Exteri 7:10 - Emakhuwa Bible

¹⁰ Hiiho Hamani aakhwela vanipuroni aamurehererenlaawe Mordekai omutthukelela kuleele. Vahoolowaya isara sa mwene saamala.

Exteri 7:10 Iomraidhean Croise

Epacerero 40:22

Vaheera aamutthukelela mmwirini mutokwene a anamooxa ipaawu, ntoko Yoseefe aataphulenlaawe.

Exteri 2:1

Eviraleene ehuhu, omukhurunungweene murima mwene Ahaxeveroxi, aamuupuwelela Vaxeti ni yeeyo aapankaawe nitho moota aalamulihalaawe aamalihalaawe mulattwaawe.

Exteri 5:14

Mwaarawe Zerexi ni asinthamwenaawe ootheene yaamweerela: “Mulamulele weera otekiwe wootthukeleliwa kuleele, orakamawaya imeetru* miloko miili niithanu ni oxeexeleru mwaavekele amwene weera Mordekai atthukeleliwewo. Vahoolowaya mwaahooleke amwene ofestani mutteeliweene.” Miruku saamusiveliha Hamani, analamulela otekiwa wootthukeleliwa kuleele.

Exteri 7:7

Oonyoonyiweene mwene aavenya ahiyaka eviinyu, anarowa munttimbeni na empa ya mwene. Vaheera Hamani, asuwelaka weera mwene oolakela omwiiva, aahala vamoha ni pwiyamwene Exteri amudyoonttelelaka wuurela okumaawe.

Exteri 7:8

Mwene ahokolowaka ottimbeni na empaawe avolowaka esaala ya efesta, aamoona Hamani uuwenleene vahiceni aaraawe Exteri amuuramenleene. Mwene aakhuwela: “Mulopwana ola, ohiya yeeyo opankaawe, ontthunatho ompuhera pwiyamwene vaatewaka!” Mwene amalihakaru wuuluma masu ale, anamalipelela yaakhuneela ekhove ya Hamani.

Exteri 8:7

Mwene Ahaxeveroxi aamwaakhula pwiyamwene Exteri ni Mordekai muYuda: “Eenre Hamani aawananaka aYuda, koomvaha vaatewawe Exteri ni koolamula weera owo atthukeleliwe kuleele.

Exteri 9:14

Mwene aalamula weera eyo epakiwe. Ekano yaalaleiwa oSusa ni mittembo sa anamwane asilopwana muloko a Hamani saatthukeleliwa kuleele.

Exteri 9:25

Wa soothesene, mwene asuwelakaru yeeyo, aalamulela mukarattani weera yoovaanela yoonanara ele ya Hamani wa aYuda emuhokoleele muneenaawe ni weera owo vamoha ni anamwanaawe etthukelelasiwe kuleele.

Yobi 18:8

Inaawosawe sinimphariha, ni onimweetta munraakhoni.

Yobi 20:8

Owo omvava, anavira ntoko oloha ohimphwanyiwaawetho, ommwareya ntoko moonelo wa ohiyu.

Icipo 37:15

Vaheera ikatanasaya sinimwaahoma asineenaaya ni nyuupasaya sinimwintakasiwa.

Icipo 7:16

Soonanarasawe sinoomuhokoleela; nipuheronawe nnoommorela muneenaawe.

Icipo 94:23

Owo onimwaamoroxela sootthekasaya ni onimwaaphwata niwoko na sootakhalasaya; Yave Mulukwaahu onimwaahonona.

Masu a Miruku 11:27

Yoowo onaasaasa mpuha onoophwanya murima wooreera; vaheera yoonanara enimurowela yoowo onaasa.

Masu a Miruku 11:8

Oororomeleya onoopowa mmakacamihoni, ni awo anthaamiheriwa wa mutakhali.

Masu a Miruku 26:27

Yoowo onthipa elakasa, onoomorelamo; mukina ompirikixa nluku, nno nnoomphirikeela muneenaawe.

Yeremiya 34:17

Vanonto, Yave oneera ha: Nyuwosa khamukiiwelenle; khamulaleiye otapuxa wa mukhwiinyu ni wa mwaattamanaanyu. Tivawo, Miyo kinlaleiyaaka otapuxeyawanyu, onghima Yave, aani, moota wa otapuxeya oneera owiiveeni mwa ekatana, mwa nihooxo ni mwa etala. Kinoopakiha weera nyuwosa mukhale etthu yoowoopiha wa omwene wootheene wa mulaponi.

Ezekiyeli 5:13

Hiiho isarasaka sinoomala ni waanyoonyeriwawaka onookhurunuwa, ni kinimwiinleliwa ikukuttula. Saamalenleene isarasaka, anoosuwela weera ti Miyo, Yave, kuulumme munthitinimwaka.

Daniyeli 6:24

Mwene aalamula weera asilopwana yaamoothenre Daniyeli moota woolokotheya eruuhiwe ni evonyeriwe munlittini na amwatto vamoha ni axaaraaya ni anamwanaaya. Awosa ehinaaye ophiya vathi, amwatto yaahaakaphula, enapwexakasa makhuvaaya ootheene.

Daniyeli 6:25

Vano mwene Dareyexi aalepela miloko sootheene ni atthu a muulumo ootheene mweelaponi yootheene: “Mpuha okhaleke ni nyuwo!

Zakariya 6:8

Vano owo aakiitthana, anakeerela: “Moone, iyo sirongwe wa elapo ya ottuttuwani soovaha Munepaaka wiitthuuwa mweelaponi eyo.”

Ahooleli 15:7

Samesoni aaweerela: “Mweenre mpakaka yeeyo, nkimmaaleleya kihoohiyeranseni ikukuttula.”