Ethupululo 4:4 - Emakhuwa Bible

⁴ Vano, ihice miloko miili niixexe sikina saarukureera ehice ele, ni asitokweene miloko miili naaxexe ekilaantheene mwemmo. Awo yaawanre ikuwo sootteela nitho icireemba sa eyuuma yoorikaxa mmurumwaya.

Ethupululo 4:4 Iomraidhean Croise

Exteri 8:15

Mordekai aavenya vamaithoni wa mwene awarenleene sa emwene sa kanka ni sootteela, ecireemba etokotoko ya eyuuma yoorikaxa ni mukaandyo wookankela wa nliinya nootteettheya. Esidade ya oSusa yaatthapa ni ohakalala.

Icipo 21:3

Moomwaakhela nnene ni mareeliho oowaatta, munangwariha ecireemba ya eyuuma yoorikaxa.

Matheyo 19:28

Yeesu aaweerela: "Miyo kinooleelani ekhaikhai: mweehuhuni enyowani engwa, Mwaana a mutthu akilaathiyeene vahiceni ya ovuwa, nyuwo mukitthanre mmwikilaathi vahiceni muloko ni piili weera muthorihe ipuumba* muloko ni piili sa oYixrayeli.

Luuka 22:30

weera muceeke ni muwureke vameesaniwaka mureene moomwenenimwaka ni weera mukilaathi muhiceni, muthorihaka ipuumba* muloko ni piili sa aYixrayeli.

2 Timootheyo 4:8

Vano enookiweherera ecireemba ya ekhaikhai Apwiya, Mphuki oororomeleya, eneeraaya ekivahe nihuku nno, ni khoohiyono wa miyo paahi, menetho wa ootheene ansivela orwawaya.

Ethupululo 11:16

Asitokweene miloko miili naaxexe yaakilaathiye vahiceniwaya ohoolo wa Muluku yaahuuramiha ikhovesaya mpaka vathi, enamulapa Muluku,

Ethupululo 14:3

Awo yaahiipa ecipo enyowani ohoolo wa ehice, ikhalelo ixexe ni asitokweene. Khaawo yaawera oxuttera ecipo ele, ehikhanle atthu 144 000, mwa yaawo yoopoliwe mweelaponi.

Ethupululo 19:14

Anakhotto ancipalexa a wiirimu yaamutthara, ewanreene ikuwo sootteettheya, sootteela, ni soohikhala malepa, ni ewenleene ikavalu* sootteela.

Ethupululo 19:4

Asitokweene miloko miili naaxexe ni ikhalelo ixexe sa okumi saakokhora ni saamulapa Muluku aakilaathiye vahiceni ni saakhuwela: “Ame*! Haleluya!*”

Ethupululo 2:10

Muhoove wa itthu muneeraanyu muhaawe. Miyo kinooleelani: Diyabu* anaavonyere akina a nyuwo mukaliposo weera aweerereni, ni nyuwo mmwihaawe osoondiwa woomalaka mahuku muloko. Mukhale oororomeleya mpaka okhwa ni Miyo nkoovaheeni ecireemba ya okumi.

Ethupululo 20:4

Kaahoona ihice, mwa seiye yaakilaathenlaaya yaale yaavahiwe ikuru weera ethorihe. Kaahoona okumi wa yaawo yaahitiwe niwoko na onamoona wa Yeesu ni na masu a Muluku. Awo khayaalampe enama, hata ecaambulowaaya ni khayaakhenle eneneerowaaya vayuuci, naari mmatatani. Awo yaavenyerera ni yaalamula vamoha ni Kristu wa iyaakha macira muloko.

Ethupululo 3:18

Miyo kinoolakani weera muthume wa Miyo eyuuma yoorikaxa yoowiitthwihaxiwa mmooroni, weera muthatuwe namuhakhu, ni ikuwo sootteela soowara weera muttiyeleele ohiwarawanyu woowuuliha muru, ni murette wa maitho, weera muttikitthele maithwaanyu ni moone.

Ethupululo 4:10

asitokweene miloko miili naaxexe animukokhorela Yoole okilaathiye vahiceni ni animulapa Yoole onkhala ni okumi woohimala, evonyeraka icireembasaya ohoolo wa ehice, yeeraka:

Ethupululo 4:6

Ohoolo wa ehice yaakhalatho etthu yoolikana ni ephareiya ya ningaraasi, yoowooneela ntoko nluku na ekristalo*. Eriyari, mukerekheremwaya ehice, saari ikhalelo ixexe sa okumi soosareya maitho ohoolo ni ottuli.

Ethupululo 5:11

Vano, kaaweha ni kaahiiwa nsu na andyelo oohaalikeleya. Awo yaarukureera ehice, hiiho ntoko ikhalelo sa okumi ni asitokweene,

Ethupululo 5:14

Ikhalelo ixexe sa okumi saaheera: “Ame”*, ni asitokweene yaakokhorela ni yaalapa.

Ethupululo 5:6

Kaahoona Eputtiputthi yaakhala ntoko yoowiiviwa, yeemenleene eriyari ya ehice yaarukureeriwe ni ikhalelo ixexe sa okumi ni asitokweene. Eyo yaarino manyaka mathannameeli ni maitho mathannameeli ari minepa mithannamiili sa Muluku soorumiheliwa elapo yootheene.

Ethupululo 5:8

Yaakhelaka, ikhalelo ixexe sa okumi ni asitokweene miloko miili naaxexe yaakokhorela ohoolo wa Eputtiputthi. Khula mutthu a yaale aakhalano makita ni nyaapu soopakiwa ni eyuuma yoorikaxa soosareya ni mwiixi woowunkhela, mwa yoowo ori mavekelo a atthu ootteela,

Ethupululo 6:11

Vano khula mutthu a yaale aahaakhela mukaandyo wootteela, ni yaaheereliwa weera ewehereretho vakhaani, mpaka okwanele waatta wa asikhwaaya ni axunnaya yeera ekhweeke ntoko yaawo.

Ethupululo 7:11

Andyelo ootheene yaarimweemela erukureenreene ehice, asitokweene ni ikhalelo sa okumi ixexe, ni awo yaahuuramihela ekhovaaya vathi ohoolo wa ehice ni yaamulapa Muluku,

Ethupululo 7:9

Vahoolowaya kaaweha, ni ohoolowaka yaakhala atthu ancipalexa mwa yaawo khaawo aawera owaalikela. Yaakhala wa ilapo, ipuumba, miloko, ni muulumo ootheene. Yaarimweemela ohoolo wa ehice ni wa Eputtiputthi, ewanreene mikaandyo sootteela ni emvarenleene mmatatanimwaya kancesa.

Ethupululo 9:7

Misoope saalikana ni ikavalu* soorehereriwa weera siwane ekhotto. Mmurumwaya saakhalano etthu yoolikana ni ecireemba ya eyuuma yoorikaxa, ni ekhovaaya yaalikana ni ekhove ya mutthu.