Ethupululo 21:3 - Emakhuwa Bible

³ Kaahiiwa nsu ntokotoko naarweela vahiceni neeraka: “Vano etabernaakulu* ya Muluku eri ni atthu, ni Owo anaakhale ni yaawo. Awo eniikhale mulokwaawe ni Muluku muneenaawe anaakhale ni yaawo, ni anaakhaletho Mulukwaaya.

Ethupululo 21:3 Iomraidhean Croise

1 Mamwene 8:27

Woohihovela Yave khamaka elapo ya vathi ela. Muluku ti Mutokweene woopwahaxa wiirimu ni mapuro a musulusulu. Wootepaxa Empa ela kitenkaaka!

2 Nyaha 6:18

Weeraka onoowereya Muluku omaka mulaponi ni atthu? Irimu, aani irimu soorakamelaxa khasinookotihani Nyuwo. Wootepaxa Empa ya Muluku ela kitenkaaka!

Okhuma 25:8

Vahoolowaya mukitekele Nipuro Nootteela* weera kimake variyari wa muloko.

Okhuma 29:45

Kinookhala variyari wa aYixrayeli kikhalaka Mulukwaaya.

Yesaya 12:6

Amaki a oSiyoni, mukhuwele ni mwiipe ni ohakalala, niwoko Ootteela a oYixrayeli ti Mutokweene variyariwanyu.”

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Yeremiya 32:38

Awosa anookhala mulokwaaka, ni Miyo kinookhala Mulukwaaya.

Ezekiyeli 37:27

Wookhalawaka onuukhale ni yaawosa; Miyo kinookhala Mulukwaayasa ni awosa anookhala mulokwaaka.

Ezekiyeli 43:7

Owo aakeerela: “Mwaana a mutthu, nna ti nipuro na ehicaaka ya emwene ni noonyikalihera inaawosaka. Va kinookhala mahuku ootheene eriyari ya aYixrayeli. Muloko wa aYixrayeli khoovalihatho Nsinanaka Nootteela, hata aYixrayeli, naari mamwenaaya kheevaliha ni opuutaaya ni miluku soohikhalano okumi sa mamwenaaya mmattumuxanimwaya ootteeliheriwa miluku sikina.

Ezekiyeli 48:35

Othanuwa wa mukhwipimwaya moothemwene okhalaneke ikilomeetru* ithanniixexe ni eriyari ya ekilomeetru* emoha. Okhuma ehuhuweene yeeyo woorowa ohoolo, esidade yiitthaniweke: ‘Yave ori vaava.’ ”

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Zakariya 8:8

Miyo kinimwaahokoloxera weera ekhale oYerusaleemu; awosa anookhala mulokwaaka ni Miyo kinookhala Mulukwaaya moororomeleyani ni mweekhaikhaiyini.”

Nuumeru 9:16

Mahuku ootheene yeereya ha: Othana nihutte naakhuneela eyo ni ohiyu naalikana ni mooro.

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 14:23

Yeesu aamwaakhula: “Mukina akisivela Miyo, oniiwelela maswaaka. Atithaka eniimusivele ni hiyo nnirwe wa yoowo ni nnikhale mwa yoowo.

2 aKorinto 6:16

Wiiwanana heeni eraayano Empa ya Muluku ni sa miluku soolokottha? Vano hiyo nri Empa ya Muluku mukumi. Ntoko Muluku eenraawe: “Nkikhale vamoha ni yaawo, ni nkeette variyariwaya. Nkikhale Mulukwaaya, ni awosa eniikhale mulokwaaka.”

2 aKorinto 6:18

Nkikhale Atithinyu, ni nyuwo mmwikhale anamwanaaka alopwana ni athiyana, aneera Apwiya a ikuru sootheene.”

1 aTesalonika 3:11

Muluku Atithihu muneenaawe ni Apwiyaahu Yeesu ereherere ephiro weera niphiye wa nyuwo.

aHeberi 11:16

Vano, ohiya toko yeeyo, awo yaaweherera ewaani yootthuneyaxa, eyo tiiyo ewaani ya wiirimu. Tivawo, Muluku khaniixuulihiha muru iitthaniwaka Mulukwaaya, niwoko ohaarehererela esidade emoha.

aHeberi 8:10

Wu ori wiiraana Miyo kineeraaka kipake ni muloko wa aYixrayeli vahoolo wa mahuku awo, anghima Apwiya: Nkihele malamulowaaka mmuupuwelonimwaya, ni nkilepe yaawo mmirimanimwaya. Nkikhale Mulukwaaya, ni awo eniikhale mulokwaaka.

aHeberi 8:2

ni onrumeela vaNipuroni Nootteela*, vatabernaakuluni* ya ekhaikhai Apwiya apankaaya ahikhanle mutthu.

Ethupululo 10:4

Sirumakaru itari ithannapiili, miyo kaatthuna olepa, mene kaahiiwa nsu nimoha na wiirimu neeraka: “Ngwale seiyo itari ithannapiili sihimalaaya ni muhilepe.”

Ethupululo 10:8

Vano naakuulumela veeli nsu kiiwalaaka nuulumaka wiirimu, neeraka: “Murowe, mwakuxe elivuru yoohuleya eri mmatatani mwa ndyelo eemenle mphareiyani ni vatthayani.”

Ethupululo 12:10

Kaahiiwa nsu ntokotoko na wiirimu neera: “Vano woophiya ovuluwa, ikuru ni omwene wa Mulukwaahu, ni olamula wa Kristuwaawe, niwoko aavonyeriwa vaate namoothera a axunnihu, mwa yoowo ongwoothera axunnihu ohoolo wa Muluku othana ni ohiyu.

Ethupululo 21:7

Namawina anaakhele soothesene iya ni Miyo nkikhale Mulukwaawe, ni owo mwanaka.

Ethupululo 22:3

Khoorwa okhalatho olapha okina. Ehice ya Muluku ni ya Eputtiputthi eniikhale musidadeni, ni arumeiyaawe eniimurumeele.

Ethupululo 7:15

Tivawo, awo araaya ohoolo wa ehice ya Muluku ni animurumeela othana ni ohiyu vaNipuroniwawe Nootteela, ni Yoole okilaathiye vahiceni anaakhuneele yaawo ni etabernaakulu*.