Ethupululo 4:6 - Emakhuwa Bible

⁶ Ohoolo wa ehice yaakhalatho etthu yoolikana ni ephareiya ya ningaraasi, yoowooneela ntoko nluku na ekristalo*. Eriyari, mukerekheremwaya ehice, saari ikhalelo ixexe sa okumi soosareya maitho ohoolo ni ottuli.

Ethupululo 4:6 Iomraidhean Croise

1 Mamwene 7:23

Aahanatho nttankhi ntokotoko noorukureera ni noowiixa, mmwaanomwaya imeetru* ixexe ni eriyari ya emeetru* ni orakamawaya imeetru* piili ni eriyari ya emeetru*. Orukureerawaya waari imeetru* muloko niithanu.

Yobi 28:17

Eyuuma yoorikaxa ni ekristalo* khasinlikanxereya ni yeeyo, ni ti woohiwereya waakakhanyiha ni maluku oowaaraxa a eyuuma yoorikaxa.

Okhuma 38:8

Aapaka ebasiya ya ebronze* ni mweettwaaya wa iloola sa asithiyana yaarumeela vamulako wa Eheema ya Muthukumano*.

Ezekiyeli 10:12

Irutthusaya sootheene ni ottuliwene, matata ni mapupha, yaasareya maitho ni hiihotho marekwaayeene ootheene.

Ezekiyeli 10:14

Khula kerubini* aakhalano ikhove ixexe – ekhove yoopacera yaari ya kerubini*, yanaaveeli ya mutthu, yanaararu ya mwatto ni yanaaxexe ya xaaka.

Ethupululo 14:3

Awo yaahiipa ecipo enyowani ohoolo wa ehice, ikhalelo ixexe ni asitokweene. Khaawo yaawera oxuttera ecipo ele, ehikhanle atthu 144 000, mwa yaawo yoopoliwe mweelaponi.

Ethupululo 15:2

Kaahoona etthu ekina yoolikana ni ephareiya ya ningaraasi yootakanseriwa ni mooro, ni mukerekheremwaya yaawo yaawinne enama ya mmunepani ni ecaambulowaaya ni nuumuru na nsinanaya. Awo yaahaakuxa amakita yaavahiwaaya ni Muluku,

Ethupululo 15:7

Vano emoha ya ikhalelo sa okumi ixexe yaahaavaha andyelo athanneeli ikoomixi ithannapiili sa eyuuma yoorikaxa soosareya ni isara sa Muluku onkhala mahuku ootheene oohimala.

Ethupululo 19:4

Asitokweene miloko miili naaxexe ni ikhalelo ixexe sa okumi saakokhora ni saamulapa Muluku aakilaathiye vahiceni ni saakhuwela: “Ame*! Haleluya!*”

Ethupululo 21:11

Eyo yaara ni ovuwa wa Muluku, ni waarawaya waari ntoko waara wa nluku noottittimiheyaxa, ntoko nluku na yaspe* ni ekristalo*.

Ethupululo 21:18

Exiri yaapakiwe ni maluku a yaspe*, ni esidade yaapakiwe ni eyuuma yoorikaxa yoowiitthwihaxiwa, yoolikana ni ningaraasi noowiitthwihaxiwa.

Ethupululo 21:21

Milako muloko ni miili yaakhala maluku oowaaraxa muloko ni meeli, khula mulako waapakeliwe ni nluku noowaaraxa nimoha. Musewe mutokweene wa esidade waapakeliwe ni eyuuma yoorikaxa yoowiitthwihaxiwa, ntoko ningaraasi noowooneela.

Ethupululo 22:1

Vano ndyelo aakoonihera mooloko wa maahi a okumi, oowaara ntoko ekristalo*, okhumaka vahiceni ya Muluku ni ya Eputtiputthi

Ethupululo 4:4

Vano, ihice miloko miili niixexe sikina saarukureera ehice ele, ni asitokweene miloko miili naaxexe ekilaantheene mwemmo. Awo yaawanre ikuwo sootteela nitho icireemba sa eyuuma yoorikaxa mmurumwaya.

Ethupululo 5:11

Vano, kaaweha ni kaahiiwa nsu na andyelo oohaalikeleya. Awo yaarukureera ehice, hiiho ntoko ikhalelo sa okumi ni asitokweene,

Ethupululo 5:14

Ikhalelo ixexe sa okumi saaheera: “Ame”*, ni asitokweene yaakokhorela ni yaalapa.

Ethupululo 5:6

Kaahoona Eputtiputthi yaakhala ntoko yoowiiviwa, yeemenleene eriyari ya ehice yaarukureeriwe ni ikhalelo ixexe sa okumi ni asitokweene. Eyo yaarino manyaka mathannameeli ni maitho mathannameeli ari minepa mithannamiili sa Muluku soorumiheliwa elapo yootheene.

Ethupululo 5:8

Yaakhelaka, ikhalelo ixexe sa okumi ni asitokweene miloko miili naaxexe yaakokhorela ohoolo wa Eputtiputthi. Khula mutthu a yaale aakhalano makita ni nyaapu soopakiwa ni eyuuma yoorikaxa soosareya ni mwiixi woowunkhela, mwa yoowo ori mavekelo a atthu ootteela,

Ethupululo 6:1

Kaaweha Eputtiputthi yaahunlaaya ewalelo* yoopacera ya ithannapiili. Vano kaahiiwa ekhalelo ya okumi emoha yeera ni nsu ntoko etari: “Ngweeke!”

Ethupululo 6:6

Vano kaahiiwa etthu yaalikana ntoko nsu variyari wa ikhalelo sa okumi ixexe, neera: “Muringo mmoha wa etrigu onkhala edinaariyu* emoha ni miringo miraru sa esevada* sinkhala edinaariyu* emoha, ni muhinanarihe makhura, naari eviinyu!”

Ethupululo 7:11

Andyelo ootheene yaarimweemela erukureenreene ehice, asitokweene ni ikhalelo sa okumi ixexe, ni awo yaahuuramihela ekhovaaya vathi ohoolo wa ehice ni yaamulapa Muluku,

Ethupululo 7:17

niwoko Eputtiputthi eri eriyari ya ehice eniikhale Mukukhulaaya. Eyo eniweettihe wa anaattuuttu a maahi makumi. Ni Muluku anaawuukutthe mmaithonimwaya maithori ootheene.”