Exteri 2:9 - Emakhuwa Bible

⁹ Mwaamwali ole aamusiveliha Hegai ni aamukhavihera. Woowaakuveya aamvaha sootthuneya sooreerela ni yooca yooreerela. Aahaathanla arumeiyi asithiyana athanneeli vaate wa mwene weera emurumeele Exteri ni aamuthaamihera Exteri vamoha ni arumeiyi asithiyana ale vanipuroni nooreerela na asithiyanaawe mwene.

Exteri 2:9 Iomraidhean Croise

Epacerero 39:21

Vawo Yave aari ni yoowo, amooniheraka oreerawawe murima ni amutatuxaka mutokweene a mukaliposo weera amureereliwe murima Yoseefe.

Epacerero 39:4

aamuhakalalela vancipale Yoseefe, anamukhaliha muhooleli a itthusawe. Potifari aamuhiyera okosoopa vaatevawe amuroromelaka ni sootheene aarinaawe.

1 Mamwene 8:50

Mulevelele mulokwaanyu wootthekenleni; mulevelele soonanara sootheene woopakenlaayani ni muceendye mirima sa amwiittanaaya weera emorele ikharari.

Ezera 7:6

Vano Ezera owo aarweenle oBabiloniya. Aari namalepa aasuwelanxe nnenesene Nlamulo na Moisesi naavahiwe ni Yave, Muluku a aYixrayeli. Mwene aamvaha sootheene aavekenlaawe niwoko ntata na Yave Mulukwaawe naari mwa yoowo.

Nehemiya 2:8

Mukivahetho ekaratta wa Asafi, mutokweene a othako wa mwene weera akivahe itthaabwa soopakela masele a esidade yoolipaxa eri vakhiviru ni Empa ya Muluku, wa exiri ya esidade ni wa nipuro kineeraaka kakhale.” Weenre onnene wa Muluku wakhala ni miyo, mwene aakaakhulela soovekelasaka.

Exteri 2:12

Ahinaaye wiixoonihera wa mwene akhalaru mwaamwali, waatthuneya okwanihera eyaakha iirehereraka ophwaneliwa waahimmwale wa asithiyana: nyeeri mithannamosa ni makhura a emira*; ni nyeeri mithannamosa sikina iyo ni makhura moota mukina oowunkhela.

Exteri 2:3

Mwene aathanleke asitokweene mweelaponi sootheene sa omwenaawe weera emuruuhele asimwali ooreeraxa awo wa empa ya axaara a mwene musidadeni yoolipihiwa ya oSusa. Awosa ewehawehiweke ni Hegai, enoko* ya mwene onaawehaweha asithiyanaawe ni ephwanelihiweke.

Exteri 5:2

Amoonakaru pwiyamwene Exteri vanipuwani vale aammorela ikharari, anamookolela ekopwaawe ya eyuuma yoorikaxa aavarenlaawe. Vano Exteri aamwaattamela, anatava okhwipi wa ekopo.

Icipo 106:46

Aapakiha weera anamawinaaya yaamorele ikharari.

Masu a Miruku 16:7

Iphiro sa mutthu saamusivelaka Yave, Owo ompakiha weera mpaka amwiittanaawe ekhale mmuretteleni ni yoowo.

Daniyeli 1:9

Vano Muluku aatava murima wa mutokweene ole moota wooweera aamoonihera Daniyeli ikharari ni murima wooreera.

Miteko 7:10

ni aamoopola wa soohooxasawe sootheene, amvahaka Yoseefe mahala ni miruku vamaithoni wa Farawu*, mwene a wExipitu. Hiiho owo aamukhaliha ntoko guvernadori a wExipitu ni a empaawe etokotoko yootheene ya mwene.