Exteri 7:3 - Emakhuwa Bible

³ Pwiyamwene Exteri aamwaakhula: “Kaaphwanenle ophwanya mahala wuuluma ni amwene ni eyo yoosivelihani, muurele okumaaka ni mulokwaaka. Yoovekaaka ni yootthunaaka ti yeela.

Exteri 7:3 Iomraidhean Croise

1 Mamwene 20:31

Asitokweenaawe yaamweerela: “Moone, nohiiwa weera mamwene a oYixrayeli ti a ikharari. Niroweke mpaka wa mwene a oYixrayeli niwanreene isaakho ni mikhoyi muxiko. Apaale anuurele okumaahu.”

2 Mamwene 1:13

Vanonto mwene aamurumiha mutokweene anaararu a anakhotto miloko mithanu vamoha ni anakhottwaawe omwaasa Eliya. Mutokweene ole aawela vanttumuxani, anamukokhorela Eliya, amudyoonttelelaka: “Dyoontte, mulopwana a Muluku, muureleke okumaaka ni okumi wa asilopwana miloko mithanu ala ari arumeiyaanyu!”

Exteri 4:8

Aamvahatho ekaratta yaalempwale siweheriwaka sikina ya ekano yuuluma sa ophwatiwa wa aYuda ni yaasuwelihiwe oSusa weera owo amoonihere Exteri. Mordekai aamuleela enoko* omunyesereriha Exteri weera aphiye vamaithoni wa mwene amudyoonttelelaka ni ikharari mwaha wa mulokwaawe.

Exteri 5:8

Amwene mwasivelihiwa ni miyo ni woosivelani wiiwa ni waakhulela yoovekaaka, nyuwo ni Hamani murwaase omaalo ofestani kineeraaka kooreherereleni. Vaavaawo kineeraaka kiwaakhuleni yookohaanyu.”

Exteri 7:7

Oonyoonyiweene mwene aavenya ahiyaka eviinyu, anarowa munttimbeni na empa ya mwene. Vaheera Hamani, asuwelaka weera mwene oolakela omwiiva, aahala vamoha ni pwiyamwene Exteri amudyoonttelelaka wuurela okumaawe.

Exteri 8:5

“Woosivelakani amwene, kaphwanya mahala vamaithoniwanyu ni muupuwela weera ti etthu ya ekhaikhai, mulepe nlamulo nikina nimalihaka nne muGagi Hamani, mwaana mulopwana a Hamedata, aalempaawe weera aYuda emalihiwe mweelaponi sootheene sa mwene.

Yobi 2:4

Satana aamweerela Yave: “Mutthu onoowera ovaha sootheene orinaawe mpaka erutthwaaweene, weera oopole okumaawe.

Yeremiya 38:26

vano mweere: ‘Kaakenle waadyoonttelela amwene weera ehikihokoloxeretho mpaani mwa Yonatani, weera kihikhwelemo.’ ”