Ethupululo 7:1 - Emakhuwa Bible

¹ Vahoolowaya, kaawoona andyelo axexe yeemenleene mmattuumbani maxexe a elapo, evaraka ipheyo ixexe sa elapo weera epheyo ehoope mweelaponi, naari mphareiyani naari mmwirini mmoha.

Ethupululo 7:1 Iomraidhean Croise

Yesaya 11:12

Owo onimweemexa eneneero wa miloko ni onaathukumanyiha anamatthukiwa a oYixrayeli; onoothukumanyiha muloko woomwaramwaxeya wa oYuda wa ilapo sootheene.

Yesaya 27:3

Miyo, Yave, ti namakosoopaaya; kinghelela maahi khula nihuku; kinlipelela ohiyu ni othana weera ahikhale anaananarihe ematta eyo.

Yesaya 27:8

Nyuwo munimuthoriha yoowo mukhottoni mmoomolelaka ottai. Owo onoomola muloko ni iphumusawe sooweraxa ntoko munihukuni na epheyo etokotoko ya ninkhuma nsuwa.

Yeremiya 49:36

Kinoopakiha weera ipheyo ixexe sinrweela mipatta mixexe sa wiirimu soopele wElami. Miyo kinimwaamwaraxela mpheyoni ixexe, anamatthukiwa a wElami anooronghiwa wootthukiwani mmilokoni sootheene sa mulaponi.

Ezekiyeli 37:9

Woottharelana, Owo aakeerela: “Mwaana a mutthu, muthalihere iphumu otthuna wa Muluku, ni mweerele weera Yave onlamula sootheene, oneera ha: ‘Ii! Iphumu, murwe okhuma mattuumba maxexe a ipheyo, ni mwiiseelele mpuwa wa anamakhwa ala, weera ekhaleno okumi.’”

Ezekiyeli 7:2

“Mwaana a mutthu, Yave onlamula sootheene oneerela ha muloko wa oYixrayeli: ‘Woophiya ommaleloni! Woophiya ommaleloni wa mattuumba maxexe a elapo ya oYixrayeli.

Daniyeli 11:4

Vahoolo wa okhalihiwa, omwenaawe onoomwaramwareya ni onookawanyeya mipatta mixexe sa elapo ya vathi. Omwenaawe khookhala wa ekhapiraawe ni khoolipa ntoko waaraaya, niwoko omwenaawe onimwaakhiwa, yinnyereriweke akina.

Daniyeli 7:2

Daniyeli aahera: “Moolohanimwaka ohiyu kaahoona ni ohoolowaka saakhala ipheyo ixexe sa wiirimu sitekumihaka ephareiya etokotoko.

Daniyeli 8:8

Epuri yaahunnuwaxa, mene ereene ya ikuruxa, nnyakanaya ntokweene naapwexiwa, ni vanipuroniwaya manyaka maxexe matokotoko yaahunnuwa ewehaka mipatta mixexe sa vathi.

Yoonasi 1:4

Wa soothesene, Yave aahoopihera epheyo etokotoko mphareiyani. Mitekuteku saari sitokotoko mpaka nikula naahanle vakhaani ottatta.

Zakariya 6:1

Kaawehatho ni kaahoona ohoolowaka ikaaro ixexe sa ikavalu* sirweelaka wiirimu eriyari ya nyaako miili sa ebronze*!

Zakariya 6:5

Ndyelo aakaakhula: “Iya ti minepa mixexe sa wiirimu sivennye vaanaano okhuma onkhalaawewo Yave sirowaka wa elapo ya vathi yootheene.

Matheyo 24:31

Owo anaarumihe andyelowaawe ni nsu ntokotoko na nipalapatta, ni awo eniyaathukumanyihe oothanliwaawe wa elapo ya vathi yootheene, okhuma ekotenle erimu mpaka mpatta mukinatho.

Marku 13:27

ni Owo anaarumihe andyelowaawe ni eniyaathukumanyihe oothanliwaawe wa ilapo sootheene, okhuma ekotenle elapo ya vathi mpaka ekotenle erimu.

Ethupululo 20:8

ni anaavenye weera alokotthe ilapo siri mmaloothoni maxexe a elapo, eyo tiiyo Agogi ni Amagogi, weera aathukumanyere ekhotto. Waattawaya ori ntoko muhaava wa mukerekhere ephareiya.

Ethupululo 6:6

Vano kaahiiwa etthu yaalikana ntoko nsu variyari wa ikhalelo sa okumi ixexe, neera: “Muringo mmoha wa etrigu onkhala edinaariyu* emoha ni miringo miraru sa esevada* sinkhala edinaariyu* emoha, ni muhinanarihe makhura, naari eviinyu!”

Ethupululo 7:3

“Muhinanarihe hata elapo, hata ephareiya, naari nyiri mpaka hiyo nneeraahu niwiikaathere iwalelo vayuuci sa arumeiyi a Mulukwaahu.”

Ethupululo 8:7

Ndyelo oopacera aahiipa nipalapattanawe, ni yaakhala maralala ni mooro wootakanseriwa ni ephome mwa seiyo saavonyeriwa vathi. Waahisiwa mpatta wanaararu wa elapo, mipatta sanaararu sa nyiri ni malaxi makithi ootheene.

Ethupululo 9:14

Nno naamweerela ndyelo anaathannamosa aarino nipalapatta: “Waataphule andyelo axexe atthukiwe wa mooloko mutokweene Efratesi.”

Ethupululo 9:4

Iyo saalamuliwa weera sihinanarihe hata malaxi a elapo ya vathi, naari nyiri, hoye hoye itthu sikina sa ntuphini, mene paahi atthu yahaakhanleno eneneero ya Muluku vayuuciniwaya.