Ethupululo 3:5 - Emakhuwa Bible

⁵ Namawina anaawaretho ikuwo sootteela. Nkirwa kicipiha nsinanawe mulivuruni ya okumi, mene nkimwaakhulele vamaithoni wa Atithaka ni andyelowaaya.

Ethupululo 3:5 Iomraidhean Croise

Icipo 109:13

Ekhapiraawe ephwatiwe; masinaaya emalamalihiwe wa ikhapira sa muhoolo.

Icipo 69:28

Awosa evenxiweke mulivuruni ya okumi, ehaalikeleliwe vamoha ni oororomeleya.

Malekiya 3:17

“Vanihukuni kineeraaka kireherere muhakhwaaka” oneera Yave a ikuru sootheene, “awosa anookhala yawaka xaxaxa. Miyo kinoowuurela ntoko tiithi onimuurelaawe mwaniye ommwiiwelela.

Matheyo 10:32

Yoowo onkilapa Miyo variyari wa atthu, Miyo nkimuromoletho yoowo ohoolo wa Atithaka ari wiirimu.

Luuka 10:20

Wa soothesene, muhihakalale niwoko minepa soonanara sinoowiiwelelani, mene muhakalale niwoko masinaanyu aalempwa wiirimu.”

Luuka 12:8

Miyo kinooleelani: ootheene onkilapa vamaithoni wa atthu, Mwaana a mutthutho anaamuromole vamaithoni wa andyelo a Muluku.

Deuteronomiyo 9:14

Mukihiyeke weera kaaphwate, kicipihaka nsinanaya mweelaponi. Kinimootatuxani muloko woolipaxa ni woowaatta woopwaha muloko owo.”

aFilipi 4:3

Aani miyo kinoovekelani nyuwo mukhwaaka oororomeleya weera mwaakhavihere, niwoko awo aawana vamoha ni miyo niwoko na masu ooreeraxa vamohatho ni Klemente ni anamitekwaaka akina. Masinaaya ari mulivuruni ya okumi.

Yuda 1:24

Wa Yoole ongwera owooceelihani wuuwa ni owooniherani vahoolo wa ovuwawawe woohikhala nlepa ni moohakalalani otokotoko,

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.

Ethupululo 17:8

Enama ele moonnaanyu yaari, vanotho kheehiyono, ni ehanle vakhaani okhuruwela ngwiixerani, erooke wooriheyani. Atthu a elapo ya vathi, mwa yaawo masinaaya ahilempwale mulivuruni ya okumi okhuma ephattuwelo ya elapo, eniitikhine yoonaka enama, niwoko eyo yaari, kheehiyono, nitho ehanle orwa.

Ethupululo 19:8

Aavahiwa ekuwo yootteettheya, yoowaara ni yootteela weera aware.” Ekuwo yootteettheya eri miteko sa ekhaikhai sa atthu ootteela.

Ethupululo 2:11

Yaawo arino maaru, yiiwe yeeyo Munepa onleelaaya ikerexa! Namawina kharwa ahaawa naari vakhaani okhwa wanaaveeli.

Ethupululo 2:7

Yaawo arino maaru, yiiwe yeeyo Munepa onleelaaya ikerexa! Wa namawina nkimutthunihere oca sa mwiri wa okumi ori mParadisu* wa Muluku.

Ethupululo 20:12

Kaawoonatho akhwiiye – asitokweene ni asikhaani – yeemenleene ohoolo wa ehice, ni ilivuru saahuleya. Elivuru ekina yaahuleya, elivuru ya okumi. Akhwiiye yaathorihiwa mwaha wa mitekosaya, ntoko saalempwale mulivuruni.

Ethupululo 20:15

Nsina na mukina nahaaphwanyiwe mulivuruni ya okumi, owo aavonyeriwa vantthiyani na mooro.

Ethupululo 21:27

Mwa yeeyo kheerwa evolowa etthu yoohitteela, hata mukina ompaka etthu yoowuuliha muru, naari yoolokottha, mene paahi yaawo masinaaya alempwale mulivuruni ya okumi ya Eputtiputthi.

Ethupululo 22:19

Akhala mukina omvenxa hata nsu nimoha mwa elivuru ela ya ethalihero ya otthuna wa Muluku, Muluku anaavenxe mpattaawe wa mwiri wa okumi ni wa esidade yootteela, ntoko silempwalaaya mulivuruni mu.

Ethupululo 3:12

Kinimukhaliha namawina marimbu Mpaani mwa Mulukwaaka, ni vaavaawo kharwa akhuma. Nkilepe mwa yoowo Nsina na Mulukwaaka ni nsina na esidade ya Mulukwaaka, Yerusaleemu enyowani, mwa yeeyo enkhuruwa wiirimu wa Muluku ni nkilepetho mwa yoowo nsinanaka nnyowani.

Ethupululo 3:4

Wa soothesene, mookhalano iwo oSardi atthu vakhaani ahinanaringhe ikuwosaya. Awo eniyeette ni Miyo ni ikuwo sootteela, niwoko aaphwanela.

Ethupululo 6:11

Vano khula mutthu a yaale aahaakhela mukaandyo wootteela, ni yaaheereliwa weera ewehereretho vakhaani, mpaka okwanele waatta wa asikhwaaya ni axunnaya yeera ekhweeke ntoko yaawo.

1 Samuweli 17:25

Vano aYixrayeli yaaheerelana: “Moomoona nnenesene mulopwana ole? Owo onoodereratho muloko wa aYixrayeli. Mwene oororomeliha mihakhu sincipale wa yoowo anaamwiive. Mpaka onoomutheliha mwanawe muthiyana ni emusi yootheene ya atithawe kheeliva musoko oYixrayeli.”