Ethupululo 4:7 - Emakhuwa Bible

⁷ Ekhalelo yoopacera yaari yoolikana ni mwatto; yanaaveeli ni emombe elopwana; yanaararu yaarino ekhove yoolikana ni mulopwana, ni yanaaxexe yaari ntoko xaaka avavaka.

Ethupululo 4:7 Iomraidhean Croise

Epacerero 49:9

Yuda, weyo ti mwaaxaana a mwatto; aani mwanaka, ntoko mwatto ahokolowaka woolupatthani. Oniireherera otuphela ntoko mwatto; oniixaatalela ntoko mwatto muthiyana. Taani ongwera ongwanano?

2 Samuweli 1:23

Sawuli ni Yonatani – mookuminimwaya yaari oosiveleya ni mookhwaanimwaya khayaamwalamwaxiwe. Yaari oowaaluwaxa waapwaha axaaka ni oolipaxa oowaapwaha amwatto.

Masu a Miruku 28:2

Elapo yaakhalaka yoovaanya, enaakhalano ahooleli ancipale, vaheera muhooleli musuweli ni a miruku onimweettiha nnenesene elapo.

Yesaya 40:31

vaheera yaale animuroromela Yave anoophwanyatho ikurusaya; anoovavela osuluxa ntoko axaaka; anootthimaka woohikhulumuwaru, animweetta woohitomba.

Ezekiyeli 1:10

Ohoolowaya, khula ekhalelo yaakhalano ekhove enlikana ya mutthu, moono woolopwana ekhove ya mwatto, moono woothiyana ekhove ya emombe, ni ottuliwaya ya xaaka.

Ezekiyeli 1:8

Waamapuphawaya, mipatta soomixexe, iyo saakhalano matata ntoko a atthu. Sooxeexe iyo saakhalano ikhove ni mapupha,

Ezekiyeli 10:14

Khula kerubini* aakhalano ikhove ixexe – ekhove yoopacera yaari ya kerubini*, yanaaveeli ya mutthu, yanaararu ya mwatto ni yanaaxexe ya xaaka.

Ezekiyeli 10:21

Khula kerubini* aakhalano ikhove ixexe ni mapupha maxexe, ni waamapuphawaya yaakhala etthu yaalikana ni matata a mutthu.

Daniyeli 7:4

Oopacera aari ntoko mwatto akhalanaka mapupha a xaaka. Kaaweha mpaka mapuphaawe yaavasuliwa ni owo aaheemexiwa vathi moota wooweera aaheemela nyetto miili ntoko mutthu, anaakhela murima wa mutthu.

Obadiya 1:4

Hata mwiirakamelihaka ntoko xaaka munapaka epuurwaanyu variyari wa ithenyeeri, Miyo kinimoomoroxani,” oneera ti Yave.

Nuumeru 23:24

Muloko oneemela ntoko mwatto muthiyana; oneemela ntoko mwatto mulopwana, ohiniixaatalelaru mpaka onyaanya yoovaraawe ni owura ephome ya seiyo iivalaawe.”

Nuumeru 24:9

Awosa aniipitha ni aniixaatalela ntoko mwatto mulopwana ni muthiyana, taani anaawere waavenxa? Ereelihiwe yaawo eniyaareelihe, ni elamphwe yaawo eniyaalaphe!”

1 aKorinto 14:20

Axunnaka, muhuupuwele ntoko anamwane. Mukhale anamwane mwa soonanara, mene oowunnuwa mwa wuupuwelawanyu.

Deuteronomiyo 28:49

Yave anootannyereleni muloko wa ottai weera woorweelaseni ntoko xaaka atthunaka ovara; muloko muneeraanyu muhiiweke nuulumonaya.

Ethupululo 4:6

Ohoolo wa ehice yaakhalatho etthu yoolikana ni ephareiya ya ningaraasi, yoowooneela ntoko nluku na ekristalo*. Eriyari, mukerekheremwaya ehice, saari ikhalelo ixexe sa okumi soosareya maitho ohoolo ni ottuli.

Ethupululo 6:3

Ehulakaru Eputtiputthi ewalelo* yanaaveeli, kaahiiwa ekhalelo ya okumi yanaaveeli yeera: “Ngweeke!”

Ethupululo 6:5

Ehulakaru Eputtiputthi ewalelo* yanaararu, kaahiiwa ekhalelo ya okumi yanaararu yeera: “Ngweeke!” Kaaweha ni ohoolowaka yaakhala ekavalu* yooriipa. Yoole eettiha aakhalano mmatatani muringo.

Ethupululo 6:7

Ehulakaru Eputtiputthi ewalelo* yanaaxexe, kaahiiwa ekhalelo ya okumi yanaaxexe yeera: “Ngweeke!”