

Exteri 3:13

Ikaratta saarumiheliwe ilapo sootheene sa mwene ni anamitthenga silamulelaka waamaliha ni waahoonona woomalela aYuda ootheene – amiravo ni asitokweene; asithiyana ni anamwane. Eyo yaatthuneya opakeya nihuku nimoharu, nri nihuku nanaamuloko ni mararu na mweeri wanaamuloko ni miili, oniitthaniwa Adari. Saalamulelatho weera ehuhuleliwe sooreelasaya.

Exteri 3:14

Ekaratta yaalempwale siweheriwaka sikina sa ekano ya Hamani waatthuneya osuwelihiwa ntoko nlamulo wa khula elapo sisuwelihiwaka miloko sootheene weera sikhale soolikaneene nihuku nno.

Exteri 3:15

Munlamuloni na mwene anamitthenga yaavenyasa woowaakuveya ni ekano yaalaleiwa musidadeni yoolipihiwa ya oSusa. Mwene ni Hamani yaakilaathi weera ewure; vaheera esidade ele yaari ni minyakunyaku.

Exteri 8:13

Ekaratta emoha ya ekano yaalempwale eweheriwaka sikina yaathalihiwa ntoko nlamulo wa khula elapo esuwelihiwaka miloko sootheene weera nihuku nno aYuda ekhale oolikaneene wiixaakiha ni amwiittanaaya.

Exteri 8:15

Mordekai aavenya vamaithoni wa mwene awarenleene sa emwene sa kanka ni sootteela, ecireemba etokotoko ya eyuuma yoorikaxa ni mukaandyo wookankela wa nliinya nootteettheya. Esidade ya oSusa yaatthapa ni ohakalala.

Namalaleiya 9:10

Yeeyo antthunaaya ovara matataanyu, mpakeke ni ikurusanyu sootheene, niwoko mmahiyeni munrowaanyumo, khoowoworu muteko hata yoovaanela; kheewoworu esuwelo naari miruku.

Daniyeli 8:2

Mmoonelonimwaka koonnaaka yaari ti ela: Kaari musidadeni yoolipaxa eniitthaniwa Susani, elapo ya wElami. Mmoonelonimwaka kaari mukerekhere mooloko Ulai.

1 Samuweli 21:8

Davide aamukoha Abimeleki: “Vaava nyuwo mookhalano nivaka hoye hoye ekatana? Nkirwaanne ekatana naari ikaphwitthi sikina niwoko mwene aakaakuvihiha.”