Ethupululo 5:13 - Emakhuwa Bible

¹³ Kaahiiwa soopattuxiwa sootheene siri wiirimu, vathi, vathi wa etthaya ni mphareiyani seeraka: “Wa Yoole okilaathiye vahiceni, ni wa Eputtiputthi okhale ottottopela, nttittimiho, ovuwa ni ikuru wa mahuku ootheene oohimala!”

Ethupululo 5:13 Iomraidhean Croise

1 Nyaha 29:11

Ii! Yave, otokweene, owera, ovuwa, ottittimiheyaxa ni waara ti wawinyu, niwoko sootheene siri wiirimu ni vathi ti sawinyu. Ii! Yave, omwene ti wawinyu. Nyuwo moopwahaxa itthu sootheene.

Yesaya 24:14

Awosa animwiipa ni ohakalala; okhuma ninkela nsuwa anlaleiya ovuwa wa Yave.

Yesaya 42:10

Mmwiipele Yave ecipo enyowani, ottottopeleyawawe okhuma ekotenle elapo nyuwosa muneetta mphareiya ni sootheene siri mwemmo, nyuwosa icirumba ni sootheene sinkhalamo.

Matheyo 6:13

Muhinihiye nivolowaka ngweereriwani, mene munivuluxe mwa soonanara.’

Luuka 2:14

“Ovuwa okhale wa Muluku Musulusulu, ni vathi vaava murettele wa yaale animusiveliha Muluku.”

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

aRooma 11:36

Vano, sootheene sinrweela wa Muluku, sinkhala niwoko na Yoowo ni sinimukhalela Yoowo. Wa Yoowo okhale ovuwa wa mahuku ootheene! Ame*.

aRooma 16:27

Wa Muluku mmoharu musuweli Owo okhale ovuwa mahuku ootheene mwa Yeesu Kristu. Ame*.

aRooma 9:5

Anamwane a asitokweene oopacera a oYixrayeli ti awaya, ni mweerutthuni Kristu aari a ekhapiraaya. Muluku oopwaha itthu sootheene ooreelihiwa mahuku ootheene. Ame*.

awEfeso 3:21

wa Yoowo okhale ovuwa woohimala wa ekhapira ti ekhapira mukerexani ni mwa Kristu Yeesu.

aFilipi 2:10

weera, mwa Nsina na Yeesu, makutha a ootheene ari wiirimu, elapo ya vathi, ni mmooroni ekokhore,

aKolosi 1:23

mwapwaherera oolipeene ni ookhalihiweene munroromeloni, muhisusaka wa nroromelo mwaakhenlaanyu mwiiwakaru masu ooreeraxa. Awo ti masu ala nyuwo mwiiwalaanyu, ni alaleeriwe atthu ootheene a elapo ya vathi, ni miyo Pawulo koothatuwa murumeiyi a masu ooreeraxa ala.

1 Timootheyo 4:16

Othokorore nnenesene mweettelowaawo ni nihusihonawo, opwahereraka ovilela mwa itthusene seiyo, niwoko opakaka yeeyo, onoovuluxiwa weyo mwaneenaawo ni yaawo angwiiwa.

1 Pedru 4:11

Akhala mukina onuuluma, uulume ntoko mutthu onuuluma masu a Muluku. Akhala mukina onrumeela, arumeele ni ikuru Muluku omvahaawe, moota wooweera mwa itthu sootheene Muluku avuwihiwe mwaha wa Yeesu Kristu. Wa Yoowo okhale ovuwa ni ikuru mahuku ootheene. Ame*.

1 Pedru 5:11

Wa Yoowo sikhale ikuru soohimala. Ame*.

Yuda 1:25

wa Muluku mmoharu, Mvuluxaahu okhale ovuwa, otokweene, ikuru ni olamula niwoko na Yeesu Kristu Apwiyaahu, okhuma ehinaaye ehuhu yootheene, vaanaano vaava ni wa mahuku ootheene. Ame*.

Ethupululo 1:6

onikhalinghe omwene ni asaserdoti* weera nimurumeele Mulukwaawe ni Atithawe, wa Yoowo okhale ovuwa ni ikuru soohimala. Ame*.

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.

Ethupululo 5:1

Vano kaahoona muntatani na moono mulopwana na Yoole okilaathiye vahiceni elivuru elempweene mpuwa ni omokoni ni iwalelo* ithannapiili.

Ethupululo 5:12

ni yaahiipa ni nsu ntokotoko: “Yoophwanela ti Eputtiputthi yiiviwe weera yaakhele owera, mihakhu, miruku, ikuru, nttittimiho, ovuwa ni ottottopela!”

Ethupululo 5:3

Khaawotho a wiirimu, naari a vathi, hata a vathi wa etthaya aawera ohula elivuru, hata aaweha yeeyo.

Ethupululo 5:6

Kaahoona Eputtiputthi yaakhala ntoko yoowiiviwa, yeemenleene eriyari ya ehice yaarukureeriwe ni ikhalelo ixexe sa okumi ni asitokweene. Eyo yaarino manyaka mathannameeli ni maitho mathannameeli ari minepa mithannamiili sa Muluku soorumiheliwa elapo yootheene.

Ethupululo 5:9

ni awo yaahiipa ecipo enyowani: “Moophwanela waakhela elivuru ni ohula iwalelosaya*, niwoko mohiiviwa ni moomuthumela Muluku atthu a epuumba, nuulumo, muloko ni elapo yootheene.

Ethupululo 6:16

Awo yaakhuwelela nyaako ni nyala: “Munimorele ni munivithe wa ekhove ya Yoole okilaathiye vahiceni ni wa isara sa Eputtiputthi!