Exteri 4:16 - Emakhuwa Bible

¹⁶ “Murowe mwaathukumanyihe aYuda ootheene ari oSusa ni mwatthuke mukeerelaka miyo. Muhice naari muhiwure othana ni ohiyu miraru. Miyo vamoha ni arumeiyaaka asithiyana ninootthuka ntoko nyuwosa. Vahoolowaya kinoowaattamela amwene onoohitthunihereyaru munlamuloni. Wakhala okhwa, nkikhweeke!”

Exteri 4:16 Iomraidhean Croise

Epacerero 18:19

Vano Miyo kimuthanlenle weera aweettihe anamwanaawe ootheene ni ikhapirasawe sootheene weera etthare ephiro ya Yave, epakaka yeeyo eri yoororomeleya ni yoowookowa. Hiiho Yave onoomukwaniherela Abrahaamu yeeyo aamuroromelinghaawe.”

Epacerero 43:14

Muluku a ikuru sootheene oomoreliweni ikharari vamaithoni wa mulopwaneene yoowo weera owo atthunihere omuhokoloxa munninyu ni Benyamini vamoha ni nyuwosa. Vano, kaahikhalano anamwane, kheewo yooweera.”

2 Samuweli 10:12

Murima khuru, niwanele mulokwaahu ni isidade sa Mulukwaahu oolipeene murima. Yave apake yeeyo enimureerela.”

2 Mamwene 7:4

Hiyo navolowa musidadeni, nnimookhwa etala; nakhala vaava, nnimookhwatho. Vano niroweke akonenlaayawo awArami weera niixinnyererewo. Awo yuurela okumaahu, nnookhala, mene yaniiva khamwaha.”

2 Nyaha 20:3

Ngwoovanimwawe Yehoxafati, aalakela omukoherera Yave, analamulela oYuda wootheene otthuka.

Ezera 8:21

Iwe, mukerekhere mooloko wAhava, miyo kaalaleiya otthuka weera niiyevihe vamaithoni wa Mulukwaahu ni nimuvekele ekhavihero ya munkwahani wa hiyo ni anamwaniihu vamoha ni sooreelasahu sootheene.

Exteri 4:15

Vano Exteri aamurumihela Mordekai yoowaakhula ela:

Exteri 4:17

Hiiho Mordekai aavenya anapaka sootheene Exteri aamulamulenlaawe.

Exteri 4:3

Khula elapo yaaphiyalaayawo ekano ele ni nlamulo na mwene waakhala wiikhupanyera otokotoko variyari wa aYuda, enatthuka, eniinla, enalalamika. Ancipale yiixaatalela vasaakhoni yiihenleene ettuura.

Exteri 5:1

Eviraleene mahuku mararu, Exteri aawarela sa epwiyamwene, aneemela vanipuwani na mpuwa wa empa ya mwene ohoolo wa esaala ya mwene. Mwene aari vahiceniwawe oluluwana wa mulako.

Exteri 9:31

Aalamula weera mahuku ale a Purimi* yuupuweleliweke mweehuhunimwaya yootthuneya ntoko Mordekai, muYuda, ni pwiyamwene Exteri yaalamulelansaaya okhaliha ni ntoko aYuda yiikhalihenraaya ni wa ikhapirasaya. Yaahaandyeereratho malamulo mwaha wa otthuka ni olalamika.

Yesaya 22:12

Nihuku nenenenne Namalamula, Yave a ikuru sootheene oowiitthanani weera mwiinle ni mulalamike, murosole mayihaanyu ni ngware isaakho.

Yeremiya 36:9

Mmweerini wanaathannamixexe wa muyaakhani yanaathanu moolamulani mwa Yehoyakimi, mwaana mulopwana a Yosiya, mwene a oYuda, waalaleiwa otthuka ohoolo wa Yave wa muloko wootheene wa oYerusaleemu ni wa muloko wootheene waarweela mmasidadeni sa oYuda orowaka oYerusaleemu.

Daniyeli 2:18

Owo aahaavekela omudyoonttelela Muluku a wiirimu ikharari mwaha wa ntikhinelo nne weera owo ni asinthamwenaawe ehiiviwe vamoha ni anamiruku akinaawo a oBabiloniya.

Matheyo 12:40

Vano, hiiho ntoko Yoonasi aaraawe mahuku mararu ni ohiyu miraru mmirimani mwa ehopa etokotoko, hiihotho Mwaana a mutthu anaakhale mahuku mararu ni ohiyu miraru mpuwa mwa etthaya.

Luuka 9:24

Vano, yoowo ontthuna ovuluxa okumaawe, anaayeleele, mene yoowo ongyeleela okumaawe niwoko na Miyo, anaavuluxe.

Yohaane 19:22

Pilatu aawaakhula: “Yeeyo kilempaaka, koolepa.”

Miteko 10:7

Apwahaka ndyelo aamuulumenle, Korneliyu aawiitthana eeli a arumeiyaawe ni nakhotto mmoha a murima wa omuluku, mmoha a yaale yaamurumeela,

Miteko 20:24

Wa soothesene, nkimpwatthela, naari nkinoonelamo okumaaka etthu yoottittimeheyaxa wa miyo mwaneenaaka. Yoohaawelaaka emoharu eri omaliha otthimakawaka ni okwanihera muteko kaakhenlaaka wa Apwiya Yeesu, eyo tiiyo okhalela onamoona sa masu ooreeraxa a mahala a Muluku.

Miteko 21:13

Vano Pawulo aawaakhula: “Heeni nyuwo muniinlaanyu ni munthananihaanyu murimaaka? Koolikana khoohiyono otthukiwa paahi, menetho weera kikhwe oYerusaleemu niwoko na Nsina na Apwiya Yeesu.”

Miteko 27:33

Ohanleene vakhaani oxa, Pawulo aahaanyesereriha weera ootheene ece, eeraka: “Olelo nimmala mahuku muloko ni maxexe nyuwo mureene munnaweherera muhicaaka etthu.

Miteko 9:9

Wookwana mahuku mararu owo aari oohoona, ni khaaciiye, naari khaawunre.

aRooma 16:4

Awo yaaleva okumaaya niwoko na miyo. Kinaavaha asantte yaawo, nkihiyono miyo paahi, mene ikerexa sootheene sa amalapo.

aFilipi 2:30

niwoko owo aahanle vakhaani okhwa mwaha wa osivela wa muteko wa Kristu, alevaka okumaawe weera akivahe ekhavihero nyuwo mwahaawenraanyu ovaha.

Yoxuwa 24:15

Wa soothesene, waahoosivelakani omurumeela Yave, vano munthanleke olelo taani muneeraanyu munrumeele – saari miluku yaarumeelaaya makholowaanyu okhopela wEfrates hoye hoye miluku sa awAmori a elapweene yeela munkhalaanyumo. Vaheera miyo ni emusaaka nnimurumeela Yave.”

1 Samuweli 19:5

Aaleva okumaawe amwiivaka muFilisti. Yave ohaawiniha vancipale aYixrayeli ootheene; nyeenyuweene mohoona sootheene munahakalalela. Mmumpakele heeni yoonanara oohinthowa ntoko Davide, mmwiivaka woohikhala niwoko?”