Ethupululo 9:17 - Emakhuwa Bible

¹⁷ Ikavalu* ni anamweettiha kaawoonnaaka kireene mMunepani yaakhalano ekhaleloweene ela: Yowiixaakiheraaya ekakasa yaari yooxeera ntoko mooro ni yooriipela ni yancaano ntoko enxofre*. Nyuru sa ikavalu* saalikana ni nyuru sa amwatto, ni mmwaanomwaya waakhuma mooro, mwiixi ni enxofre*.

Ethupululo 9:17 Iomraidhean Croise

Epacerero 19:24

Vano Yave muneenaawe aarupihela oSodoma ni oGomora enxofre ni mooro okhumelelaka wiirimu.

1 Nyaha 12:8

A epuumba ya Gadi, akina akina yaahiiraanano Davide moolipamwawe munikareni. Yaari anakhotto oominya murima, oolikaneene owana, ni yaasuwela owana ni exikudu* ni nivaka. Ekhalelowaaya yaari ntoko ya mwatto, ni yaari oowaaluwa ntoko naahe mmanyaakoni.

Icipo 11:6

Yave onimwaarupihela atakhali makhala evarelaka ni enxofre*; epheyo yoovihaxa. Hiiho awosa eniikhaleno yeeyo enaaphwanela,

Yesaya 30:33

oTopeti woorehereriwa khalayi; ooreherereliwawo mwene. Moorowaaya ti woowaattaxa ni mutokotoko, okukumaka. Iphumu sa Yave simpatta ntoko enxofre* evarelaka mooro.

Ezekiyeli 33:22

Vano oxekuwa ahinaaye ophiya mulopwana ole ntata na Yave naari mwa miyo, ni Owo aahula eyanowaaka. Hiiho, yaahuleya eyanowaaka, ni miyo nkaamaanletho.

Daniyeli 8:2

Mmoonelonimwaka koonnaaka yaari ti ela: Kaari musidadeni yoolipaxa eniitthaniwa Susani, elapo ya wElami. Mmoonelonimwaka kaari mukerekhere mooloko Ulai.

Daniyeli 9:21

vano miyo nlelo kivekelaka hiihale, Gabriyeli, mulopwana ole kaamonnaaka mmooneloni wa khalayi, aakaattamela avavaka woowaakuveya, wookwanaka ehuhu ya yooveleela ya oxekuwa.

Ethupululo 11:5

Akhala mukina ontthuna waananariha, mmwaanomwaya onuukhume mooro oneera waahise amwiittanaaya. Awo antthuna weerera waapaka yoonanara, eniikhwe mooteene yoowo.

Ethupululo 14:10

anaawuretho eviinyu ya isara sa Muluku, mwa yeeyo emiiniwe yoohitakanseriwa ekoomixi ya isarasawe. Anaattaruxiwe ni enxofre* emvarela ohoolo wa andyelo ootteela ni Eputtiputthi.

Ethupululo 19:20

Enamatho ele yaavariwa, nitho mprofeeti oolokottha aapanke ineneero sootikhiniheya mwa nsinanaya, mwa seiyo owo aalokotthannaawe yaawo yaarino eneneero ya enama ni yaalapa ecaambulowaaya. Ooweeli yaavonyeriwa ereene ni okumi vantthiyani na mooro omvarela ni enxofre*.

Ethupululo 20:10

Diyabu* aalokottha aavonyeriwa vantthiyani na mooro omvarela ni enxofre*, weiwo yaavonyeriwaaya enama ya mmunepani ni mprofeeti oolokottha. Awo eniittaruxiwe othana ni ohiyu mahuku ootheene oohimala.

Ethupululo 21:20

nanaathanu sardonikisi;* nanaathannamosa yaspe;* nanaathannameeli krisolito;* nanaathannaararu berilo;* nanaathannaxexe topaziyo;* nanaamuloko krisoprazo;* nanaamuloko nimmoha yasinto*, ni nanaamuloko ni meeli ametista*.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

Ethupululo 9:18

Mpatta wanaararu wa atthu waahookhwa niwoko na sohooxa seiya tthaaru sa mooro, mwiixi ni enxofre* saakhumme mmwaanomwaya.

Ethupululo 9:9

Saakhalano etthu yoowiixaakihera ekakasa ntoko yoowiixaakihera ekakasa ya eyuuma, ni oruma wa mapuphaaya waari ntoko oruma wa ikavalu* ni ikaaro sa ikavalu* sincipale sitthimakelaka okhottoni.