Ethupululo 7:10 - Emakhuwa Bible

¹⁰ Awo yaakhuwela ni nsu ntokotoko: “Ovuluwa ori wa Mulukwaahu okilaathiye vahiceni ni wa Eputtiputthi.”

Ethupululo 7:10 Iomraidhean Croise

Icipo 115:1

Khoohiyono wa hiyo, Yave, khoohiyono wa hiyo, mene wa Nsinananyu okhale ovuwa niwoko na osivelawanyu ni ororomeleyawanyu.

Icipo 3:8

Otapuxa ti wa Yave. Nreelihonanyu nikhaleke vamulokoniwanyu wootheene. Sela*

Icipo 37:39

Ovuluxiwa wa oororomeleya onrweela wa Yave; Owo ti Wootthawelawaya mweehuhuni ya ohasuliwa.

Yesaya 43:11

Miyo muneenaaka ti Yave ni khawoworu mvuluxa kihikhanle Miyo.

Yesaya 45:15

Ii! Muluku ni Mvuluxa a oYixrayeli, vekhaikhai Nyuwo ti Muluku onniipitha.

Yesaya 45:21

Muhime yeeyo eneera yeereiye, moonihere yoowaakhuleleya. Awosa ethukumane elakane. Taani aahimale yeeyo khalayi? Taani aalaleiye mweehuhuni evinre? Kaari Miyo, Yave. Khoowowo muluku mukina kihikhanle Miyo, Muluku Oororomeleya ni Mvuluxa. Khoowowo muluku mukina kihikhanle Miyo.

Yeremiya 3:23

Vekhaikhai, naalapaahu miluku sikina vanttumaxani ti wiilokottha; vekhaikhai ovuluxiwa wa oYixrayeli ori mwa Yave Mulukwaahu.

Hoxeya 13:4

“Vaheera Miyo ti Yave Mulukwaanyu ookhumihaleni wExipitu. Nyuwosa muhaakhuleleru muluku mukina okihiya Miyo. Khawoworu mvuluxa mukina.

Yoonasi 2:9

Wa soothesene, miyo kinimoopakelani sooveleela ni icipo sooxukurela ni kinookwanihera soororomelihasaka. Ovuluwa ongweela wa Yave.”

Zakariya 4:7

Ii! Nyaako sooweraxa, nyuwosa taani? Ohoolo wa Zerubabeli munoothatawalihiwa. Vano onimwiikaathi nluku noottittimiheyaxa atthu ekhuwelaka: ‘Muluku areelihe nna, Muluku areelihe nna!’”

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Luuka 3:6

Atthu ootheene eniyoone ovuluxa wa Muluku.”

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

Yohaane 1:36

Amoonakaru Yeesu aviraka, aaheera: “Mmoone – Ola Eputtiputthi ya Muluku!”

Yohaane 4:22

Nyuwo aSamariya munlapela yeeyo muhisuwenlaanyu, hiyo noosuwela yeeyo ninlapelaahu niwoko ovuluxiwa ongweela wa aYuda.

awEfeso 2:8

Nyuwo moovuluxiwa niwoko na mahala, munroromeloni, ni iwo khoongwa wa nyuwo, ti yamahala ya Muluku,

Ethupululo 12:10

Kaahiiwa nsu ntokotoko na wiirimu neera: “Vano woophiya ovuluwa, ikuru ni omwene wa Mulukwaahu, ni olamula wa Kristuwaawe, niwoko aavonyeriwa vaate namoothera a axunnihu, mwa yoowo ongwoothera axunnihu ohoolo wa Muluku othana ni ohiyu.

Ethupululo 19:1

Vahoolowaya kaahiiwa wiirimu etthu yoolikana ni onyakula wa atthu ancipale, ekhuwelaka: “Haleluya!* Ovuluwa, ovuwa ni ikuru siri sa Mulukwaahu,

Ethupululo 21:5

Yoole aakilaathiye vahiceni aaheera: “Kimpaka sinyowani itthu soothesene!” Nitho: “Mulepe yeeyo, niwoko masu ala ti a ekhaikhai ni oophwanela ororomeliwa.”

Ethupululo 22:3

Khoorwa okhalatho olapha okina. Ehice ya Muluku ni ya Eputtiputthi eniikhale musidadeni, ni arumeiyaawe eniimurumeele.

Ethupululo 4:6

Ohoolo wa ehice yaakhalatho etthu yoolikana ni ephareiya ya ningaraasi, yoowooneela ntoko nluku na ekristalo*. Eriyari, mukerekheremwaya ehice, saari ikhalelo ixexe sa okumi soosareya maitho ohoolo ni ottuli.

Ethupululo 5:7

Eyo yaahaattamela ni yaahaakhelela elivuru wa ntata na moonowaawe mulopwana na Yoole okilaathiye vahiceni.