Ethupululo 7:16 - Emakhuwa Bible

¹⁶ Kheerwa evoliwa etala, naari ntthona. Nsuwa ni oviha khoorwa waapaka yoonanara,

Ethupululo 7:16 Iomraidhean Croise

Icipo 121:5

Yave onookosoopani – Owo ti Munttuusi wookosoopa ori moonowaanyu mulopwana;

Icipo 121:6

Othana nsuwa khanoohisani hata ohiyu mweeri khawooxupani.

Icipo 143:6

Kinootheteelani matataaka; ntoko etthaya yoowuumaxa okumaaka woovoliwa ntthona nowoohaawelani Nyuwo. Sela*

Icipo 42:2

Okumaaka onimuhaawela Muluku, aani Muluku Mukumi. Nkivolowe yaakhani weera kiixoonihere wa Muluku?

Icipo 63:1

Ii! Muluku, Nyuwo ti Mulukwaaka – ni murima wootheene kinoowaasani. Okumaaka onoohaawelani ni ekhalelowaaka yootheene enootthunani Nyuwo mweelaponi yoowuumaxa yoohikhala maahi.

Ecipo Yooreeraxa 1:6

Muhikiwehe hiiho niwoko na oriipawaka; ti nsuwa nihinse exapalaaka. Anamwane asilopwana a amayaka aakinyoonyeriwa, enakikhaliha namawehaweha a imatta sa iwuuva*; wa soothesene, nkaawera okosoopa emattaaka ya iwuuva*.

Yesaya 25:4

Muri Nipuro nootthawelamo oohaawa ni oothoiwa; Wootthawelela epheyo ni Munttuusi wa oviha. Vano iphumu sa anamapuhera siri ntoko ettheku, emanaka exiri

Yesaya 32:2

Khula mutthu onookhala ntoko mwiikittho wa epheyo ni wootthawelela ettheku, ntoko nyooloko sa maahi munikareni ni munttuusi wa mwala mutokotoko mweelaponi yoowuumaxa.

Yesaya 41:17

Oohaawa ni oothoiwa anaasa maahi, mene khaamphwanya; malumaaya ahuumiwa ntthona. Vaheera Miyo, Yave, kinoowaakhula; Miyo, Muluku a oYixrayeli nkaahiya.

Yesaya 49:10

Awosa kheevoliwa etala naari ntthona, hata oviha wa nsuwa na munikareni khanaahisa. Owo ongwoonihera ikharari onimwaahoolela ni onimwaaphiiha omaahini.

Yesaya 65:13

Tivawo, Yave onlamula sootheene oneeraawe ha: “Arumeiyaaka animooca, mene nyuwosa munoovoliwa etala; arumeiyaaka anoowura, mene nyuwosa munoovoliwa ntthona; arumeiyaaka anoohakalala, mene nyuwosa munimuulihiheya muru.

Yoonasi 4:8

Nikhumaka nsuwa, Muluku aarumiha epheyo yoovihaxa ekhumaka ninkhuma nsuwa ni nsuwa naamvihera Yoonasi mpaka ohaleela okomoka. Hiiho owo aahaawela okhwa eeraka: “Wa miyo waari fataari okhwa ohikhanle okhala ni okumi.”

Matheyo 13:21

Wa soothesene, woonaka weera khanono mukwankhwaari mwaneenaawe, onoopwaherera ehuhu vakhaani paahi. Saakhumelelaka soohooxa, hoye hoye ottharatthariwa niwoko na masu ala, woowaakuveya onoohiya.

Matheyo 13:6

Naakhumalaaya nsuwa, mmiso ole waamenle waahoosa ni waahuuma niwoko khawaarino mikwankhwaari.

Matheyo 5:6

Ooreelihiwa ti yaale anghaawelaxa weera yaakhuleliwe ni Muluku, niwoko eniivonihiwe.

Marku 4:17

Wa soothesene, woonaka weera awo khaanono mikwankhwaari asineenaaya, khaankhala ehuhu yincipale. Waakhumelelaka ohaawa, hoye hoye ottharatthariwa niwoko na masu, woowaakuveya anoohiya ale.

Marku 4:6

Naakhumalaaya nsuwa, mmiso ole waamenle waanyaala ni waahuuma, niwoko khawaarino mikwankhwaari.

Luuka 1:53

Aahaavoniha ni itthu sooreera yaawo yaavoliwe etala, aawoomolatho anamapuha ni matata oohikhalano etthu.

Luuka 6:21

Ooreelihiwa nyuwo vaanaano mumvoliwa etala niwoko mmwivone. Ooreelihiwa nyuwo vaanaano muniinla, niwoko mmwitheiye.

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Yakobe 1:11

Vano nsuwa ningwela ni ovihawaya woovarela ni ninnyaaliha mwiri, ni ethutwaaya eniimore, ni oreera wa ekhalelowaaya enoophwatiwa. Mooteene yoowo, namapuha anaanyaale, areene oopwattha mitekosawe.

Ethupululo 21:4

Owo anuukutthe mmaithonimwaaya maithori ootheene. Khoorwa okhala okhwa, hata olalamika, hata wiinla, naari ovoreiya, niwoko itthu soopacera soovira.