Ethupululo 6:4 - Emakhuwa Bible

⁴ Vano yaakhuma ekavalu* ekina yooxeera. Yoole eettiha aahaakhela ikuru weera avenxe murettele wa elapo ya vathi, ni awere weera atthu yiivaneke. Aavahiwa ekatana etokotoko.

Ethupululo 6:4 Iomraidhean Croise

Icipo 17:13

Mvenye, Yave! Mwaawanane ni mwaaphwate! Mukivuluxe ni ekatanaanyu mwa atthu oonanara.

Daniyeli 5:19

Niwoko na otokweene Muluku aavanghaawe, miloko sootheene sa elapo ya vathi ni atthu a muulumo ootheene yaamoovaxa. Yaale mwene aatthunnaawe owiiva, aangwiiva ni yaale aatthunaawe owuurela, aangwuurela; yaale aatthunaawe waakhaliha mapuro oottittimiheya, aamwaakhaliha ni yaale aatthunaawe waayeviha aamwaayeviha.

Zakariya 1:8

Moohiyuni kaahoona moonelo ni ohoolowaka aakhala mulopwana eettiha ekavalu* yooxeera! Owo aari yeemelelo variyari wa imurta* vanxaapwani. Ottuliwawe saakhala ikavalu* sooxeera, sancano ni sootteela.

Zakariya 6:2

Ekaaro yoopacera yaakhalano ikavalu* sooxeera, yanaaveeli ikavalu* sooriipa,

Matheyo 10:34

Muhuupuwele weera kirweenle oruuha murettele vathi. Nkirweenle oruuha murettele, mene ekatana.

Matheyo 24:6

Nyuwo mmwiiwe sa ikhotto ni suulummwaka sa ikhotto, vano mwiipasoope weera muhituthuwe. Ontthuneya weera itthusene seiyo seereiye, mene iyo khasinthoonyera ommaleloni.

Yohaane 19:11

Yeesu aamwaakhula: “Nyuwo khamwaakhalano hata vakhaani ikuru ni Miyo mwahaavahiwe ikuru iyo wa wiirimu. Tivawo yoole okivaherenre wa nyuwo ookhalano nthowa na yoottheka yoowoopwahani nyuwo.”

Ethupululo 12:3

Yaahooneya wiirimu eneneero ekina: edrakoni* etokotoko yooxeera yaarino nyuru mithannamiili ni manyaka muloko, ereeneno nyurusaya icireemba ithannapiili.

Ethupululo 13:10

Akhala mutthu onrowa okaliposo, okaliposo anaarowe. Akhala mukina aneera iiviwe ni ekatana, aniiviwe ni ekatana. Va ontthuneya ootteela ovilela moota woororomeleya.

Ethupululo 17:3

Vano ndyelo aakikuxa mMunepani akironghaka munikareni. Weiwo kaamoona muthiyana, awenleene enama yooxeera ya mmunepani, esareiyeene masina ooveiha ni yaarino nyuru mitannamiili ni manyaka muloko.

Ethupululo 17:6

Kaahoona weera muthiyana aahapaliwa ephome ya atthu ootteela, ephome ya anamoona a Yeesu. Kimoonakaru, kaatikhinaxa.