Ethupululo 9:14 - Emakhuwa Bible

¹⁴ Nno naamweerela ndyelo anaathannamosa aarino nipalapatta: “Waataphule andyelo axexe atthukiwe wa mooloko mutokweene Efratesi.”

Ethupululo 9:14 Iomraidhean Croise

Epacerero 15:18

Nihiku nenenenne Yave aakhaliha wiiraana onttharelana ni Abraamu: “Kinoovaha ekhapiraanyu elapo ela, okhuma mukhwipi mwa wExipitu mpaka mooloko mutokweene Efratesi.

Epacerero 2:14

Wanaararu omvira mpatta ninkhuma nsuwa wa wAsiriya, nsinanawe Tigere ni mooloko wanaaxexe ti Efratesi.

2 Samuweli 8:3

Ohiyanawaya, Davide aamuwananotho Hadadezeri, mwaana mulopwana a Rehobi, mwene a oZoba, owo eereraawe okuxatho mweelaponi mukerekhere mooloko Efratesi.

Yeremiya 51:63

Nyuwo mmalihaleene osoma nikwakhwala nno, mwatthukelelemo nluku ni mwavonyere mmoolokoni Efratesi.

Deuteronomiyo 1:7

Muteexase iheemasanyu, murowe wa elapo ya mmanyaakoni sa awAmori; murowaka miloko soowaattamana sootheene wAraba, wa vathi wa nyaako, wa oNegeba ni wa mukerekhere ephareiya, elapo ya aKanaani ni oLibanu, mpaka mooloko mutokokweene Efratesi.

Yoxuwa 1:4

Elapo yootheene eyo eniikhale yawinyu: Okhuma onikareni mpaka oLibanu, ni okhuma mooloko mutokotoko Efratesi mpaka ephareiya etokotoko mpatta wa ninkela nsuwa vamoha ni elapo yootheene ya aHiti.

Ethupululo 16:12

Ndyelo anaathannamosa aarihela mmoolokoni mutokweene Efratesi ekoomixaawe, ni maahaaya yaawelela weera yaarehererele ephiro mamwene anrweela ninkhuma nsuwa.

Ethupululo 7:1

Vahoolowaya, kaawoona andyelo axexe yeemenleene mmattuumbani maxexe a elapo, evaraka ipheyo ixexe sa elapo weera epheyo ehoope mweelaponi, naari mphareiyani naari mmwirini mmoha.

Ethupululo 7:2

Vano, kaamoona ndyelo mukina aweelaka ninkhuma nsuwa, areeneno ewalelo* ya Muluku mukumi. Owo aahaakhuwelela ni nsu ntokotoko andyelo axexe wa yaawo yaavahiwe ikuru weera enanarihe elapo ni ephareiya:

Ethupululo 8:2

Kaawoona andyelo athanneeli yeemenleene ohoolo wa Muluku, ni awo yaavahiwa mapalapatta mathannameeli.

Ethupululo 8:6

Vano, andyelo athanneeli yaarino mapalapatta mathannameeli yaareherera weera yiipe.

Ethupululo 9:15

Andyelo axexe yaarehereriwe wa ehuhu, nihuku, mweeri ni eyaakha ele aataphuliwa weera yiive mpatta wanaararu wa atthu.